Hosea 12:6 - Syin Chin Bible

⁶ Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 12:6 Iomraidhean Croise

Pianciilna 49:18

“Topa awng, nong hut tu ka ngak hi.

Psalm Late 123:2

Topa kote Pathian awng, naseampa khat in a topa suang a, naseamnu khat in a tonu a suan bangma, kote tungah hesuakna nong nei mateng in nang kong ento tawntung tu uh hi.

Psalm Late 27:14

Topa muang in, upna nei in, thinkiam heak in. Topa muang in!

Psalm Late 37:7

Thinsau in Topa sep tu ngak in; a nuamsate le a sia ngealna neite ii maa tutnate hangin thinngim heak vun.

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Paunakte 1:23

Kong teih ciangin hong ngai tavun; ngaisutna pha kong pia tu a, ka heaknate kong hawm tu hi.

Paunakte 21:3

A maan le ahi tu bangin seam in; tua in sangaw biakpiakna sangin Topa lungdamsak zaw hi.

Isaiah 1:16

Noma le noma kithiangsak vun. Ka mu tangin a sia na vawt uh theampo vawt nawn heak vun. Hi hi, a sia ngamtatnate kheal vun a,

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 31:6

Pathian in, “Israel mihingte awng, kei tungah nong maw zo uh a, nong langpan zo uh hi. Ahitazong tu in kei kung hong zuan kik tavun!

Isaiah 40:31

Ahihang a hu tu in Topa a muangte in a tha uh thathak a dim kik sia mu tu uh hi. Amate muvanlaite bangin a tha uh taw leangto tu hi; amate a tai hangin toi ngawl tu uh hi; lam a pai uh hangin a thazawm ngawl tu uh hi.

Isaiah 58:6

“Kei dei an tanna sia hi bang ahi hi: zawthawkna thikkolte le thukhaikim ngawl a kivawtna hakkolte suutin, zawthawk vawt a thuakte suataksakna ahi hi.

Isaiah 8:17

Topa sia ama mite ii a mu thei ngawl natu in ama le ama kiseal hi, ahizong keima in ama ka muang a, ka lametna ama tungah om hi.

Jeremiah 22:15

Midangte inn sangin a phazaw cedar thing taw innte na sak ciang in kumpi phazaw khat hong suaksak ziam? Na pa sia a khan zo in nuamsa hi. Ama sia a tawntung maan a pha hi, a sepna theampo ah a maapai hi.

Ezekiel 18:30

“Tu in kei Vaanglianpipa Topa in, no Israel te tungah hong ci khi hi, note khat sim ii tungah na sep na vawt uh bangin thu kong khen tu hi. A sia a kha na vawt theampo nungngatin nusia vun, na mawna in noma susiasak heak vun.

Hosea 10:12

Keima in, “Noma atu in leithak tho vun a, thutang suana ciingin, kei nong biakna pan a piang tu thuphate at vun. Na Topa ahi kei sangah nong kiheak tu hun zo a, tuaciang kong pai tu a, no tungah thupha kong buak tu hi,” ci hi.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 4:1

Hi ngam sungah a teang mite tungah Topa in mawsakna khat nei hi. Israel awng, ama pauna ngai vun: “Hi ngam sungah thumaanna hikale ki itna hikale om ngawl a, mite in keima Pathian in hong saang ngawl hi.

Joel 2:12

Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Amos 4:13

Pathian in mualte a vawt pa le vuite a bitphuapa ahi hi. Ama in a ngaisutnate mihing in hesak hi; ama in sun sia zan suaksak hi. Ama in leitung saangnate tungah vak hi. Hisia ama min hi: Vaanglianbelpa Topa Pathian ahi hi!

Amos 5:24

Tuate taangin thukhaikim sia luitui bangin luangsak vun a, thutang sia a kang ngeingawl ngun bangin luang tahen.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Micah 7:7

Ahihang keima in Topa ka mitsuan tu hi; kei hong ngum tu Pathian kimuang takin ka ngak tu hi. Ka Pathian in kei hong za tu hi.

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Zephaniah 3:8

Topa in, “Ngak zi vun, ka minamte ka mawsak tu ni ngak vun. Ka thin uukna ii thahatna ka heaksak nopna in minamte le kumpi ngamte khoptua tu in ka thin ka khensat zo hi. Ka thinsona meikuang in simlei bup ka kaanghthamsak tu hi.

Zechariah 1:3

ahihang tu in no tungah kong ci hi, ‘Kei kungah hong heakkik tavun, tuaciang keima no sangah kong kiheak tu hi.

Zechariah 7:9

“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun.

Zechariah 8:16

Na sep tu uh sia hi teng hi: Khat le khat tungah thumaan thutak kison vun. Thukhenzum ah thutang khenna tatak — kilemna a piangsak thukhenna namte pia vun.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.