Hosea 14:8 - Syin Chin Bible

⁸ Israel mite sia milimte taw kisai nawn ngawl tu hi. Amate ii thungetnate ka zo tu a, amate ka keam tu hi; A tee a hing tawntung thingkung bangin amate ka uap tu a; a thupha theampo ii naak ka hi hi,” ci hi.

Hosea 14:8 Iomraidhean Croise

Job 33:27

Ama in mihonte tungah, “Maw zo khi hi. A maan bang seam ngawl ka hihang, Pathian in hong khoaikhe hi.

Job 34:32

Na khialnate hong lak natu in Pathian tungah ngen zo ni ziam? siatna vawt a kheal tu in na thukim zo ziam?

Isaiah 41:19

Sennealngam ah cedar kungte, acacia, myrtle le olive kungte ka posak tu hi. Ngamkolna ah taakthingte, juniper thing le cypress thingte po in dui hong suak tu hi.

Isaiah 55:13

Tu laitakin lingte omna munah cypress kungte po tu hi; lingkungte luangin myrtle kungte poto tu hi. Tua in a tawntung a kho tu lim khat hi tu a, Keima Topa ii sep sate hong phawk kiksak khat hi tu hi,” ci hi.

Isaiah 60:13

“Ka Biakinnpi mealhoisak natu, ka khuapi minthansak natu, Lebanon taamthing sung panin a phabel thing ahi, taakthing, juniper le cypress te sia Nang, Jerusalem khua a kisak kik natu in hong kipuak tu hi.

Ezekiel 17:23

Israel mualsaangbel sia tungah ka suan tu hi. A baakte hong khangin a ci hong nei tu a, tuaciangin a mu nop huai mama cedar kung suak tu hi. Vacim namcin tua ii tungah teang tu a, a lim bealh tu uh hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Luke 15:20

Tua ahikom ama dingto in a pa kung zuan kik tu in kipan hi. “A inn a thet natu khuala ma samh lai kasap, a pa in mu hi; khuangai huai sa in del a, ngawngkoai in namh hi.

John 1:16

A kidimin a om, ama ii thuthiamna sung panin, ei theampo thupha hong pia zo a, thupha khat zawkciang khat hong piak ahi hi.

Ephesus te 5:9

tua khuavak in na a pha theampo, thutang suana le thumaanna hong puak hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 2:13

banghang ziam cile ama deina na zui thei natu le na uuk natu in Pathian sia a tawntung na sung uh ah na hong seam hi.

Philippi te 4:13

Christ ii hong piak vaangletna taw na theampo phul zawk natu thahatna ka nei hi.

1 Thessalonica te 1:9

Tua mihing theampo in kong haw uh lai a, nong saan zia uh, milim biakna pan Pathian sangah na kikhealna uhte son tek a, a maan le a nungta Pathian atu sepsak tu le,

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.