Hosea 10:2 - Syin Chin Bible

² A lungtang uh theam nopna taw a kidim mite sia tu in a mawnate hu in a thuak kul tu hi. Pathian in a biaknataute sutham tu a, a khuam thiangthote susia tu hi.

Hosea 10:2 Iomraidhean Croise

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

Pusuana 23:24

Amate ii pathiante mai ah kunin bia heak vun, amate ii biakna ziate zui heak vun. A pathiante suksiat sakin a suangkhuam thiangthote sutham vun.

Paunakte 11:18

Mihing seksolte in a tatakin bangma meetna a nga bua hi, ahihang a maan in na ngamta le thaman hong kipia takpi tu hi.

Isaiah 44:18

Tuabang mite sia mawmaw leilam ahikom amate in bang teng vawt khu ziam ci zongh he ngawl hi. Amate in thumaan thutak a mu thei ngawl natu in, a mit uh si in, a tel thei ngawl natu in a ngaisutna khak uh hi.

Jeremiah 43:13

Ama in Egypt ngam Heliopolis khua a, khansuang thiangthote susia tu a, Egypt pathiante ii biakinnte haltum tu hi,” hong ci hi.

Ezekiel 14:5

Tua milimte in Israel te sia kei kung pan kiheaksak hi, ahihang ka zona taw amate ii citakna hong nei kik tu in ka lamen hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 13:16

Kei hong langpan hu in Samaria sia daan kipia nanak tu hi. A mite ngal sungah thi tu uh hi; nausente sia lei denna in kinei tu a, naupaai nupite ngil kikui tham tu hi,” ci hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Hosea 7:8

Topa in, “Israel mite anluum minphang khat taw kibang hi. Amate in a kiimkot ngamte suang a,

Thiampite 26:30

Mual tungah om noma biakna munte ka lalsak tu a, ngimnamtui biaknataute baltham in milim a lalte tungah na mithiluangte ka lawn tu hi. A thasiathuai tatakin,

Micah 5:13

Na milimte le na biak suangkhuam thiangthote ka susia tu hi; note in na vawt tawm nate na bia nawn buatu uh hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Zechariah 13:2

Tua hun ciang ngamsung pan milimte min theampo ka phiat tu a, kuama in ciamtee nawn ngawl tu hi. Kamsaang ka hi a ci khat pawpo le, milim biak tu a lungngulna ka heam tu hi.

Matthew 6:24

“Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Luke 16:13

“Naseam khat po in to nii ii sila sepsak thei ngawl hi; ama in khat sia ensan tu a, khat it tu hi; khat tungah thumaan tu a, khat sia ngaimaw tu hi. No sia Pathian le sum ii sila, na seam khawm thei buatu hi,” ci hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

1 John 2:15

Leitung ahizong leitung na khat pawpo ahizong na it heak vun. Leitung na it uh le Pa it ngawl na hi uh hi.

1 Samuel 5:4

A zing kik ciang zingtuungin amate in a milim sia Topa Thuciamna Thingkuang mai ah a pukin mu kik uh hi. Tusia ciang a lu le a khutte nii taltan in kongbiang ah liik a; a pumpi bekma kinusia hi.