Hosea 13:13 - Syin Chin Bible

¹³ Israel in nuntak natu hunpha nei napi a mawmawt lei hu in tua nuntakna la thei ngawl hi — a suak dektak nausen khat naubu sung pan a pusuak nuam ngawl taw kibang hi.

Hosea 13:13 Iomraidhean Croise

2 Kumpite 19:3

Amate ii Isaiah tungah kammal thaak tu a piak sia hi teng hi. “Tuni sia haksatna ih thuak ni hi; ei hong kidaantat a, hong kimaimawlsak hi. Ei sia numei khat nausuak tu kipan ahihang tha mama nei ngawl khat taw ih kibang hi.

Psalm Late 48:6

Tua munah amate sia launa le thinngimna taw nausuak tu a tun numei khat bang hi a,

Paunakte 22:3

Mihing khuangaisun theite in ngimna hong pai ciangin mu thei a pial uh hi, ahihang khuangaisun meal ngawl khat sia tua ii sungah tum vacin tu a, a zawkciang kisiik tu hi.

Isaiah 13:8

Amate a vekpi in launa le nasak mamana thuak tu uh a, numei nausuak tun bangin na sa tu hi. Amate khat le khat launa taw ki en tu a, maizum in a mai uh san tu hi.

Isaiah 21:3

Mukholna sungah ka zaak le ka mute in hong lausakin, numei khat nau a tut ciangin na a sak bangin na ka sa hi.

Isaiah 26:17

Numei nausuak tu a tut ciang na sa in a au bangin Topa awng, kote nong ausak zo hi.

Isaiah 37:3

Hi thu sia Isaiah tungah a son tu kumpipa ii thupuak hi a: “Tuni sia ngim thuak ni khat ahi hi; daan ih kha a ih maimawl hi. Eite sia numei khat nau suak tu kithoai zo napi, a tha zawm lei hu in a suak zo ngawl taw ih kibang hi.

Isaiah 66:9

Ka mite sia keima in nausua hun ciang a suak tu in vawt a, tuaciang, a suaksak ngawl tu in hong ngaisun heak vun,” ci in, Topa pau zo hi.

Jeremiah 13:21

Na lawm na ngual a na ngaisut mihingte kekeak in nangma hong zo in hong uk ciang bang na ci tu ziam? Nausuak tu numei khat taw kibangin nasa in na om tu hi.

Jeremiah 22:23

Lebanon pan a na laak uh cedar thingtaam sungah thin muangin om nu hi; ahihang numei khat nau a tut ciangin na a sak bangin natna ngimna na thuak uh ciang bangzata in hesuakhuai tu nu ziam?

Jeremiah 30:6

Tu in tawlnga in ngaisun vun! Pasal khat in nau a nei thei ziam? Tua ahile banghangin pasal sim in numei nautun bangin a ngil hum ziam? Banghangin a kuama po a mai daang ziam?

Jeremiah 4:31

Numei khat nautun a, a kap bang aw khat ka za hi, taciil a suak numei khat ii cik-au taw kibang hi. Tua in Jerusalem ii hu sam saa a, a kaana ahi hi, a khut zan in, “Kei a lal hi ing! Keima that tu in amate hong pai hi!” ci hi.

Jeremiah 49:24

Damascus mite sia a tha zawm a lau in taikeak uh hi. Numei nausuak tu a tun bang keakin na sa in ngim thuakin om uh hi.

Hosea 5:4

Mite ngamtat siatna in amate ii Pathian kung a heakkik tu khak hi. Milim biakna in amate nasia takin len ahiciang, Topa saang ngawl uh hi.

John 16:21

Numei khat nau a sua tu ciangin, hee hi, banghang ziam cile a ngim natu hun hong theng ahi hi; ahihang nau hong sua ciang ama in a ngimna teng mangil hi, banghang ziam cile leitung ah nausen khat hong suak ahi hu in, ama lungdam hi.

John 5:4

Amate in tui a kilok tu ngak uh hi, banghang ziam cile tu le tu in Topa ii vantunglalang khat in tua tui sungah tuaksuk a, tui sau hi. Tui kinok laitak a tuaksuk phit cina sia in, bang natna po a vei zong dam thiang hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.

2 Corinth te 6:2

Pathian pauna ngai vun: “Note maipha kong piak tu hun hong thet ciang, note ngetna kong za hi; kong ngup tu ni hong thet ciang, note kong hu hi.” Ngai vun! Pathian ii hesuakna saan thei tu sia tu hun hi; hong kingup tu ni sia tuni ahi hi!

Thuhil kikna 32:6

A mawmaw, khuangaisut nei ngawl mite awng, hi bangin Topa vawt tu nu ziam? Ama sia no hong Bitphua pa, na pa uh hi a, minam khatin hong vawt pa ahi hi.

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.