Haggai 2:21 - Syin Chin Bible

²¹ Judah ngamuk mangpa Zerubbabel atu in puak hi: “Keima in van le lei lok tu in kithoai khi hi,

Haggai 2:21 Iomraidhean Croise

1 Khangtaanghthu 3:19

Pedaiah in tapa nii nei in, Zerubbabel le Shimei te ahi uh hi. Zerubbabel sia tapa nii ahi, Meshullam le Hananiah te le tanu khat ahi Shelomith te ii pa ahi hi.

Ezra 2:2

A lampuite sia Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum le Baanah te ahi uh hi. Hisia saltanna pan a ciakik Israel bee le phungte sung pan a bee a phung zui in mi phaza tepteena ahi hi.

Ezra 5:2

Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.

Psalm Late 46:6

Minamte lau uh a, kumpi ngam liinglawng hi. Pathian aw ngingin, tuaciang leitung tuitham hi.

Ezekiel 21:27

Siatna, siatna vive! Hi hi, khuapi sia ka siacipsak tu hi. Ahihang khuapi daan a pia tu in ka teal pa hong pai mateng hi thu a piang buatu hi. Ama tungah tua nasep ka pia tu hi.

Ezekiel 26:15

Vaanglianpipa Topa in Tyre tungah, hi bang teng ci nop nei hi: “No hong kizawthal ciang, tuipi vaalbo ah a teang mihingte in a kithatte ii ciik auna aw a zaak uh ciang lau vadil tu uh hi.

Joel 3:16

Zion mual pan Topa hawk hi; Jerusalem pan a aw vanto bangin nging a; van le lei liing hi. Ahihang ama in a mite sungsia tu hi.

Haggai 1:1

Darius ii Persia kumpilian a sep zawk a kum niina kum, a tha luk tha, ni masabel ni in Topa in kamsaangpa Haggai tungtawnin thu son hi. Shealtiel tapa Judah ngamukmangpa Zerubbabel atu le Jehozadak ii tapa Thiampi Lianbel Joshua atu in thupuak ahi hi.

Haggai 1:14

Topa in Biakinnpi sak tu vai mi theampo thawn hi: Judah ngamuk mangpa Zerubbabel; Thiampi Lianbel Joshua, le saltanna pan hong ciakik mite theampo ahi hi. Amate ii Vaanglianbel Topa, a Pathian Biakinnpi ah a nasep kipat ni sia,