Hosea 14:4 - Syin Chin Bible

⁴ Topa in, “Ka mite ka kung ka then kik tu hi. Ka thin theampo taw amate ka it tu a; amate tungah ka thin uuk nawn ngawl hi.

Hosea 14:4 Iomraidhean Croise

Psalm Late 10:14

Ahihang nang in a ngimna le a thuaknate na mu a, a hu tu in na kinging tawntung hi. A cimawte in nang tungah hong ki aap a, a kitaangsamh te na hu tawntung hi.

Psalm Late 20:8

Tuabang mihingte sia lutu in liik tu uh hi, ahihang eite tho in kip takin ih ding tu hi.

Psalm Late 78:38

Ahihang Pathian in ama mite hesuak hi. Amate mawna maisak a, a susia bua hi. Ama in tamvei mama a thin uukna iip in a thinsona vei kenkon hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Isaiah 12:1

Mihingte in hi bang la a sak tu ni khat hong theng tu hi, “Nang kong pok hi, Topa awng! nang in kei tungah nong thin uuk hi, ahihang tu in nong heeneam a, na thin uuk nawn ngawl hi.

Isaiah 55:1

Topa in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

Isaiah 57:18

“Amate ngamtatnate ka mu zo hi, ahihang amate ka damsak tu hi. Amate lampui in hu in, a hee a kapte ka heeneam tu hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 17:14

Topa awng, hong damsak ta'n, tua hile ka dam thiang tu hi; hong suatak ta'n, tua hile ka ngammuang tatak tu hi; kong pok pa sia nangma bek na hi hi!

Jeremiah 3:22

Topa kung pan a puapial note theampo awng, heak kik tavun; ama in note hong damsak tu a, thumaan hong suaksak tu hi. Note in, “Hi hi, ama in ih Pathian ahi manin eite Topa kungah ih pai hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Jeremiah 33:6

Ahihang hi khuapi le a mite ka puuapha kik tu hi, ciidamna amate ka pia kik tu hi. Amate a kicing thinnopna le ngammuanna ka lak tu hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Jeremiah 8:22

Gilead ah zatui om ngawl ziam? tua munah syavuan te om ngawl ziam? Tua ahile banghangin, ka mite kidamsak ngawl thong ziam?

Ezekiel 33:14

Mi ngilo khat po thi tu hi ci in a kidop natu sonkhol zo ka hihang, ama in mawna vawt nawn ngawlin a maan le a pha nate a vawt le —

Ezekiel 36:36

A bo ngawl a taanglai na ngampaamte in Keima, Topa sia a kikhul sa lote ah an ciing kikin, a lalsa khuapite a pua kik Topa ka hi hunlam hong he tu uh hi; Keima, Topa in hi teng vawt tu in kong kamciam zo a — ka vawt tu hi,” ci hi.

Hosea 11:7

Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 2:19

Israel awng, ka zi kong suaksak tu a; a thumaan le a citak kong hi tu hi; Ki itna kip le hesuakna kong lak tu a, a tawntungin keima aa kong suaksak tu hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Zephaniah 3:17

Topa na Pathian in nang taw omkhawm hi; ama ii thahatna in zawna hong pia hi; Topa in nang tungah lungdam tu hi, tuaciang ama ii itna sungah nuntakna thak hong pia tu hi. Ama in lasa tu a, na tungah lungdam tu hi.

Mi Simna 25:11

“Phinehas ngamtatna hangin Israel mite tungah ka thin a uk nawn bua hi. Ama in keima simngawl Pathian dang biak tu peuma a dei ngawlpa hi a tua thu hangin thin uuk hi kaleng amate ka mon bua hi.

Mi Simna 25:4

Moses tungah, “Israel lampui theampo sam in a, ka thu nong nitna in suntangin amate thatlum siat in, tua hile a mite tungah ka thin uuk nawn ngawl tu hi,” ci hi.

Romete 3:24

Ahihang amate a suaktasak Jesus Christ tungtawnin, Pathian ii man piak ngawlin hong piak thuthiamna letsong taw amate thutang kisuaksak hi.

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

2 Timothy 1:9

Ama in ama aituam mihingte ih sua natu in eite hong hun a, hong sam hi; eite ii sepnate hang hi ngawlin, ama tupna le thuthiamna hang ahi hi. Hun kipat ma in ama in Christ Jesus tungtawnin hi thuthiamna hong pia hi,

Titus 3:4

Ahihang ih Ngumpa Pathian ii cikna le itna hong pualaak ciang,