Haggai 2:16 - Syin Chin Bible

¹⁶ ansaal khat ah an kilogramme za nii mu tu in muangmaw a, na pai uh hang kilogramme za khat bek om hi. Bung khat sung pan sapittui litre zakhat duup tu in na pai uh hang sawmli bek om hi.

Haggai 2:16 Iomraidhean Croise

Isaiah 5:10

Sapitkung hectare sawm ciinna leitang in sapittui litre liat bekma piangsak tu hi. Anci litre za le sawm liat in vaimim litre sawm le liat bek piangsak tu hi,” a ci ka za zo hi.

Jeremiah 48:33

Lungdamna le thinnopna sia Moab ngam leiphana panin kila zo hi. Sapit ngoaina panin sapittui a luan ka tawpsak hi; sapit um a lungdam in a au tu kuama om ngawl hi.

Haggai 1:6

Thaicii tam mama na tu uh a, ahizong an tawm bek na la uh hi. Anneak tawm tu na nei uh a, ahizong na khamkhop tu na nei bua uh hi. Sapittui neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Tuaciang naseam khat in a nuntak khom natu thalaw zo ngawl hi.

Haggai 2:15

Topa in “No tungah hong piangsate mu thei ngawl nu ziam? Biakinnpi na sakkik ma in,

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.