Hosea 11:5 - Syin Chin Bible

⁵ “Kei kungah hong heak kik nuam ngawl ahiciang, Egypt ma ah a heak kik uh kul tu a; tuaciang Assyria te in amate uk tu hi.

Hosea 11:5 Iomraidhean Croise

2 Kumpite 15:19

Assyria te ii kumpilianpa Tiglath Pileser in Israel sim a, tuaciang Menahem in, ngam sungah ama ii vaangletna a kip natu tua kumpipa ii panpui natu in ngunn kilogramme 34,000 pia hi.

2 Kumpite 15:29

Pekah kumpipa ahi hun laitakin Assyria te ii kumpilianpa Tiglath Pileser in, Ijon, Abel Beth Maacah, Janoah, Kedesh le Hazor khuapi teng le Gilead ii ngamkhen, Galilee le Naphtali teng suan hi, tuaciang a mihingte sia Assyria ah thongtaak tu in ciapui hi.

Hosea 10:6

Tua milim sia a kumpilianpa maivil natu in Assyria ah kipua tu hi. Tua ngaisut piakna bang a zui hu in Israel minpaan tu a, kimaizumsak tu hi.

Hosea 5:13

“Israel in a ciinatna bangza ziam ci sia a kimu ciang le Judah in ama ii liammate a kimu ciang, Israel in Assyria kumpilianpa kungah hu ngenin pai hi; ahihang ama in a natna le a liammate damsak thei ngawl hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Hosea 7:16

Amate kei kung pan kiheak tawntungin vang nei ngawl pathian khat tuu uh hi. Amate sia thalkawng telh khat bangin muanhuai ngawl hi. A lampuite in kisak theina kampau ahikom amate thi ngamin thi tu a, tuaciang Egypt te nui tu uh hi,” ci hi.

Hosea 8:13

Amate in sangaw biakpiaknate kei tungah vawt in tua sangaw biakpiakna sa te ne uh hi. Ahihang keima, Topa in amate tungah ka lungkim ngawl hi, tu in amate mawna ka phawk kik tu a, tua hu in daan ka pia tu hi; Egypt ngam ah amate ka puak kik tu hi!

Hosea 9:3

Israel mite sia Topa ii leitang tungah taang ngawl tu ahihang, Egypt ah heak kikin Assyria ah a kikhaam ante ne tu uh hi.

Hosea 9:6

Tuasiatna hong pai in, mihingte a kithethaang ciang Egypt te in amate khawmtua tu a — Memphis ah vui tu in khawmtua tu hi! A ngunn sumngumte le khatvei lai a, a innmunte sia lopa le lingkungte in khunel tu hi.

Amos 4:11

“No pawlkhat sia Sodom le Gomorrah ka suksiat bangin kong susia hi. No a thi mong teng sia meikhuk khat pan a kiteen thingkhua kaanghmong bang na hi uh hi. Tua hi napi, kei kung nong zuan kik tuan bua lai uh hi,” ci hi.

Amos 4:6

Topa in, “Na khuapite theampo tungah kialpi a tungsak sia keima khi hi, ahihang kei kung nong zuan kik bua uh hi.

Amos 5:27

Damascus kalhin saltaang tu in kong lak ciang, na puak uh kul tu hi,” Vaanglianbelpa Pathian a kici Topa in ci hi.

Thuhil kikna 17:16

Kumpipa in ama ngalkaphonpi atu in siphu tampi nei thei ngawl tu hi, siphu lei tu in Egypt ah mite sawl ngawl tu hi, banghang ziam cile Topa in a mite tualai ah heak kik ngeingawl tu hi, ci in a sonsa hi.