Hosea 11:11 - Syin Chin Bible

¹¹ Amate Egypt pan vacim bangin, Assyria pan vakhute bangin manlang takin hong pai tu uh hi. Amate a inn tek ah ka ciasak kik tu hi. Keima Topa in ka ci zo hi,” ci hi.

Hosea 11:11 Iomraidhean Croise

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 60:8

Vakhute a ngil a zot bangin Meeikaai bangin hong pai vanawm teambawte sia bang teambawte ahi ziam?

Jeremiah 31:12

Amate hong pai in Zion mual tungah lungdam in lasa tu uh a, ka letsongte taw lungdam mama tu uh hi — Ka letsongte sia antang, sapittui, olive thau, tuu le khuite ahi hi. Amate sia pha tak a, tui a kibuak husuan khat taw kibang tu a; amate in a kisap theampo nei tu uh hi.

Ezekiel 34:27

Thingkungte a nga nga tu a, lote pan an piangin, mihing theampo thinmuang takin a leitang tung tek ah a teang tu uh hi. Ka mite ii thikkol sutan in, a sila kaaina pan ka suut ciang Topa ka hi hunlam amate in he tu uh hi.

Ezekiel 34:28

Pathian he ngawl minamte in amate ii neisate suttol nawn ngawl tu a, ngamsate in ne lum ngawl tu hi. Amate ngam muang takin teang tu a, kuama in lauthawn ngawl tu hi.

Ezekiel 37:21

Tua zawkciang Keima, Vaanglianpipa Topa in a paina ngam theampo panin, ka mite theampo kaikhawm in amate ngam leitang tungah ka ciapui kik tu sia amate tungah son in.

Ezekiel 37:25

Ka naseampa Jacob tungah ka piaksa a taanghpupite teenna ngam ah teang tu uh hi. Tua munah a tate le a suan a paal te theampo, a tawntungin teang tu uh hi. Ka naseampa David bang ahi kumpi khat in amate a tawntungin uk tu hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Hosea 7:11

Inn vakhu mawmaw khat bangin Israel te leang kawkoai hi; amate in Egypt te tungah huna ngen masa uh hi, tua zawkciang Assyria ah tai uh hi!

Obadiah 1:17

“Ahizong Zion Mual tungah pawlkhatte suakta tu uh a, tuaciang tuasia a thiangtho mun hi tu hi. Jacob mite in amate nga tu ahi a leitang sia tang tu uh hi.

Zechariah 10:10

Egypt le Assyria panin amate inn ah ka ciapui tu a, amate ii mun le ngam ah ka teangsak tu hi. Amate Gilead le Lebanon zongh ah ka teangsak tu hi; ngam bup sia mihing taw kidim tu hi.

Zechariah 8:7

Ka mite a kilaakna ngamte pan ka suatak tu a,

Zechariah 8:8

Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.