Hosea 1:6 - Syin Chin Bible

⁶ Gomer in a ta niina — numei khat nei hi. Topa in Hosea munah, “A min ‘a ki it ngawl’ (Lo-Ruhamah) ci in phuak in, banghang ziam cile Israel mite tungah ka itna ka lak nawn buatu a, ahibuale mawna ka maisak nawn buatu hi.

Hosea 1:6 Iomraidhean Croise

2 Kumpite 17:20

Topa in Israel te nial in, daan pia a, a ngilo ngalte khut sungah aap hi, a khakbel ciang ama ii muna pan bengkeak hi.

2 Kumpite 17:6

Hoshea ii maan zawk a kum kua a phak kumin Assyria te ii kumpilianpa in Samaria suan hi, Israel te thongtaak tu in ciapui a, tuate sung pan pawlkhat sia Halah khuapi ah, pawlkhat sia Gozan ngamkhen sung Habor Ngun hui ah, tuaciang pawlkhat sia Media te khuapite ah teangsak hi.

Isaiah 27:11

Thingbaakte kongaw in taltan a, numeite in thingkang tu in tom uh hi. Banghang ziam cile mihingte in bangma tel ngawl ahikom amate a Bitphuapa Pathian in amate khuangai huai sa ngawl tu a, hesuakna lak ngawl tu hi.

Hosea 1:8

Gomer in a tanuno noai a tensak zawkciang ama nau paai kik a, tapa dang khat nei hi.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

Hosea 2:4

A tate tungah hesuakna ka nei buatu hi; amate a maizum maw pumpi kizuak nu ii tate ahi hi. Ama mama in, “Ka lawmpate kungah ka pai tu a — amate in an le tui, samul puan le pat puan, olive thau le sapittui hong pia tu hi,” ci hi.

Amos 7:8

Ama in, “Amos awng, bang na mu ziam?” ci in kei hong dongh hi. “Teena khaukhai khat” ci in ka zo hi. Tuaciang ama in “Ka mite khaukhai bangin a tang ngawl pang khat taw a kiban hunlam lakna in hi teena khaukhai ka zangh hi. Amate daan ka piak tu huvau ka thin ka kheal kik buatu hi.

Amos 9:8

Keima, Vaanglianpipa Topa in, hi a maw a khial Israel kumpi ngam ka encik nginge a, lei mai panin ka susia tu hi. Ahihang Jacob suan le paalte theampo ka susia buatu hi.

1 Peter 2:10

Hun khat lai in, note sia Pathian mite na hi bua uh hi, ahihang tu in ama mite na hi uh hi; hun khat lai in, Pathian ii hesuakna na he bua uh hi, ahihang tu in ama ii hesuakna na saang zo uh hi.