Hosea 10:8 - Syin Chin Bible

⁸ Israel mite ii milim biakna mun ahi Aven mualdawn biakbukte kisusia tu hi. Lingkungte le lophungte in a biaknataute khunel tu hi. Mite in mualpite tungah, “Hong seal tavun!”, tuaciang mualnote tungah, “Hong siin tavun!” ci in sam tu uh hi.

Hosea 10:8 Iomraidhean Croise

Pianciilna 3:8

Tua nitakin, amate in huan sungah Topa Pathian khuasuan nging za uh a, ama ii mu ngawl natu thingkungte kawmah buu uh hi.

1 Kumpite 13:2

Topa ii sawlna zui in kamsaangpa in biaknatau sia siat son hi: “Oh biaknatau, biaknatau awng, hisia Topa ii pauna hi: David ii bangkua sungah Josiah a kici nausen khat hong piang tu hi. Ama in doai biaknataute tungah seam in nang tungah sangaw biakpiakna a vawt thiampite nangma tungah that tu a, mihing ngute nang tungah hal tu hi,” ci hi.

1 Kumpite 13:34

Hi mawna in siatna le ama ii kinguizui kumpi ukna a bo cimitna suak hi.

1 Kumpite 14:16

Topa in Israel taisan tu hi banghang ziam cile Jeroboam in mawna vawt a, Israel mite mawna sungah lampui hi.”

2 Kumpite 23:15

Josiah in Israel te mawna sungah a lampui Nebat ii tapa Kumpipa Jeroboam ii saksa Bethel a om biakpiakna mun sia zongh baltham hi. Josiah in biaknatau kaivawk a, a suangte a bekin sutham in leivui suak tu in seakcip hi; ama in Asherah ii lim zongh haltum hi.

2 Khangtaanghthu 31:1

Tua poai a man zawkciang Israel mite theampo Judah khuapi teng ah pai a, suangkhuamte sutan in Asherah numeipathian ii limte phuktan in biaknatau te le doai sepna munte sutham hi. Amate in a taanglai Judah ngam theampo, tuaciang Ephraim, Benjamin le Manasseh ngamte ah tuabang ma in vawt hi; tua zawkciang amate inn zuan kik siat uh hi.

Isaiah 2:19

Topa in leitung lok tu in hong pai ciang, mihingte in Topa ii thin uukna pan le a vaangletna le a minthannate pan a suatak natu hanciam in, ahibuale leihawng tawna sungah buu tu uh hi.

Isaiah 2:21

Topa in leitung lok tu in hong pai ciang, mihingte in Topa thin uukna, vaangletna le a minthannate pan, a suatak natu hanciamin leihawngte sung le mualkawm suanghawngte sungah buu tu uh hi.

Isaiah 32:13

lingnguite le lingkungte ka mite ii leitang tungah po zo hi. Mihingte lungdam takin a teenna innte theampo atu le nuntakna a nuam khuapi atu in kap vun.

Isaiah 34:13

Kumpi innte theampo sung le luphung taw ki uum khuapite sungah lingte le a mulnei lingkungte po in, ngia le simbute tua ii sungah teang tu uh hi.

Hosea 10:2

A lungtang uh theam nopna taw a kidim mite sia tu in a mawnate hu in a thuak kul tu hi. Pathian in a biaknataute sutham tu a, a khuam thiangthote susia tu hi.

Hosea 10:5

Samaria khuapi ah a teang mite lau in, Bethel ah khamh khuital a bo hu in khuangai tu uh hi. Amate le milim biakna ah a seam thiampite sia tuasia thangai in kap tu uh hi. A khamhcii kizepna hoi teng a kihawkeaksak ciang amate mau tu uh hi.

Hosea 10:9

Topa in “Gibeah ah mawna a vawt hun pan kipan Israel mite kei tungah mawna a vawt uh kheal ngawl hi. Tua ahikom Gibeah ah ngal in amate lap tu hi.

Hosea 2:6

Tua ahikom ama sia lingdai taw ka uum tu a, a lampi khaktan tu in luphung ka ciang tu hi.

Hosea 4:13

Amate in mualpi dawn mun thiangthote ah sangaw biakpiaknate pia in, mualnote tung thingkung a saang, a boaite nuai ah ngimnamtui hal uh hi, banghang ziam cile tua thinglim te nuam mama hi! “Tua hu in, na tanute sia pumpi zuakte suak a, na mote in palngul mawna vawt uh hi.

Hosea 4:15

“No Israel mite in kei tungah hong thumaan ngawl na hi uh hang Judah te in tuabang in mawna nei heak tahen. Gilgal ah ahibuale Bethaven ah biakpiakna vawt heak vun, tua ahibuale tua munah a nungta Topa min taw kamciam vawt heak vun.

Hosea 5:8

Gibeah ah ngal dona lemle tum vun! Ramah ah patau daak saat vun! Bethaven ah minsial vun. Benjamin mite awng ngal simin kuan vun.

Hosea 8:5

Samaria khuapi a teang mite ii a biak khamh khuital sia ka ensan hi. Amate tungah ka thinso hi. A milim biakna a kheal natu in bang tanvei ngei lai tu ziam?

Hosea 9:6

Tuasiatna hong pai in, mihingte a kithethaang ciang Egypt te in amate khawmtua tu a — Memphis ah vui tu in khawmtua tu hi! A ngunn sumngumte le khatvei lai a, a innmunte sia lopa le lingkungte in khunel tu hi.

Amos 1:5

Damascus khuapi kongpite sutham in, Aven Kuam a teang mihingte le Betheden a ukpa heam tu khi hi. Syria mite sia Kir ngam ah luangta tu hi,” ci hi.

Amos 3:14

Israel te a mawnate hu in daan ka piak ni ciang, Bethel a biaknataute ka susia tu hi. Biaknatau sim ii a taw king teng kisutan tu a, lei ah puk tu hi.

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Micah 1:13

No, Lachish ah a teangte awng, na siphute ngalleangte tungah khit vun. Note in Israel mawna khialna na zui uh a, tuabangin Jerusalem khialsak nu hi.

Micah 1:5

Hite theampo piang tu hi, banghang ziam cile Israel mite maw in, Pathian langpan uh hi. Israel ii langpanna sia akua mawsiat tu ziam? Ngam bup khuapi mama ahi Samaria hi! Akua in Judah ah milim biakna taw maw ahi ziam? Jerusalem ama mama hi!

Nahum 3:11

Nineveh awng, nang zongh zu khamin na puk tu hi: Nang zongh na ngalte kung pan suatak natu na hanciam tu hi.

Luke 23:30

Tua hun sia mihingte ii, mualpite tungah, ‘Ko tungah hong cim tavun!’ mualnote tungah, ‘Hong seal tavun!’ a kici hun hi tu hi.

Thuhil kikna 9:21

Note ii na vawt uh hong mawsak thil — leisung sumpiang taw na vawt uh khuitalno milim — la in mei sung denna ka nei hi. Tuaciang tua milim sia semneen in ka ngoaivui a, a vuite mualtung pan a luang suk lui sungah ka vawk hi.

Thupualaakna 6:16

Amate in mualte le suangpite munah, “Ko tungah hong cimhsuk ka heu vun a, kumpi tokhum tungah a to pa ii muna pan le Tuuno ii thin uukna panin, hong seal tavun.

Thupualaakna 9:6

Tua tha nga hun sung teng mihingte in thithei natu lampi a zon uh hang, a mu buatu uh hi; amate in thi nuam tu hikale, thina in amate taisan tu hi.