Hosea 1:1 - Syin Chin Bible

¹ Hisia in Kumpi Uzziah, Jotham, Ahaz le Hezekiah te Judah ngam ah kumpi in a maan hun le Jehoash tapa Jeroboam Israel kumpi in a maan hun a, Beeri tapa Hosea tungah Topa ii piak thupuak ahi hi.

Hosea 1:1 Iomraidhean Croise

2 Kumpite 13:13

Jehoash thi a Samaria khua kumpi thaan ah kiphum a, a tapa Jeroboam II in a kumpi za laih hi.

2 Kumpite 14:16

Jehoash thi a, ama sia Samaria khua kumpi thaan ah kiphum hi, tuaciang a tapa Jeroboam II in ama ii kumpi za laih hi.

2 Kumpite 14:23

Judah te kumpipa Joash ii tapa Amaziah maan zawk a kum sawm le kum nga kum in Jehoash ii tapa Jeroboam sia Israel te ii kumpipa suak hi, tuaciang ama in Samaria pan kum 41 sung uk hi.

2 Kumpite 15:32

Remaliah ii tapa Pekah ii Israel kumpi in a maan zawk a kum nii kumin Uzziah ii tapa Jotham sia Judah te kumpipa suak hi,

2 Kumpite 15:5

Topa in Uzziah sia a kiitakhuai vun natna taw vaat a, a thi dong tua natna vei hi. Ama in ama ii aituam inn khat ah teang a, a vaipuak theampo kipengsakin, a tapa Jotham in ngam uk hi.

2 Kumpite 15:7

Uzziah thi a, David ii khuapi sung kumpi thaan ah kivui a, a tapa Jotham in a kumpi za laih hi.

2 Khangtaanghthu 27:1

Jotham sia kum 25 a phakin kumpi suak a, Jerusalem pan kum sawm le kum luk sung uk hi. A nu sia Zadok ii tanu Jerushah ahi hi.

2 Khangtaanghthu 28:1

Ahaz sia kum kul a phakin kumpi suak a, Jerusalem pan kum sawm le kum luk sung uk hi. Ama in a taanghpupi David kumpipa ii ngamtatna phate zui ngawl a, Topa diksak ngawlte vawtin,

2 Khangtaanghthu 29:33

amate in mipite neak tu in sangaw biakpiakna in khuital 600 le tuu 3,000 zongh paipui uh hi.

Isaiah 1:1

Hi laibu sungah, Amoz ii tapa Isaiah tungah Judah kumpite ahi Uzziah, Jotham, Ahaz le Hezekiah te hun lai in Judah le Jerusalem huvau Pathian pualaak thute kihel hi.

Isaiah 7:1

Jotham ii tapa, Uzziah ii tupa ahi, Ahaz kumpipa in Judah ngam a uk lai in ngal piang hi. Syria kumpipa Rezin le Israel te kumpipa Remaliah ii tapa Pekah in Jerusalem khua sim a, ahihang la zo ngawl hi.

Jeremiah 1:2

Amon ii tapa Josiah sia Judah kumpi a sua zawk kum sawm le kum thum a cin kum in Topa in Jeremiah paupui hi,

Jeremiah 1:4

Topa in kei tungah,

Ezekiel 1:3

Chebar ngunhui tua Babylon ngamah, Topa hong paupuina ka za a, ama ii vaangletna ka phawk hi.

Joel 1:1

Hi sia in Pethuel tapa Joel tungah Topa ii thupuak ahi hi.

Amos 1:1

Hite sia Tekoa khua pan tuu cingpa khat ahi Amos ii kammalte ahi hi. Judah kumpi in Uzziah maang a, Israel kumpi in Jehoash tapa Jeroboam a khan hun, zinliin ma kum nii lai in, Pathian in Amos tungah Israel huvau hi thute theampo lak hi.

Jonah 1:1

Ni khat ni in Topa in Amittai tapa Jonah paupui hi.

Micah 1:1

Judah kumpite ahi Jotham, Ahaz le Hezekiah te ii maan laitakin Moresheth khua mi Micah tungah Topa in hi thupuak pia hi. Samaria le Jerusalem taw kisai in Micah tungah Topa in hi thu teng pualaak hi.

Zechariah 1:1

Persia kumpilianpa Darius maan zawk a kum niina, a tha liat tha sungah Topa in Iddo tupa, Berechiah tapa kamsaangpa Zechariah tungah hi thu pia hi.

John 10:35

Laithiangtho ii ci sia a tawntungin maan hi, ci in ih he hi; tuaciang Pathian ii thupuak a nga tua mite sia ‘pathiante’ ci hi.

Romete 9:25

Hi thu in Hosea laibu sungah a son teng ahi hi, “Ka mihing ahi ngawlte ‘keima ii mihing’ ka ci tu hi. Ka it ngawl minamte sia ‘ka itte’ awng ka ci tu hi.

2 Peter 1:21

Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.