Hosea 12:10 - Syin Chin Bible

¹⁰ “Kamsaangte ka paupui a, mukholna tam mama ka pia hi, tuaciang kamsaangte tungtawnin ka mite kidop natu thu ka pia hi.

Hosea 12:10 Iomraidhean Croise

1 Kumpite 13:1

Topa ii sawlna taw Judah panin kamsaang khat Bethel ah hong pai a, sangaw biakpiakna pia tu in Jeroboam biaknatau mai ah hong din laitak hong theng hi.

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

1 Kumpite 19:10

Ama in, “Topa Pathian Vaanglianbelpa awng, nangma ii na — nangma bekma ii na hong sepsak tawntung khi hi. Ahihang Israel mite in nang taw a thuciamna paltan in, na biaknataute baltham a, na kamsaangte thatlum siat hi. Keima bekma taanglai khi hi — tuaciang amate in kei hong that nuam in hanciam uh hi!” ci in zo hi.

2 Kumpite 17:13

Topa in a kamtai te le a kamsaangte paisakin Israel le Judah te a kidop natu in sawl a: “Na ngamtat siatna uhte nusia vun a, na taanghpupite uh ka piak Thukhamte sungah a om, ka naseam ka kamsaangte tungtawnin no tungah kong piak kong sawlna te ni vun,” ci hi.

Nehemiah 9:30

Kum khat zawk kum khat amate kidop natu thinsau takin na hil hi. Na kamsaangte thinsung ah a thuson tu na hil a, ahizong na mite in nangonthaak ahikom, minam dangte in amate na zothalsak hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Jeremiah 19:1

Topa in thambeal khat lei tu in va pai ta'n hong ci hi. Ama in ulian pawlkhat le thiampi sung pan a uhaam zawhiat pawlkhat paipui in,

Jeremiah 19:10

Tuaciang keima taw a paikhawm mihingte mai san ah thambeal saattham tu in Topa in keima hong sawl hi.

Jeremiah 25:4

Topa in ama naseam kamsaangte hong puak tawntung hi napi a thu na ngai bua a, na awlmawk bua uh hi.

Jeremiah 7:25

Na taanghpupite Egypt ngam pan a pusua ni pan kipan tuni ciang dong ka naseam kamsaangte kong puak tan viuveu hi.

Ezekiel 17:2

Ama in “A thithei mihing awng, Israel mite tungah thu sonteena khat son in a,

Ezekiel 20:49

Ahihang keima in ka nial a, “Vaanglianpipa Topa awng, tuabangin kei hong vawtsak heak in! Kei sia a telhak kam soaiheamte veu pau tawntung hi ci in ngual theampo phun zo hi,” hong ci hi.

Hosea 13:4

Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.

Hosea 3:1

Topa in kei tungah, “Pai kik ta'n a, a lawmpa taw nang hong palngul numei tungah na itna lak ta'n. A milimte sapitnga ko pia thanuam in pathian dangte zuan kale Israel mite ka it veve bangin tua nu it nanak tu ni hi,” hong ci hi.

Joel 2:28

“Tuasia zawkciang a kuama po tungah ka Thaa ka buak tu a: na tapate le tanute in ka thu thangsak tu uh hi; na khanghaamte in mang man tu uh a, na khangnote in mukholna mu tu uh hi.

Thiampite 23:42

Israel mite theampo ni sali sung bukte sungah teang tu a,

Amos 7:14

Amos in, “Kei sia sum thangaina taw kamsaang nam ka hi bua hi. Keima in ngancingpa khat ka hi a, theikungte ka keamcing hi.

Mi Simna 12:6

tuaciang Topa in, “Tu in kong thuson tu te ngai vun! Note sungah kamsaangte a om ciang, keima le keima amate kungah mukholnate sung pan ka kilangh a, mangte sung pan amate ka paupui hi.

Sawltakte 2:17

‘Hisia in ni tawpkhak sang ciangin ka vawt tu thu ahi hi, Pathian in ci hi: Ka thaa ka buak tu hi. Na tapate le na tanute in, keima thu thangsak tu uh hi. Na khangnote in mang mu tu uh hi; Na khanghaamte in, mang man tu uh hi.

2 Corinth te 12:1

Bangma phattuamna om ngawl ahitazong, ka kisuangtaak kul tu hi. Ahihang tu in Topa hong piak mukholnate le thupualaaknate huvau kong son tu hi.

2 Corinth te 12:7

Na lamdang tam mama ka mute hu in, kiphatsakna taw ka kisakthei ngawl natu in keima pumpi sungah hong zo tu in Satan sawltak khat bangin na a seam, a bot pumpi natna khat hong kipia ahikom, ka kiphatsak ngawl natu in hong khaam hi.