Hosea 14:3 - Syin Chin Bible

³ Assyria in ko hong hung thei ngeingawl a, ngal siphute in ko hong dal thei ngawl hi. Kote in milimte tungah ka Pathian hi ci kik ngei nawn bua vak ung. Topa awng, nangma in belh tu dang a nei ngawlte hesuak ni hi.”

Hosea 14:3 Iomraidhean Croise

2 Khangtaanghthu 16:7

Tua hunin kamsaang Hanani sia Kumpipa Asa kungah pai a, “Topa na Pathian suang ngawlin Syria kumpipa na suan zawk hu in Israel kumpipa ii ngalkaphonpi sia nangma khut sung pan suakta zo hi.

Psalm Late 10:14

Ahihang nang in a ngimna le a thuaknate na mu a, a hu tu in na kinging tawntung hi. A cimawte in nang tungah hong ki aap a, a kitaangsamh te na hu tawntung hi.

Psalm Late 146:3

Na muanna uh sia mihing lampuite tungah koi heak vun; mihing kuama in no hong hun thei ngawl hi.

Psalm Late 146:9

Ih ngam sungah khualmi hong teangte ama in sungsia hi; ama in meingongte le tangate hu hi, ahihang a seksolte sia siatcip natu munah then hi.

Psalm Late 33:17

Ngal simna siphute sia ngalzaw natu in mannung ngawl a, amate ii a lian thahatna in hun thei ngawl hi.

Psalm Late 68:5

Ama ii Biakinnpi thiangtho sungah a teang Pathian in tangate khoi a, meingongte sungsia hi.

Isaiah 1:29

Thingkungte na biak ngei hang le huan thiangthote na vawt ngei uh hu in na hee tu uh hi.

Isaiah 2:20

Tua ni hong thet ciang, khamh le ngunn taw a vawt sa milimte, amate ma in vawkkeak tu a, tuate sia buite le bakte nusiat tu uh hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Isaiah 30:16

Tuasia luangin, siphu tai ngang mama tung to in na ngalte khut sung pan suatak tu na sawm uh hi. Maan nu hi — suatak natu ahile noma sep tu ma hi! Na siphute ngang khop hi ci in ngaisun nu hi, ahihang no hong delte ngang zaw lai tu hi!

Isaiah 30:2

Amate in kei ngaisutna hong dongh ngawlin huna ngen tu in Egypt ah pai uh hi. Egypt te ii huuk tu a thangai manin, Egypt kumpipa muang uh hi.

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Isaiah 31:3

Egypt te sia pathiante hi ngawlin — leitung mihing bekma hi. Amate ii siphute in a pianzia tumdang hi ngawl hi. Topa in a dian tak ciang, a thahat ngam topsuk tu a, tuasia ii a hu a thazawm ngam sia zong puk tu hi. Tua te ngeal kilalcipsak khawm tu hi.

Isaiah 36:8

Kumpilianpa min tawin kikhap thukimna khat ih nei tu hi. Siphu tung to tu mihing tam na nga zo na uh le siphu tul nii kong pia tu hi.

Jeremiah 49:11

Na tangate ka kungah hong nusiat tavun. Keima in amate ka keam tu hi. Na meingongte in kei hong bealh thei hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Ezekiel 37:23

A kiihuai milimte taw amate le amate kininsak nawn ngawl tu a, mawna taw kilalsak nawn ngawl tu hi. Amate sia kei hong melsiatna mawna le hong leeheakna lampite theampo pan ka suaktasak tu hi. Amate ka thiansua tu hi; amate sia keima mite hi tu a, Keima in amate ii Pathian ka hi tu hi.

Hosea 12:1

Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Hosea 14:8

Israel mite sia milimte taw kisai nawn ngawl tu hi. Amate ii thungetnate ka zo tu a, amate ka keam tu hi; A tee a hing tawntung thingkung bangin amate ka uap tu a; a thupha theampo ii naak ka hi hi,” ci hi.

Hosea 2:17

Baal min ka losak kik ngei nawn buatu hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 5:13

“Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Hosea 8:6

Israel mi khut thiam khat in milim vawt a, tua in pathian khat hi vet ngawl hi! Samaria ah a kibia khamh khuital sia a bebekin kisutham tu hi!

Hosea 8:9

Ngam laate bangin a thinpui Israel mite in amate sansak tek zuan uh hi. Amate in Assyria tungah hu ngen tu in pai a, amate sungsia tu in a dang ngamte sum taw tham hi.

Jonah 2:10

Tuasia ciang Topa in vaalbo tungah Jonah a luak natu in ngasa tungah thupia a, tuabangin ngasa lua hi.

Zechariah 13:2

Tua hun ciang ngamsung pan milimte min theampo ka phiat tu a, kuama in ciamtee nawn ngawl tu hi. Kamsaang ka hi a ci khat pawpo le, milim biak tu a lungngulna ka heam tu hi.

John 14:18

“Ka pai ciangin, no nguak kong nusia buatu hi; note kungah kong heak kik tu hi.

Thuhil kikna 17:16

Kumpipa in ama ngalkaphonpi atu in siphu tampi nei thei ngawl tu hi, siphu lei tu in Egypt ah mite sawl ngawl tu hi, banghang ziam cile Topa in a mite tualai ah heak kik ngeingawl tu hi, ci in a sonsa hi.