Hosea 10:12 - Syin Chin Bible

¹² Keima in, “Noma atu in leithak tho vun a, thutang suana ciingin, kei nong biakna pan a piang tu thuphate at vun. Na Topa ahi kei sangah nong kiheak tu hun zo a, tuaciang kong pai tu a, no tungah thupha kong buak tu hi,” ci hi.

Hosea 10:12 Iomraidhean Croise

Psalm Late 105:4

Hu ngen tu in Topa zuan vun; a kizom suakin ama bia vun.

Psalm Late 72:6

Kumpipa sia lo sungah nguazu bang, leitang tungah nguatui buak bang hi tahen.

Paunakte 11:18

Mihing seksolte in a tatakin bangma meetna a nga bua hi, ahihang a maan in na ngamta le thaman hong kipia takpi tu hi.

Paunakte 18:21

Na kampauna in nuntakna hong keam thei a, tua ahibuale zong hong lalsak thei hi; tua ahikom na kammal tung pan a piang thute lungkimin na thuak kul hi.

Thuhilsya 11:6

Zing ahizong nitak ahizong an ciing in. A pha in po tu maw, ahibuale anciin hun khat sia hun khat sang phazaw tu maw, ci sia na he ngei bua hi.

Isaiah 30:23

Anciite na poai po uh ciang po a, khang a an tam na laak natu in Topa in nguazusak tu hi, tuaciang na ngante in a tat natu mun zai nei tu uh hi.

Isaiah 31:1

Egypt ngam ah huna ngenin a paite a lal ahi hi! Amate in Egypt te ii ngalkap thahatna — siphute, siphu ngalleangte le ngalkapte suang uh hi. Ahihang amate in Israel mite ii a thiangtho Pathian ahi, Topa suang ngawlin huna zongh ngen ngawl uh hi.

Isaiah 32:20

An ciin natu tui kicing piikpeak in, laate le khuite a tat natu mun theampo muanhuai ahiciang mihing theampo bang zata in lungdam tu uh ziam?

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 45:8

Keima in ngalzawna sia ngua bangin van pan ka zusak tu a; a saang tu in lei kihong tu a suatakna le thumaanna taw paak bang hong palh tu hi. Topa, keima in hisia ka piangsak tu hi,” ci hi.

Isaiah 48:18

“Kong thupiaknate ngai hi thong le uh te! a kang ngeingawl luamtui bangin thuphate note atu in luang tu hi. Tuipi vaal ah tuihualte bangin zawna na tung hong theng tu hi.

Isaiah 5:6

Lopa in ka khunelsak tu hi. Sapit baakte ka heu buatu a, a lei zongh ka tho buatu hi; tuasia luangin, lingte ling kungte in ka khunelsak tu hi. Ngua a zuksak ngawl natu in meeite ngawngawn ka khaam tu hi,” ci hi.

Isaiah 54:14

Thutang le thumaan in na tha hong khosak tu hi. Zawthawk vawtna le launa, patauna taw na kipeal tu hi.

Isaiah 55:6

Tu in Topa hong nai ahiciang, ama kung zuan vun a, ama tungah thungen vun.

Jeremiah 50:4

Topa in, “Tua hun hong thet ciang, Israel le Judah mite kap kawmin hong paikhawm tu uh a, amate ii Pathian, keima hong zong tu uh hi.

Ezekiel 34:26

“Amate thupha ka pia tu a, ka mual thiangtho kiimkot ah ka teangsak tu hi. Tua munah a kisap hunin thupha nguatui ka zusak tu hi.

Hosea 12:6

Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.

Hosea 14:1

Israel mite awng, Topa na Pathian kungah heak kik vun. Noma mawna in hong lutusak a, hong puksak hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Hosea 8:7

Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Amos 5:4

Topa in Israel mite tungah, “Kei kungah hong pai tavun, tua hile na nungta tu uh hi.

Amos 5:6

Topa kungah pai vun, tua hile na nungta tu uh hi. Na pai bua uh le Israel mite tungah meikuang bangin Topa hong tuaksuk tu hi. Bethel mite mei in kaanghtum tu hi, kuama in tua mei sumit zo ngawl tu hi.

Amos 5:8

Topa in siluk le zawlzawng aksite vawt hi. Ama in khuazing sia khuavak suaksak a, sun sia zan suaksak hi. Ama in tuipi tuite samin lei ah bunghkeak hi. Ama min in Topa ahi hi.

Luke 13:24

“Kongkha ciakna sungah na tum thei natu in, hanciam vun; banghang ziam cile mihing tam mamate in tum tu in hanciam tu a, a tum zo buatu uh hi.

Sawltakte 2:18

Hi hi, pate zongh numeite zongh ka naseamte ngawngawn tung zongh ah tua ni ciangin, ka thaa ka buak tu a, tuaciang amate in keima ii thu thangsak tu hi.

2 Corinth te 9:10

Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.

James 3:18

Phatna in kilemna piangsakte ii a tu thaicii panin a piang thaw an ahi hi.