Hosea 11:7 - Syin Chin Bible

⁷ Amate in kei kung pan puapial tu bebek ma sawm vatan uh hi. Amate tungah hakkol kisuanh ahi hu in kap tu ahihang kuama in a vanh dawn ngawl tu hi.

Hosea 11:7 Iomraidhean Croise

Psalm Late 81:11

“Ahihang ka mite in ka thu hong ngai nuam ngawl a, Israel te in ka thu hong ni ngawl tu hi.

Paunakte 14:14

Mihing pha ngawlte in amate taw a kiphu bangin nga tu hi. Mihing phate in amate sepnate tung pan thaman nga tu hi.

Isaiah 26:10

Mihing seksolte tungah nang dik napi in, amate in a maan a vawt tu he ngeingawl uh hi. Mihing thutangte teenna hi ngam ngawngawn zongh ah amate in khialna vawt veve lai hi; amate in na letna thusim ngawlin nial uh hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 3:11

Tuaciang Topa in kei tungah, Israel sia ama kung pan heak kik ahitazong, a thumaan ngawl Judah sangin phazaw ngawp lai hi, ci in hong son hi.

Jeremiah 7:25

Na taanghpupite Egypt ngam pan a pusua ni pan kipan tuni ciang dong ka naseam kamsaangte kong puak tan viuveu hi.

Jeremiah 7:26

Ahihang kuama in thu ngai ngawl, nadon ngawl uh hi. Na taanghpupite uh sangin na thin uh pui zaw in langpan kan zaw nu hi.

Jeremiah 8:5

Tua ahile, ka mite awng, banghang kei kung pan puapial in hong heak kik nawn ngawl nu ziam? Na milimte uh ma len lingleng in hong heak kik nuam ngawl nu hi.

Hosea 11:2

Ahihang ama ka sap a tam vaial ciang hong nungngat san vaial hi. Ka mite in Baal tungah sangaw biakpiakna pia hi; amate in milimte atu in ngimnamtui hal uh hi.

Hosea 14:4

Topa in, “Ka mite ka kung ka then kik tu hi. Ka thin theampo taw amate ka it tu a; amate tungah ka thin uuk nawn ngawl hi.

Hosea 4:16

Israel mite sia laate bangin thinpui hi. Bangbangin amate lopa hingna sungah tuuno bangin taasak thei tu khi ziam?

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.