Hosea 1:10 - Syin Chin Bible

¹⁰ Israel mite a kisim zo ngawl, a kitee zo ngawl tuipi sen za bang suak tu hi. Tu in Pathian in amate mun ah, “Note ka mite hi ngawl nu hi,” ci hi, ahihang, “Note sia a nungta Pathian ii tate hi nu hi!” a ci ni hong theng tu hi.

Hosea 1:10 Iomraidhean Croise

Pianciilna 13:16

Suan le paal tam mama kong pia tu a, kuama in sim siat zo ngawl tu hi; tua sia sim tu sia leitung ah leivui theampo sim siat tu ol zaw tu hi!

Pianciilna 22:17

na suan na paalte van ah aksi za, tuipivaal senvui za in tam mama ka phasak tu hi, ci in kamciam kong pia hi. Na suan na paalte in a ngalte zo tu uh hi.

Pianciilna 32:12

Nangma in na ma kong vangsak tu a, tuipivaal senneal za in a tam, kuama sim zawk ngawl za dongin suan le paal kong pia tu hi, ci in nong kamciamnate phawk kik in,” ci hi.

2 Samuel 7:24

Nangma in Israel te a tawntungin nangma mi na suaksak a, Topa awng, tuaciang nangma sia amate ii Pathian suak zo ni hi.

Isaiah 43:6

Saksangte tungah amate paisak vun ka ci tu a; thangsang te tungah amate khaktan heak vun ka ci tu hi. Ngam khuala na pan le leitung mun theampo panin ka mite heak kik tahen.

Isaiah 48:19

Na suan na paalte senneal za in tam tu a, keima in amate a kisusia ngeingawl tu in ka vawt tu hi,” ci hi.

Isaiah 63:16

Nangma in kote pa na hi hi. Ka taanghpupi Abraham le Jacob te in ko hong thusim ngawl uh hi, ahihang Topa, kote hong suatak tawntung pa, nangma in kote pa na hi hi.

Isaiah 64:8

Ahizong Topa awng, nangma in kote Pa na hi hi. Kote in tungman bang hi a, nang in beal seakpa bang na hi hi. Nangma in kote nong bitphua a,

Isaiah 65:1

Topa in, “Keima in ka mite ii thu ngetnate zo tu in a kinging sa in om zo napi, amate in thu ngen ngawl uh hi. Amate ii hong mu thei tu in om zo napi, amate in zon tu zongh hong sawm bua uh hi. ‘Hi lai ah om khi hi; hong hu tu khi hi!’ ci in a zo paih tu in om nginge zo napi, ka mite in ka tungah thu hong ngen bua uh hi.

Isaiah 66:20

Amate na Israel mipuite theampo sia hi ngamte pan keima kungah letsong in hong puak kik tu uh hi. Israel mite in biakpiakna antangte sia biakna taw kisai bung thiangthote taw Biakinnpi ah hong paipui bangma in, amate in na ngammipuite sia siphu, laa, kalaoh le siphu ngalleangte le khui leangte tungah pua in ka mual thiangtho Jerusalem ah hong paipui tu uh hi.

Jeremiah 33:22

Van ah aksite le tuipivaal ah sennealte a kisim zawk ngawl bangma in amate phakza sim zawk ngawl ahi natu in keima in ka naseampa David ii suan le paalte le Levi minam sung panin thiampite ka pungsak tu hi,” hong ci hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Hosea 1:9

Topa in Hosea mun ah, “A min ‘Ka mi hi ngawl’ (Lo-Ammi ) ci in phuak in, banghang ziam cile Israel mite sia ka mi hi ngawl a, tuaciang kei sia amate ii Pathian ka hi bua hi,” ci hi.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

John 1:12

Ahizong pawlkhat in ama saangin um uh hi; tua ahikom ama in tuate tungah Pathian ii tate sua thei natu thupia hi.

Romete 8:19

A kibitphua sa theampo in Pathian ii tate sia akua bang teng hi tu ziam ci in hong kilaak tu kaal ngakla in om uh hi.

2 Corinth te 6:18

Vaanglianbel Topa in, Keima in note ii Pa kong hi tu a, note sia ka tapate le ka tanute na hi tu uh hi, ci hi,” a ci hi.

Hebrew te 11:12

Abraham sia a thithi ma hi zo napi, hi pasal khat ii a suan le a paal sia van a aksi za le tuipivaal ah a kisim zo ngawl senvui za ahi hi.