Hosea 13:9 - Syin Chin Bible

⁹ “Israel mite awng, hong susia tu khi hi! Tuasia ciang akua in no hong hu thei tu ziam?

Hosea 13:9 Iomraidhean Croise

2 Khangtaanghthu 28:23

Ama in ama a zo Syria mite ii pathiante tungah sangaw biakpiakna pia hi. Ama in, “Syria pathiante ii Syria kumpite a hu bangma in, tua sangaw biakpiaknate pia lei leng kei zongh hong hu tu hi,” ci hi. Tuasia hu in ama le a mite tungah tuasiatna tung hi.

Psalm Late 146:5

Jacob ii Pathian sia ama ii hupa in a neipa le Topa sia amate ii Pathian in, a muangte sia mi nuamsate hi a,

Psalm Late 33:20

Eite in ih lametna sia Topa sungah ih nga a, ama sia eite kidalna le hong hu pa ahi hi.

Psalm Late 46:1

Pathian in ih belhna le ih thahatna hi a, ngimna hun sungah hong hun tu in a kinging sa in om tawntung hi.

Paunakte 6:32

Ahihang palngul mawna a vawt mihing khat in ngaisut kaakna nei ngawl ahi hi. Ama le ama a kilalsua hi lel hi.

Paunakte 8:36

Kei hong mu ngawl pa in ama le ama kiliamsua hi; a kuama po kei hong ensan sia in thina dei ahi hi.”

Isaiah 3:11

Ahihang mi seksolte a lal tu hi zo hi; amate in ngual tung a vawt bangin tu in, amate tungah kivawt tu hi.

Isaiah 3:9

Ngual ngaimaw khol a doidanna sia amate ii puk natu ahi hi. Sodom mite bangin amate in a langh takin mawna khialna vawt uh hi. Amate a lal tu hi zo a, a zon bangin tawk uh hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 4:18

Judah awng, na nuntakna zia le na nasepna sate taw in hi thu nangma tung ma na then hi. Na mawna in hi thuakna piangsak zo a; tua in na lungtang hollet hi.

Jeremiah 5:25

Na mawna, na khialnate uh in hi naphate na nga tu uh hong khaktan hizaw hi.

Hosea 13:4

Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 7:14

Amate in thin tak taw thu ngen ngawl uh hi, tua sangin amate lei ah kisepin lawkite ngamtat bangin kapin mau uh hi. Sapittui le antang atu thu a nget ciang doaibiate bangin amate le amate kikuikeak uh hi. Bangza in hong langpan ziam!

Hosea 7:15

Keima in amate khangtosakin, a thahatsak pa hi napi, amate in kei langpan hong sawm uh hi.

Malachi 1:12

Ahizong note in keima biaknatau sia bangma man nei ngawlin na son uh ciang le tua biaknatau tungah na nialnamh ante na piak uh ciangin, keima hong simmaw na hi uh hi.

Malachi 1:13

Noma in, ‘Hite bangza in cimtak huai ziam!’ ci in nong mukmen uh hi. Nong biakpiak natu in a kingu nganno ahibuale a peangbai, a nanghno khat nong paipui uh hi. Note tung pan tuabangte hong saang tu in hong um nu ziam?

Malachi 1:9

Tu in no thiampite awng, ei tungah Pathian hong dik natu in hong ngen ka sin vun. Ama in na thungetna hong zo ngawl tu a, tua in noma mawna hi tu hi.

Thuhil kikna 33:26

Israel mite awng, noma hong hu tu in meei tungah a to, a vaangletna taw van kaantan in a pai Noma ii Pathian taw a kibang pathian peuma om ngawl hi.

Thuhil kikna 33:29

Israel awng, bangza in lungdam nu ziam! Topa ii a ngup note taw kibang minam khat zongh om ngawl hi. Topa ama mama na lum le na namsau hi a, note hong dal tu le zawna hong pia tu ahi hi. Na ngalte in hesuak ngenin hong pai tu a, tuaciang amate na tuanhcil tu uh hi.