Hosea 13:7 - Syin Chin Bible

⁷ Tua ahiciang tawpi khat bangin no kong sim tu hi. Na lampi tungah pawlbeam khat bangin kong pang tu hi.

Hosea 13:7 Iomraidhean Croise

Job 10:16

Zawna khat pawpo nei lei leng zong, tawpi khat taw kibangin nong vai hi; hong liamsua tu in nalamdang laknate ngawngawn na vawt hi.

Isaiah 42:13

Topa sia ngalhang pa bangin ngalsim tu in kuan hi; Ama sia ngal do tu lawpin kinging hi. Ama in ngal phawngin au a, hanla sam hi; Ama in a ngalte tungah a vaangletna lak hi.

Jeremiah 25:38

Tawpi khat in akua a nusiat bangin Topa in a mite nusia zo hi. A lauhuai ngal kidona le Topa ii a kiitakhuai thin uukna in hi ngam sennealngam suaksak zo hi.

Jeremiah 5:6

Tua hu in ngam tawnghtol sung pan tawpite in amate petlum tu uh hi; sennealngam pan ngia te in amate laitham tu a, pawlbeamte in a khua sungah vak kawkoai tu uh hi. Tua mihingte a pusuak uh le kibaltham tu hi, banghang ziam cile a mawna uh tam mama a, Pathian kung pan pial nithi hi.

Kaa late 3:10

Vompui khat bangin ama in kei hong pang nginge a; tawpi khat bangin ama in hong baw hi.

Hosea 5:14

Keima in tawpi khat bangin Israel le Judah mite ka sim tu hi. Keima mama in amate ka balneen tu a ka nusia tu hi. Amate ka kaikeak ciang kuama in hun zo ngawl tu hi.

Amos 1:2

Amos in, “Topa sia Zion mual pan hawk a; Jerusalem pan a aw sia hong nging keak hi. Ngan thana munte ko a, Carmel mual a lopate vul hi,” ci hi.

Amos 3:4

Tawpi in sa mat tu khat mu ngawl bulin duisung ah hawk thawthong na ziam? Tawpi moi khat in mat khat nei buale a kua sungah thuum vangam na ziam?

Amos 3:8

Tawpi a hawk ciang akua lau ngawlin om thei tu ziam? Vaanglianpipa Topa a pau ciang a thu thangsak ngawlin akua om thei tu ziam?

Thupualaakna 13:2

Tua nganhing sia pawlbeam bang hi a, a peang sia vom peang bang hi in, a kam sia tawpi kam bang ahi hi. Ngulpui in tua nganhing tungah, ama ii vaangletna, a kumpi tokhum le a lian thuneina teng pia hi.