Hosea 12:8 - Syin Chin Bible

⁸ Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi.

Hosea 12:8 Iomraidhean Croise

Psalm Late 49:6

A hauna uh muangin a neisate uh a kiphatsakpui mihing ngilote in hong kiim uum hangin ka kiita buatu hi.

Psalm Late 52:7

“En vun, ngammuan natu Pathian a suang ngawl, hi sungah mihing khat om a, ama in a nei a lamh tampite suang a, seksol ngamtatna taw ngammuanna zon a sawm zaw hi,” hong ci tu uh hi.

Psalm Late 62:10

Ngoltolna sungah thin muang heak vun; sutolna taw meetna bangma nga tu in ki um heak vun; na haunate a khangto hial zongin tuate suang heak vun.

Paunakte 11:1

Topa in khaikhin maan ngawl a zanghte ensan hi. Toaisuang maante hangin ama lungdam hi.

Paunakte 30:12

A nin thei za in, nin napi thiangtho a kisa mihing om hi.

Paunakte 30:20

Zi thumaan ngawlte ngamtatna in hi bang ahi hi; ama in palngul mawna vawt a, tua zawkciang kibual a, “Ahihang, a maan ngawl bangma vawt nei bong!” ci lai hi.

Jeremiah 2:23

Bangbangin nangma le nangma ka kininsak bua a, Baal ka bia ngei bua na ci thei tu ziam? Munkuam sungah mawna khialna na vawt hi; na vawt sate mu in. Nang sia a zual ngawl kalaoh huuk khat taw na kibang a, leetai kawkoai in

Jeremiah 2:35

nang in, ‘Mawna ka nei bua hi; ka tungah Topa thin uuk nawn ngawl takpi hi’ na ci hi. Ahihang keima, Topa in, mawna ka nei bua hi na ci hu in, daan kong pia tu hi.

Jeremiah 5:27

Savaipa khat in a bawm dimteak vacim a khum bangin amate ii a sutol vanhte taw a inn dimh zo uh hi. Tua ahikom amate sia thahat in hau a,

Ezekiel 28:5

Nangma in sumvawt thiamnate taw summeet na vawt tan hi. Na hauna suangin bangza in kiphasak ni ziam!

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 4:8

Ka mite mawna khialna te tung pan hau law na hi uh kom amate khial vaial le na oai uh hi.

Amos 8:5

Noma le noma “ih antang ih zuak thei natu in ni thiangthote a bo tu ih ngak zo bua phial hi. Sumzuak ih kipat thei kik na tu in bang hun ciang Sabbath kiman tu ziam? Tuasia ciang, khaikhin maan ngawlte zanghin van leite a toai phaza theam a, na man ih khan thei tu hi.

Habakkuk 1:16

Amate in a ngeente ngawngawn bia in tuate atu sangaw biakpiakna vawt hi, banghang ziam cile na theampo sung pan a pha belte tua ngeente in ngasak hi.

Zechariah 11:5

Tua tuute sia a tote in that a, a thatte daan kipia ngawl hi. Amate in a sa zuakin, ‘Topa pok vun! Ei hau zo hing!’ ci hi. A tuucingte ngawngawn in hesuakna nei ngawl uh hi,” hong ci hi.

Malachi 2:17

Na kampauna uh taw Topa toisak nu hi. Ahihang, “Ama bangbangin toisak khu ziam?” ci in dongh nu hi. “Vaanglianbelpa Topa in ngamtat siate theampo phasa hi; tuabangte diksa takpi hi,” ci nu hi. Tua ahibuale, “Thutangin ih heen Pathian sia koisungah om hi tu ziam?” ci in dongh nu hi.

Malachi 3:13

Topa in, “Kei taw kisai in a lauhuai thute son nu hi. Ahizong note in, ‘Nang taw kisai bang teng son na khu ziam?’ ci nu hi.

Luke 10:29

Ahihang Thukham hil syapa in, ama le ama kitangsak nuam ahikom, hi bangin Jesus dongh thua hi, “Ka innpaam pa sia akua ziam?” ci hi.

Luke 12:19

Tuasia ciangin keima le keima hi bangin ka kici tu hi. Mihing hamphapa awng! Kum tam mama na khom tu na pha theampo nei zo ni hi. A ol nawno in nungta ta'n a, ne in dawn lel in. A nuam in om ta'n!’

Luke 16:13

“Naseam khat po in to nii ii sila sepsak thei ngawl hi; ama in khat sia ensan tu a, khat it tu hi; khat tungah thumaan tu a, khat sia ngaimaw tu hi. No sia Pathian le sum ii sila, na seam khawm thei buatu hi,” ci hi.

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Thuhil kikna 8:17

Tua hi a, noma vaangletna le na thahatna uh taw hau khu hi, ci in ngaisun ngei heak vun.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

1 Timothy 6:5

thumaan thutak nei nawn ngawl a, thinsung maan ngawlte ii kam kinialna te piangsak hi. Amate in biakna sia sumhau thei natu lampi khat in ngaisun uh hi.

Thupualaakna 3:17

Nang in ‘Kei sia hau in nuamsa ing; ka kisap theampo nei ing,’ ci ni hi. Ahihang bangza in zawngkhalin, hesuakhuai na hi hunlam na kihe bua hi! Nangma na zawng a, pumnguak na om a, na mittaw hi.