Hosea 14:2 - Syin Chin Bible

² Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Hosea 14:2 Iomraidhean Croise

2 Samuel 12:13

David in, “Topa tungah maw zo khi hi,” ci hi. Nathan in, “Topa in hong maisak hi; thi ngawl tu ni hi.

2 Samuel 24:10

Ahihang David in mi simna sazian a laaksak zawkciang ama kithasungin a thin hong ngim a, Topa munah, “Hi nasep ka sep sia maw mama khi hi! Nong hesuakna in hong maisak ta'n. Mawmawt nasep a seam hi thong khi hi,” ci hi.

Job 7:21

Ka mawna hong maisak thei ngeingawl tu ni ziam? Ka sep khialna hong hesuak thei ngawl tu ni ziam? Hai ngawlin ka thaankuul sungah ka om tu hi, tuaciang kei nong zon ciang ka om nawn buatu hi.

Psalm Late 119:108

Topa awng, lungdamko ka thungetna hong saang ta'n a, na thupiakte hong hil ta'n.

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Psalm Late 51:16

Sangaw biakpiaknate na dei bua hi, tua hi buale tuate kong pia zo tu hi; meihal biakpiaknate taw na lung a kim zo bua hi.

Psalm Late 51:17

Pathian dei sangaw biakpiakna sia a kiniamkhiak thinsung ahi hi; Pathian awng, a kiniamkhiak le a kisiik kik thinsung na nial bua hi.

Isaiah 44:22

Na mawnate meeikaai bangin ka bosak zo hi. Ka kungah hong cia kik ta'n; keima in nang hong ngumpa ka hi hi,” ci hi.

Isaiah 6:7

Ama in meikam taw ka muk hong bitsak a, “Hisia in na muk hong bi zo hi, tu in na mawna bo siat zo a, na mawna teng kimaisak zo hi,” hong ci hi.

Jeremiah 3:12

Ama in kei tungah Israel te kung pai in hong sawl a, “Thumaan ngawl Israel awng, ka kungah hong pai kik ta'n. Keima in ka hesuak thei a, ka thin uuk ngawl tu hi; nang tungah a tawntungin ka thin a uuk buatu hi.

Hosea 12:7

Topa in, “Israel mite sia Canaan mite bangza ma in thumaan ngawl uh hi; amate in vanh leite toaisuang maan ngawl taw theam thanuam uh hi.

Hosea 5:5

Israel mite kiphatsak na in amate langpanin ausan hi. A mawnate in amate lutusak a, Judah mite zongh amate taw puk khawm uh hi.

Hosea 6:6

Tatsat ngawl nong itna ka dei a, na sangaw biakpiaknate hi ngawl hi. Ka mite ii meihal biakpiaknate hong piak sangin kei hong heak tu dei zaw khi hi.

Joel 2:17

Biaknatau le Biakinnpi tumna kilaklaw a, Topa na a seam thiampite kapin thu a nget uh kul tu hi: “Topa awng, na mite hesuak in. Minam dangte in, ‘Na Pathian koisung om ziam?’ ci in hong zawngsak hong nunausak heak in,” ci tu uh hi.

Jonah 2:9

Ahihang kei ka hile pokna la kong sak tu hi; sangaw biakpiakna khat kong nei tu a, ka kamciamsa bangin ka seam tu hi. Ngupna in Topa tung pan hong pai ahi hi!” ci hi.

Zechariah 3:4

Vantunglalang in a vantung sawllamhte munah, “Hi sia pa ii a silh puansia teng suutkeak vun,” ci hi. Tua zawkciang ama in Joshua munah “Na mawna teng kong laak keaksak zo a, na silh tu puan thakte kong pia tu hi,” ci hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Luke 11:13

Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

John 1:29

A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi!

Romete 11:27

Amate ii mawna ka maisak ciangin, amate taw hi thuciamna ka vawt tu hi,” ci hi.

2 Timothy 1:9

Ama in ama aituam mihingte ih sua natu in eite hong hun a, hong sam hi; eite ii sepnate hang hi ngawlin, ama tupna le thuthiamna hang ahi hi. Hun kipat ma in ama in Christ Jesus tungtawnin hi thuthiamna hong pia hi,

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 10:4

Banghang ziam cile khuitalte le kealtalte chi in mawnate a la keak thei ngei bua hi.

Hebrew te 13:15

Tua ahikom, eite in Jesus tungtawnin ih kipum piak biakpiakna in Pathian pok tawntung tawng, Topa hi ci in a pualaakte ii kam taw a kipia biakpiakna in tuasia ahi hi.

1 Peter 2:5

Nuntakna a nei suangte bangin pai tavun a, thaa biakinn sak natu in a kizanghte hi tavun, tua munah Jesus Christ tungtawnin, Pathian tungah a saan thamman, thaa taw kisai sangaw biakpiakna a pia a thiangtho thiampite bangin na seam tu uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

1 John 3:5

Mawnate a la keak tu in Christ hong kilangh hi a, ama sungah mawna om ngawl hi ci in na he uh hi.