Hosea 1:7 - Syin Chin Bible

⁷ Ahihang Judah mite tungah ka itna ka lak tu hi, keima, amate ii Pathian, Topa in amate ka hun tu hi, ahihang ngal kisimna — namsau, thal le thaltang, ahibuale siphu le siphu ngalkapte ka zangh buatu hi,” ci hi.

Hosea 1:7 Iomraidhean Croise

2 Kumpite 19:29

Tua zawkciang Isaiah in Kumpipa Hezekiah munah, “Hong piang tu thu ii lim sia hisia hi. Tu kum le mai ciangin ngamh ante bek na ne tu uh hi, ahizong a kum kik ciang na ciin sa uh ante na at tu a, na suan sa uh sapitngate na ne tu hi.

2 Kumpite 19:34

Keima vaang atu le ka naseampa David tungah ka kamciamna hangin hi khuapi sia dal in hung tu khi hi’ ” ci hi.

2 Kumpite 19:35

Tua zanin Topa vantunglalang khat Assyria te ngiaphual ah pai in ngalkap 185,000 thatlum hi. A zingsang khuavak ciang amate a thisa in tua munah liik siat hi!

2 Kumpite 6:18

Syria te ii sim ciang Elisha in thungen a, “Oh Topa, hi mite a mit uh tawcipsak in!” ci hi. Topa in a thungetna zo a, a ngalte a mittaw cipsak hi.

Psalm Late 33:16

Kumpipa khat in ama ngalkaphon thahat hu in ngalzo hi ngawl a, ngalkap khat in ama thahatna hu in zawna mualsua hi ngawl hi.

Psalm Late 44:7

ahihang nangma in ka ngalte khut sung panin nong hun zo a, hong ensante na zo zo hi.

Pusuana 14:13

Moses in, “Lau heak vun! Kip takin ding vun a, tu ni in Topa hong hutna mu tu nu hi; hi Egypt te mu kik ngeingawl tu nu hi.

Pusuana 14:30

Tua ni in Topa in Egypt te khut sung pan Israel mite hun a, tuipivaal ah a thite Israel te in mu uh hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Jeremiah 25:5

Nang le na taanghpupite ii a tawntung na lua tu in Topa ii hong piaksa ngam sungah na teen tan thei natu uh in, na seksolnate le a sia na ngamtatnate panin na kikheal natu uh kamsaangte in no tungah hong son zo hi.

Jeremiah 25:6

Pathian dang na biak ngawl natu uh le tuate ii na na sep ngawl natu uh, na vawttawm uh milimte biakna taw Topa na thin uuksak ngawl natu in kamsaangte in no hong son hi. Topa thu na ni uh le, ama in note daan hong pia ngawl tu hi.

Jeremiah 33:26

Hi nate ka vawt takpi bangma in, Jacob ii suan le paalte le ka naseam David taw ka vawt thuciamna sia ka len nginge tu hi. Abraham, Isaac le Jacob ii suan le paalte a uk tu in David ii suan le paalte khat ka teal tu hi. Ka mite ka hesuak tu a, ka nuamsasak kik tu hi,” hong ci hi.

Hosea 1:8

Gomer in a tanuno noai a tensak zawkciang ama nau paai kik a, tapa dang khat nei hi.

Hosea 11:12

Topa in, “Israel mite in kei leilot thu le theamna taw hong kiim uum a, Judah mite in kei a thumaan le a thiangtho Pathian hong langpan lai uh hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.

1 Samuel 17:47

tuaciang hi sungah a om mi sim in, a mite a hut natu in Topa in namsau le teite kisamh ngawl hi ci in musak tu hi. Ama sia ngalphual ah a zo pa hi a, no teng sia ko khutnuai ah hong koi tu hi,” ci in zo hi.