Hosea 14:1 - Syin Chin Bible

¹ Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 14:1 Iomraidhean Croise

2 Kumpite 8:12

Hazael in, “Banghangin kap ni ziam, topa awng,” ci in dongh hi. “Israel mite tungah a lipkhaphuai mama na ngamtat tu teng ka heak hu hi,” ci in zo kik hi. Nangma in a kulhpite na haltum tu a, a khangmoi tangval a phabel teng na thatlum tu a, patangnote na vaatlum tu hi, naungil omte ii ngil na khuakeak tu hi,” Elisha in ci hi.

Isaiah 19:22

Topa in Egypt te daan pia tu hi, ahihang tua zawkciang damsak tu hi. Amate in Topa sangah kiheak tu uh a, ama in a thungetnate za in a ci uh damsak tu hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 4:1

Topa in, “Irsael mite awng, na kiheak nuam uh le, kei kungah hong heak kik tavun. Ka tungah nong thumaan a, ka ngaimawk milimte na vawk uh le,

Kaa late 5:16

Ko kiphatsakpui nate khat zongh taang nawn ngawl hi. Kote ka maw uh a, tu in a bo ka hi uh hi.

Ezekiel 16:46

“Na u nu sia saksang ah a om, Samaria le a khuanote ahi hi. Na naunu le a khuanote ahi Sodom sia thangsang ah om hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Ezekiel 33:14

Mi ngilo khat po thi tu hi ci in a kidop natu sonkhol zo ka hihang, ama in mawna vawt nawn ngawlin a maan le a pha nate a vawt le —

Hosea 10:12

Keima in, “Noma atu in leithak tho vun a, thutang suana ciingin, kei nong biakna pan a piang tu thuphate at vun. Na Topa ahi kei sangah nong kiheak tu hun zo a, tuaciang kong pai tu a, no tungah thupha kong buak tu hi,” ci hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 12:8

Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi.

Hosea 13:9

“Israel mite awng, hong susia tu khi hi! Tuasia ciang akua in no hong hu thei tu ziam?

Hosea 4:8

Ka mite mawna khialna te tung pan hau law na hi uh kom amate khial vaial le na oai uh hi.

Hosea 5:5

Israel mite kiphatsak na in amate langpanin ausan hi. A mawnate in amate lutusak a, Judah mite zongh amate taw puk khawm uh hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Hosea 9:13

Topa awng, a tate savai bangin kivai in, a kithalup ka mu thei hi.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Amos 1:13

Topa in, “Ammon mite maw kikik khial kikik ahiciang amate daan ka pia tatak tu hi. Amate in ngamkeau ngal kisimna sung Gilead khua ah naupaai numeite ngawngawn ii ngil kuikeak uh hi.