Hosea 10:1 - Syin Chin Bible

¹ Israel mite sia a ngathiam sapitkung khat taw kibang hi. A ci thei vaial ciang biaknatau tam seseam vawt uh hi. A leitang panin a piang a tam seseam ciang a biak uh suangkhuam thiangthote zepna hoisak vaial uh hi.

Hosea 10:1 Iomraidhean Croise

1 Kumpite 14:23

Amate in pathian theamte biak natu in biakna munte vawt a, mualtung le thinglim nuaite ah biak tu in Asherah limte le suangkhuamte phut uh hi.

Jeremiah 11:13

Judah mite in a khuapi a nei zaza ma milim pathian tam mama nei uh a, Jerusalem khua ah a teang mite in khuapi sungah om lampite za ma in a kiihuai Baal pathian biaknatau tam mama vawt uh hi.

Jeremiah 11:17

“Keima, Vaanglianbelpa Topa in Israel le Judah ka phut hi; ahihang tu in kong tuasiasak tu hi ci in ka tawng hi. Hi siatna sia amate tungah amate ma in a tungsak ahi hi, banghang ziam cile amate in khialna vawt uh hi; Baal tungah biakpiakna a piak hu in amate in kei hong thin uuksak hi,” ci hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Hosea 12:11

Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.

Hosea 12:8

Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi.

Hosea 13:15

Israel in lopa bangin pung hikale, sennealngam pan nisuana vuisa khat ka vasak tu a, a tuinaakte le a tuikhukte ka kangsak tu hi. Tua vuisa in a mannei na theampo lenmang tu hi.

Hosea 13:2

Mihing ngaisutna le mihing khut taw a suai ngunn milimte — thik milimte a biak tu in a vawtna taw amate maw thua seseam uh hi. Tuasia zawk ciang amate in, “Tuate tungah sangaw biakpiakna pia vun!” ci hi. Bangbangin akua in tua milimte — khuital lim a, a kivawtte — namh thei tu ziam!

Hosea 13:6

Ahihang tua ngam phana ah na tum uh ciang ankham in na lung uh kim a, tuasia ciang, kiphasakin, kei nong mangil uh hi.

Hosea 2:10

A lawmpate mai ah a nguaktangin om tu in a puan a nikte ka suukeaksak tu a, kuama in ka khut sung pan ama hun zo ngawl tu hi.

Hosea 2:8

Ama ii Baal biakna ah a zak ngunn le khamh theampo le olive thau, sapittui le antang a pia sia keima ka hi hunlam ama in kitelsak ngeingawl hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Hosea 4:7

“No thiampite na tam vaial uh ciang, ka tungah nong khial vaial uh hi, tua ahikom na minphatna uh sia minsiatna ka suaksak tu hi.

Hosea 8:11

“Israel mite in mawphel natu biaknatau tam vaial a vawt ciang mawna khialna a vawt natu mun tam a nei vaial suak hi!

Hosea 8:4

“Ka mite in kumpite teal hi, ahihang amate uuk bang bek in teal uh hi. Amate in lampuite teal ahihang kei thukim puina om ngawl hi. Amate in a ngunn le a khamh la in milim in vawt a — amate lal natu ahi hi.

Thiampite 26:1

Topa in, “Biak tu in milimte vawt heak vun, ahibuale suangkhuamte, ahibuale a kizeam suangte phut heak vun. Keima in Topa na Pathian ka hi hi.

Nahum 2:2

(A ngalte ii sutol ma hun lai bangin Topa in Israel mite ii a minthanna pia kik dektak hi.)

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

Philippi te 2:21

Midang khat pawpo ahile Jesus Christ atu sangin, ama ii aituam thute bek kin hi.