Haggai 2:4 - Syin Chin Bible

⁴ Ahizong tu in note khat zongh thinkiam heak vun. Na seam vun banghang ziam cile no taw keima kong omkhawm hi.

Haggai 2:4 Iomraidhean Croise

2 Samuel 5:10

Ama thahat vaial tawntung hi, banghang ziam cile Vaanglianbelpa Topa Pathian ama taw omkhawm hi.

1 Khangtaanghthu 22:13

Topa ii Israel te atu in Moses tungah a piak thukhamte theampo na zui le zawna nga tu ni hi. Citakin kimuang in a, bangma in patausak heak in.

1 Khangtaanghthu 28:20

David kumpipa in a tapa Solomon tungah, “Kimuang in na thin takkha in. Nasep kipan in a, bangma in khaktansak heak in. A na ka sep Topa Pathian sia nang taw hong omkhawm tu hi. Ama in nang hong nusia ngawl tu a, ama Biakinnpi nasep teng na man dong nang taw hong omkhawm tu hi.

Ezra 10:18

Hi sia in ngamdang zinei pasalte tepteena hi: Joshua le a suapuite ii bee le phung pan Jehozadak ii tapate: Maaseiah, Eliezer, Jarib le Gedaliah te ahi hi.

Ezra 5:2

Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Haggai 1:13

Tuasia ciang Haggai in hi Topa thupuak sia mipite tungah son hi: “Note taw kei kong omkhawm tu hi, ci in kong kamciam hi,” ci hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.

Zechariah 8:9

“Hangsan vun! Ka Biakinnpi sa kik tu in, a tawdap a kipha lai hunin kamsaangte pau kammal teng ma, tu in na za uh hi.

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

Sawltakte 7:9

“Jacob tate in a suapui Joseph sia eang uh a, Egypt ah sila in na zuak uh hi. Ahihang ama taw Pathian omkhawm hi.

1 Corinth te 16:13

Pilvang in om vun, upna sungah kho takin ding vun, hang vun a thahat vun.

Ephesus te 6:10

A khakbel in, Topa taw kikopna pan le ama ii vaangletna lianpi taw na thahat tavun.

Thuhil kikna 31:23

Tua zawkciang Topa in Nun tapa Joshua a paupuina sungah, “Kimuang in a, na thin khosak in. Ka khapsa ngam sungah Israel mite lam na pui tu a, nangma taw kong omkhawm tu hi,” ci hi.

2 Timothy 2:1

Ka tapa awng, nang na hi le, Jesus Christ taw ih kikopna tungtawnin ih nga thuthiamna hangin thahat in.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Joshua 1:6

Na thin khosak in a kimuang in, banghang ziam cile a taanghpupite tungah ka kamciamsa hi ngam le lei a laak uh ciang hi mite ii lampui pa na hi tu hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Thukhente 2:18

Israel te tungah Topa in lampui khat a piak simin, tua lampui pa ii nuntak lai teng Topa in ama hu a, mite sia ngalte khut sung pan hung hi. Nenniamna le ngim thuakna taw a tau hu in Topa in amate hesuak hi.

1 Samuel 16:18

Ama a cingte khat in, “Bethlehem khua mi Jesse in music a thiam tapa khat nei hi. Ama sia a hang, a mealpha, ngalkap pha khat hi a, thu son thiam khat zongh ahi hi. Topa sia ama taw omkhawm hi,” ci uh hi.