Hosea 11:9 - Syin Chin Bible

⁹ Ka thin uuk hu in nang daan kong pia buatu hi; Israel ka susia kik buatu hi. Banghang ziam cile kei mihing hi ngawlin Pathian khi hi. Keima a Thiangtho Pa in note taw kong omkhawm hi. Thin uuksa in nang kung kong pai buatu hi.

Hosea 11:9 Iomraidhean Croise

2 Samuel 20:10

Amasa sia Joab ii a khut langkhat ah a toai namsau sia pan kidal ngawl ahikom Joab in a ngil panin sun a, a ngilzang teng lei ah keekeak hi. Ama thakhatin thi paih a, Joab ii a sat kik kul ngawl hi. Tuaciang Joab le a suapui pa Abishai in Sheba del uh hi.

Psalm Late 46:5

Pathian in tua khuapi sungah om a, tua khuapi a lal ngei buatu hi; zing khuavak tuungin a hu tu in ama hong pai tu hi.

Psalm Late 78:38

Ahihang Pathian in ama mite hesuak hi. Amate mawna maisak a, a susia bua hi. Ama in tamvei mama a thin uukna iip in a thinsona vei kenkon hi.

Psalm Late 85:4

Hong puuapha kik ta'n, Pathian kote ngumpa awng, kote dik nong sak ngawlna thaisak in!

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Isaiah 41:14

Topa in, “Israel awng, note in mi cii tawmte le a thazawmte na hi uh hi. lau heak vun; hong hu tu khi hi. Keima, Israel ii a thiangtho Pathian sia nang hong ngumpa ka hi hi.

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 48:9

“Mihingte in ka min hong pok natu in ka thin uukna ka vei kenkon hi; kong suksiat ngawl natu in ka iip kik hi.

Isaiah 5:24

Tua ahiciang tu in, taangphaw le lopa ko ngimngeamte mei a kak bangma in, na zungte muatin na paakpalhte kongaw tu a, vui in lenkeak tu hi, banghang ziam cile, noma in Vaanglianbelpa Topa Israel te ii a thiangtho Pathian ii ei hong hilna thu na nial zo uh hi.

Jeremiah 26:3

Tua mihingte in na thu hong ngai tu a, a ngamtat siatnate kheal thei tha tu hi. A kikheal uh le, amate ii seksol ngamtatna hang a, amate suksiat tu in ka tup ka ngaisut sia ka kheal kik tu hi,” hong ci hi.

Jeremiah 30:11

Note kungah kong pai tu a kong ngum tu hi. Kong thethaangna ngammite theampo ka susia tu a, ahihang no kong susia buatu hi. Daan thuak ngawlin no kong omsak buatu hi; ahihang daan kong piak ciang, a kilawm in kong pia tu hi. Keima, Topa in ka son zo hi,” ci hi.

Hosea 12:1

Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.

Hosea 14:4

Topa in, “Ka mite ka kung ka then kik tu hi. Ka thin theampo taw amate ka it tu a; amate tungah ka thin uuk nawn ngawl hi.

Malachi 3:6

“Keima in Topa ka hi a, ka kikheal bua hi. Tuaciang no, Jacob suan le paalte zongh na mong siat bualai uh hi.

Mi Simna 23:19

Pathian sia a leilot thei mihingte taw kibang ngawl a; Ama sia a thin a kheal papai mihing hi ngawl hi. A kamciamna babang seam a; A pau bangin taangtung hi.

Thuhil kikna 13:17

A kisusia nate sung pan note atu in na khat zongh la heak vun, tuasia ciang Topa thin uukna thai in hong hesuak tu hi. Tuni in kong piak ama thupiakte theampo zui in, a deina bang na seam uh le,

1 Samuel 26:8

Abishai in David munah, “Pathian in na ngalpa na khut sungah tu zanin hong pia hi. Tu in ama ii tei taw ma in keima in ama lei taw cip in hong sunletsak ta'n, khatvei sut taw kiman tu hi — niivei ka sut kul ngawl tu hi!” ci hi.