Hosea 14:5 - Syin Chin Bible

⁵ Keima in Israel mite tungah ngam kona ah nguatui bang ka hi tu hi. Amate in paakte bangin a palh tu hi; Lebanon thingkungte bangin a zung kho tu hi.

Hosea 14:5 Iomraidhean Croise

2 Samuel 23:4

meeikaai om ngawl zing khuavak tuung nitaang taw kibang hi, ngua theau zawkciang lopate a teesak vasip ni taw kibang hi.

2 Kumpite 19:30

Judah ngam ah a luhai lai teng sia thingno bangin khang tu a, lei ah zung thuk tha in, a nga bangin nopci tu hi.

Job 29:19

Kei sia a zungte, tui a nga tawntung le a baakte daaitui a kawt thingkung khat bang ka hi hi.

Psalm Late 133:3

Hermon Mualvum tungah daaitui Zion mualte tungah a kia sia taw kibang hi. Tuasia in tawpna a nei ngawl nuntakna a kici Topa ii thupha piak tu a kamciamna mun ahi hi.

Psalm Late 72:16

Ngam sungah antang tam mama om tahen; mualte sia lo ante taw kituam tahen, tua lo ante sia Lebanon ah ankungte bangin tak nei in nga thiam tahen. Ngampa sung lopate taw kidim bang keakin khuapite sia mite taw kidim tahen.

Psalm Late 72:6

Kumpipa sia lo sungah nguazu bang, leitang tungah nguatui buak bang hi tahen.

Psalm Late 80:9

Nangma in tuasia a khan natu in mun khat na thiangsak hi; zung thuk thasuk a ngam bup huamin zaam hi.

Psalm Late 92:12

Thutangte palm kungte bangin limci tu hi; amate Lebanon ah Cedar thingkungte bangin khang tu hi.

Psalm Late 92:13

Amate sia Topa inn sungah a kisuan, ih Pathian Biakinnpi sungah a palh,

Paunakte 19:12

Kumpipa ii thin uukna in tawpi hawk bang ahi hi. Ahihang ama ii hong phatvawtna sia ih dei laitak a zu nguatui bang ahi hi.

Solomon ii La 2:16

Ka ngaino sia keima aa hi a, keima in ama aa ka hi hi. Ama in a nganhonte unok paak sungah,

Solomon ii La 4:5

Na noaite sia unok paak kawm ah an ne a, a taa khawm saza, apeang sangaite bang ahi hi.

Isaiah 12:1

Mihingte in hi bang la a sak tu ni khat hong theng tu hi, “Nang kong pok hi, Topa awng! nang in kei tungah nong thin uuk hi, ahihang tu in nong heeneam a, na thin uuk nawn ngawl hi.

Isaiah 18:4

Topa in kei tungah, “Keima in anlaak hun zan khualum lai daaituite a taak bang vakhial le, sun lai nitaang kiukiau bangin vantung pan kong ensuk tu hi.

Isaiah 26:19

Ka mipui a thisate nungta kik tu uh hi! A pumpi uh nungta kik tu uh hi. Thaan sungah a mute theampo thoto tu a, lungdamin lasa tu uh hi. A tee vasip daaitui in leitung thathak a piak bangin Topa in taanghlai pek a, a thisate nungtasak tu hi.

Isaiah 27:6

Mailam sangah, Jacob ii suan le paal ahi Israel mite, thingkung khat bangin zung tha tu a, hong mom in a paak palh tu hi. Leitung sia amate ii nga taw kidim tu hi.

Isaiah 35:2

Sennealngam in lasa in, lungdam in au tu hi; Tuasia in Lebanon mualte bangin et hoi a, Carmel le Sharon lote bangin lei pha tu hi. Mihing theampo in Topa ii a nasiatna, a letna le a vaangletnate mu tu uh hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 45:8

Keima in ngalzawna sia ngua bangin van pan ka zusak tu a; a saang tu in lei kihong tu a suatakna le thumaanna taw paak bang hong palh tu hi. Topa, keima in hisia ka piangsak tu hi,” ci hi.

Isaiah 57:18

“Amate ngamtatnate ka mu zo hi, ahihang amate ka damsak tu hi. Amate lampui in hu in, a hee a kapte ka heeneam tu hi.

Isaiah 57:19

A naina le a khuala na ah a omte theampo tungah, thinnopna ka pia hi! Ka mihingte ka damsak tu hi.

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 32:41

Amate atu in naphate ka vawtna ah dik ka sa tu a, hi ngam sungah amate ka teang suaksak tu hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Micah 5:7

Israel mi a suakta laite sia minam tam atu in Topa piak tha thak nga kikna daaitui bang hi tu a, thingno suante tung a nguazu vapeak bang hi tu hi. Amate in Pathian bealh tu a, mihing suang ngawl tu hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Matthew 6:28

“Tuaciang puansilh tu banghangin thintoi nu ziam? Duisung paakte en tavun, bangbangin khang ziam: amate in na le seam ngawl a, puansilh nikteen le vawt ngawl hi.

Luke 12:27

Unok paakte en vun, bangbangin khang ziam: amate in na le seam ngawl a, khau le zom ngawl hi. Ahizong a tatak ci leang Solomon Kumpipa a haubel sia zongh hi paakte sangin a hoi zaw puansilh nei ngawl hi.

Ephesus te 3:17

na upna hangin note thinsung ah Christ hong teangin, ki itna thu ah zung thuk le, bulkip na nei natu in thu ka ngen hi,

Thuhil kikna 32:2

Kong hilcianna nguamal bangin taak tu a, leitung ah daaitui kia bang hi tu hi. Ka kammalte sia thingkungnote tungah nguamal phiin bangin lopa moite tungah dam takin a zu nguatui bangin taak tu hi.