Hosea 11:8 - Syin Chin Bible

⁸ “Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Hosea 11:8 Iomraidhean Croise

Pianciilna 14:8

Tuaciang Sodom, Gomorrah, Admah, Zeboiim le Bela kumpi ngate in, a ngalkaphonpi nei teng ngalsim tu in kaikhawm a,

2 Samuel 24:16

Topa ii vantunglalang in Jerusalem lalcipsak tu in a kipat ciangin Topa in mihingte daan a piak huvau a thin kheal kik a, amate a that vantunglalang munah, “Tawp in! Pha zo!” ci hi. Vantunglalang sia Jebus mi Araunah ii ancilna nai theng hi.

1 Kumpite 3:26

A nu tatak sia in a tapa a itna taw kidim ahikom kumpipa munah, “Kumpipa awng, nong hesuakna in nau sia that heak in! Ama pia in!” ci hi. Ahihang nupi dang khat sia in, “Koma khat zongh hong pia heak in; khen nii ma hong suasak po ta'n,” ci hi.

2 Kumpite 13:23

ahizong Topa in amate tungah thuthiamin hesuak hi. Amate a kimaimot mang tu oai ngawlin, hu zaw hi, banghang ziam cile Abraham, Isaac le Jacob te tungah thuciamna a vawt hang ahi hi. Ama in a mite mangil ngeingawl hi.

2 Khangtaanghthu 36:15

A taanghpupite ii Pathian, Topa in amate le a Biakinnpi a huuk nop manin a mite kidop thei natu in kamsaangte tatsat ngawlin paisak hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Isaiah 16:11

Moab atu in khuangai in Kir Heres atu in ka tau hi.

Isaiah 63:15

Topa awng, a thiangtho le a minthang na teenna vantung panin, ko hong ensuk ta'n. Ko nong thin nopmawk belna sia koi sungah om ziam? Na vaangletna koi sungah om ziam? Nong itna le nong hesuakna koi sungah om ziam? Ko hong ngaingon heak in.

Jeremiah 18:8

tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 3:12

Ama in kei tungah Israel te kung pai in hong sawl a, “Thumaan ngawl Israel awng, ka kungah hong pai kik ta'n. Keima in ka hesuak thei a, ka thin uuk ngawl tu hi; nang tungah a tawntungin ka thin a uuk buatu hi.

Jeremiah 31:20

“Israel awng, nang sia ka thangaibel ka tapa na hi a, ka itbel ka ta na hi hi. Na min ka law simin itna taw kong phawk hi. Nangma kong ngaisun tawntung a; kong hesuak tu hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Kaa late 1:20

“Topa awng, na ka sak nate, ka thinbot vangui nate hong en ta'n! Ka mawnate hangin khuangai in ka thin tamhtham hi. Lampite ah kithalupna om a; innsuum sungsang ngawngawn ah thina theng hi.

Kaa late 3:32

Ama in eite heena hong thuaksak thei tu hi, ahihang ama ii eite hong itna sia maan in kho hi.

Kaa late 3:33

Ama in eite hong khuangaisak, hong natsak sia nuamsa tuan ngawl hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Ezekiel 6:9

tua munah amate saltaang in teang tu uh hi. Tua munah amate in kei hong phawk tu uh a, daan pia in maizum ka piak sia he tu uh hi, banghang ziam cile amate ii upna sel lungtang in kei hong taisan a, kei sangin milimte deizaw uh hi. Amate tatsiatna le a etthawk huai nate a vawt hu in amate le amate kiihuai kisa tu uh hi.

Hosea 6:4

Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

Hosea 7:1

“Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Amos 7:3

Topa in a thin kheal kik a, “Na mu bang piang ngawl tu hi,” ci hi.

Amos 7:6

Topa in a thin kheal kik a, “Hi sia zongh piang ngawl tu hi,” ci hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Zephaniah 2:9

Israel te ii Pathian, a nungta Topa ka hi bangma in Moab le Ammon sia Sodom le Gomorrah bangin kisusia tu hi, ci in ka kiciam hi. Tuate sia cikhukte le a laltham top, lopa bek pona mun suak tu hi. Ka mi a nungta laite in amate vanh suttol tu a, a ngam laaksak tu uh hi,” ci hi.

Matthew 23:37

“Jerusalem, Jerusalem awng! Nang in kamsaangte na thatlum a, Pathian kamtaite suangtum taw na hua hi. Akpui in aknote a thakhui nuai ah a uap bangin, bang tanvei na mihingte angvan nuam khi ziam? ahihang na oai bua hi!

Thuhil kikna 29:22

“Mailam khang kikte sungah na suan na paalte le ngam khuala pan ngamdangmite in na ngam sungah Topa ii hong puak tuasiatnate le ngim thuaknate mu tu uh hi.

Thuhil kikna 29:23

Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi.

Thuhil kikna 32:36

A thahatna teng a bo a mu ciang Topa in a mite suatak tu hi. Ama in a naseamte a panpui tu a om ngawl hunlam a mu ciang, ama na a seamte hesuak tu hi.

2 Peter 2:6

Pathian a selte tung a piang tu sia mu thei natu in, Sodom le Gomorrah khuapite sia meikuang taw Pathian in haltham hi.

Jude 1:7

Sodom, Gomorrah le a kiim khuapite zongh phawk tavun, tua vantunglalangte bangin ngamta a, numei le pa paktatna le ngeina ngawl bangin mawna vawt uh hi: amate sia mihing theampo ii a kidop thei natu in, tawntung meikuang sungah daan a thuak uh hi.

Thupualaakna 11:8

a luangte sia amate ii Topa thinglamtee tungah a kithalupna mun tua khuapi lian sia sung lampi tungah kisial tu uh hi. Tua khuapi ii a minsealh sia Sodom, ahibuale Egypt kici hi.

Thupualaakna 18:18

ama a kaanghtum meikuangte pan meikhu sia a mu uh ciang, “Hi khuapi lian taw a kibang khuapi dang om ngeingawl hi!” ci in au uh hi.

Thukhente 10:16

Tua ahikom amate in ngamdang pathiante vawkin, Topa bia uh hi; tuasia ciang ama sia Israel te ii ngim ngana tungtaang ah a thinnuam ngawl hi.