Hosea 14:9 - Syin Chin Bible

⁹ Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Hosea 14:9 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Job 17:9

Zatakhuai khu hi a kicite in amate ngaisutna maan kisa vaial uh hi.

Psalm Late 107:43

A ciimte in hi thute ngaisun thei tahen; Topa ii itna kip ngaisun thei tahen.

Psalm Late 119:128

Tua ahiciang na lamlaknate theampo ka zui a, lam khialna theampo ka ngaimaw hi.

Psalm Late 119:75

Topa awng, na thukhennate tang hi ci in ka he hi, tuaciang daan nong piak zongh nangma thumaan hang ahi hi.

Psalm Late 84:5

Nangma kung pan thahatna a ngate le a thiangtho Zion Mual ah Pathian biak tu a lawpte in bangza in lungdam ziam!

Psalm Late 84:7

Amate a papai uh ciang, hat vaial a, amate in pathiante ii Pathian sia Zion mual tungah a mu tu uh hi.

Paunakte 10:29

Topa in thumaan mihingte sungsia hi; ahizong a ngamta khialte susia hi.

Paunakte 16:21

A ciim a puicing mihing khat sia ama ii tel theina a neina pan kihe hi. Ama sia kamthum pau vaial a, ngual huai vaial hi.

Paunakte 4:18

Thutangte tot lampi sia sun dongin, a taang vaial nisuak taw kibang hi.

Isaiah 1:28

Ahihang mawna a vawtte le ama a langpante theampo, ama in sucip tu a; ama a taisan peuma thatlum tu hi.

Isaiah 17:8

Amate in a khut uh taw a vawttawm biaknataute suang nawn ngawl tu a, ahibuale a khut vateak taw a vawt sa — Asherah numeipathian limte le ngimnamtui halna taute muang nawn ngawl tu hi.

Isaiah 26:7

Topa awng, mihing phate atu in a lampi ngilsakin; a khualhawna lampi na tamkimsak hi.

Jeremiah 29:12

Tuaciang kei nong sam tu uh hi. Kei kung hong zuanin thu nong ngen tu uh hi, tuaciang kong zo tu hi.

Jeremiah 9:12

Keima in, “Topa awng, hi ngam sia kuama khualhaw ngawl natu in banghangin kisia cip a sennealngam bangin kongaw ziam? Akua in hi bang thute a tel thei tu za in ciim tu ziam? Midangte tungah sonsawn thei tu in akua tungah na thiang son zo ziam?” ci in ka dongh hi.

Ezekiel 11:18

Amate hong heak kik uh ciangin, a ninnoi a kiihuai milim a mu theampo a vawk keak tu uh hi.

Ezekiel 18:25

“Ahihang, ‘Topa sepna maan ngawl hi’ na ci uh hi. Israel te awng kei hong ngai tavun. Na ka sepzia sia maan ngawl hi ci in ngaisun nu ziam? A maan ngawl sia noma ngaisut zia hi zaw hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Daniel 12:10

Mihing tam mama kithiansua tu hi. Mi seksolte in tel ngawl tu uh a seksol tan tu uh hi; miciimte bekin tel tu uh hi.

Zephaniah 3:5

Ahihang khuapi sungah Topa om lai hi; ama in a maan bang seam a, a hi ngawlte vawt ngeingawl hi. Zing sim a pealmaw in a mite tungah thutang lak hi. Tua hi napi thutang ngawl mite in a maan ngawlte ma vawt tan viuveu a, a mai uh zum ngawl hi.

Zechariah 10:6

“Keima in Judah mite ka hatsak tu hi; Israel mite ka suatak tu hi. Keima in amate khuangaihuai ka sa tu a, a vekpi in inn ah ka ciapui kik tu hi. Amate sia ka nial ngeingawl mite bang hi tu hi. Keima in Topa, a Pathian ka hi hi; A thungetnate ka zo tu hi.

Matthew 11:19

Mihing Tapa hong pai a, ama in ne in dawnin a om leleau ciang, ‘Hisia pa en vun! Antuangpa, zutuangpa, shiadongte le pawlsung pan a kipuavawkte ii lawmpa!,’ mihing theampo in ci uh hi. Ahitazong Pathian ii ciimna sia maan tatak hi ci in a piang thute panin kilak hi.”

Luke 2:34

Simeon in amate thupha a piak zawkciangin, a nu Mary tungah hi bangin ci hi, “Hi patang sia Israel mite, tam mama ii a siatcip natu le, tam mama ii a kingup natu Pathian ii tealsa ahi hi. Ama sia mihing tam mama ii a langpan tu, Pathian ii lim lakna khat hi tu a,

Luke 7:23

Kei hong muangla ngawlte bangza in a lungdamte ahi uh ziam!” ci in zo kik hi.

John 15:24

Ngualdang ii vawt ngeingawlte amate sungah vawt ngawl hi leng amate in mawna a nei buatu uh hi; tu in ahile amate in ka sep teng hong mu zo a, kei le ka Pa hong ensan khawm hi.

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

John 8:47

Pathian kung pan hong pai pa in, Pathian kammalte ngai hi. Ahizong no sia Pathian kung pan na hi bua uh a, tua hu in hong ngai nuam ngawl nu hi,” ci hi.

John 9:39

Jesus in, “Mittawte khua a mu natu le khuamute mittaw a sua natu in, hi leitung ah thukhen tu in kong pai hi,” ci hi.

Sawltakte 13:10

“Nang Doaimangpa tapa awng! Nang in a pha ci theampo ii ngalin pang ni hi. Nang in ngitlo thimthel pilna theampo taw kidim ni hi, tuaciangin, Topa ii thumaan thutakte sia leilot thu suaksak tu in hanciam tawntung ni hi!

Romete 7:12

Tua ahikom Thukham in thiangtho a, thupiakna zongh thiangtho in pha a, tang hi.

Thuhil kikna 32:4

“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.

Thupualaakna 15:3

Pathian naseampa Moses la le Tuuno lasa uh a: “Topa Pathian vaanglianbelpa, Na sep, na vawtnate bangza in lianin lamdang ziam! Minamte ii Kumpipa awng, na lampi sia bangza in tang a, maan ziam?