Hosea 1:11 - Syin Chin Bible

¹¹ Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Hosea 1:11 Iomraidhean Croise

Psalm Late 110:3

Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

Jeremiah 30:21

Amate a uk tu sia amate ii minam sung pan ma in hong pai tu a, amate ii kumpitapa sia a minam sung pan ma in hong pai tu hi. Ka sam ciang ama in kei hong zuan tu hi, banghang ziam cile sam ngawlin akua hong pai ngam tu ziam? Amate sia ka mite hi tu uh a, keima in amate ii Pathian ka hi tu hi. Keima, Topa in ka son zo hi,” ci hi.

Jeremiah 30:3

banghang ziam cile Israel le Judah ka mite a ngam ka piak kik tu hun hong theng tu hi. A taanghpupite tungah ka piaksa ngam ah ka heak kik sak tu a, amate in tua ngam tang kik tu uh hi. Keima, Topa in ka son zo hi,” hong ci hi.

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Jeremiah 31:33

Israel mite taw ka vawt tu thuciamna thak sia hi bang hi tu hi: amate sung sangah ka thukham ka koi tu a, a lungtang tungah tuate ka at tu hi. Keima in amate ii Pathian ka hi tu a, amate sia ka mite ahi tu uh hi.

Jeremiah 32:37

Ka thin uuk, ka thinsona taw in ka thethaangna ngamte theampo pan mihingte ka kaikhawm tu hi, hi munah ka ciapui kik tu a, ngam muang in ka teangsak tu hi.

Jeremiah 50:19

Israel mite a ngam ah ka teangsak kik tu hi. Amate in Carmel mual tung le Bashan ngam sungah a ciin ante ne tu uh a, Ephraim le Gilead ngamte sungah a piang ante theampo a du bangin in ne tu uh hi.

Ezekiel 39:25

Vaanglianpipa Topa in, “Ahihang tu in Jacob suan le paal Israel mite ka hesuak tu a, ka nuamsasak kik tu hi. Ka min thiangtho ka sungsia tu hi.

Hosea 2:1

Tua ahikom na Israel mipuite sia, “Pathian ii mite” le “Topa ii a it mite” ci vun.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Romete 11:15

Banghang ziam cile amate tuabangin a kinial ciangin leitung mihing dangte Pathian ngal dinmun panin, Pathian lawmte cina dinmun ah theng uh hi. Amate a kisaan ciangin bangbang hi tu ziam? A thite atu in nuntakna suak tu hi.