Haggai 2:9 - Syin Chin Bible

⁹ Biakinnpi thak in a lui sia sangin nasia zaw tu hi, tuaciang tualai ah ka mite maa vanna le kilemna ka pia tu hi,” cisak hi. Vaanglianbelpa Topa in son zo hi.

Haggai 2:9 Iomraidhean Croise

Isaiah 60:7

Kedar le Nebaioth te ii tuute theampo biakpiakna in nang kungah hong kipuak tu a, Topa lungkim natu in biaknatau tungah kipia tu hi. Topa in a Biakinnpi sia minthangsak seseam tu hi.

Isaiah 66:12

Topa in, “Tawntung nopsakna kong pia tu hi; a kang ngeingawl nguntui bangin minamte ii haunate note kungah hong luang tu hi. Note sia a nu ii a op, a kaang tungah a toai, a itna taw a ou tano khat taw na kibang tu uh hi.

Ezekiel 43:5

Topa ii thaa in kei hong laamto in, a suum sungnung ah hong paipui a, tua munah Biakinnpi sia Topa vaangletna taw kidim ka mu hi.

Micah 5:5

ama in kilemna puak tu hi. Assyria te in ih ngam hong sim a, ih ngalnanna kulh le taapte hong kaantan ciang, amate do tu in a hatbel ih lampuite ih puak tu hi.

Haggai 1:8

Tu in mual tungah kaato tavun a, inn thingte la in Biakinnpi sa kik vun; tuasia ciang kei ka lungkim tu a, a kilawm bangin kei hong kibia tu hi.

Haggai 2:3

“No sungah mihing khat po in Biakinnpi bangza in nasia ngei kana ziam ci sia a ciamtee lai na om uh ziam? Tu in bangbangin na mu uh ziam? Tu a sia, son thamman ngawl bang hi nanak tha tu hi.

Zechariah 2:5

Topa in khuapi huu tu in ama mama khuapi kiimkot a mei luphung khat hi tu a, ama tua munah a vaangletna theampo taw a teang tu in kamciam pia zo hi va ci ta'n,” ci hi.

Luke 2:14

“Van a saangbelna ah Pathian minthang tahen, ama ii dik a sak leitung mihingte tungah thinnopna om tahen!” ci uh hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

James 2:1

Ka suapuite awng, a minthang Topa, ih Topa Jesus Christ thu umte na hi uh bangma in, a puasang omzia etna taw kuama doidan ngei heak vun.