Haggai 1:9 - Syin Chin Bible

⁹ “Anlaak tu tam mama na lamen uh a, ahizong tawm bek piang hi. Tuaciang an laakte na ciapui uh ciang kong muutkeaksak hi. Banghang tuabang vawt khi ziam? Banghang ziam cile note mi sim in ama inn vawtin a komlaak laitakin ka Biakinnpi a siacip sa in om hi.

Haggai 1:9 Iomraidhean Croise

2 Samuel 21:1

David ii kumpi in a maan hunsungin kum thum sitset kialpi nasia khat tung hi. Tua hi a, David in Topa munah tuasia thu a dok ciang, Topa in, “Saul le a bangkua in mihing that mawna vawt hi; ama in Gibeon mite thatlum hi,” ci hi.

2 Samuel 22:16

Topa in a ngalte a teih ciang le a thin uukin a hawksan ciangin, Tuipi ii tawdap kihawk a, leitung ii tawdap kilawt hi

2 Kumpite 19:7

Topa in kumpilianpa sia a ngam ah a ciakik natu kamleang khat zasak tu hi, ama tua munah kithat lumsak tu hi, ci in Topa in nang hong son hi,” ci in zo kik hi.

Job 10:2

Hong puavawk heak in Pathian awng. Kei nong mawsakna a bang hi thong ziam? Hong son ta'n!

Paunakte 11:24

Mihing pawlkhat sia a sum uh zangh vapeak a hau vaial hi. A dangte sia kidawm in zangh hi napi zawng vaial hi.

Paunakte 27:20

Mihingte ii deina sia mithi khua bang ahi hi — a tamzaw lai te atu mun awng om tawntung hi.

Thuhilsya 1:8

Na theampo in hong thinngimsak a, thinngimna sia kam taw son zawk hi ngawl hi. Ih mittang in a mu cim thei ngawl a, bil in a zaak cim ngeingawl hi.

Isaiah 40:7

Topa in tuate vui in a seamsak ciang lopate kongaw in paakte vul hi. Mihingte sia lopate sangin thuak zo zaw tuan ngawl hi.

Isaiah 5:10

Sapitkung hectare sawm ciinna leitang in sapittui litre liat bekma piangsak tu hi. Anci litre za le sawm liat in vaimim litre sawm le liat bek piangsak tu hi,” a ci ka za zo hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Ezekiel 21:31

Ka thin uukna meikuang leang bangin kong tha ciang note in na phawk tu uh hi. Suksiat zia a thiam mihing cizat nei ngawl te tungah nang kong aap tu hi.

Thiampite 19:25

Ahizong a kum ngana ciang tua thingnga ne thei tu nu hi. Tuabang na hi uh le na thingno te in nga tamzaw nga tu hi. Keima in Topa na Pathian ka hi hi.

Haggai 1:4

“Ka mite awng, ka Biakinnpi a siacip sa in a om laitakin pha tak a kisa innte sungah banghang teang tu nu ziam?

Haggai 1:6

Thaicii tam mama na tu uh a, ahizong an tawm bek na la uh hi. Anneak tawm tu na nei uh a, ahizong na khamkhop tu na nei bua uh hi. Sapittui neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Tuaciang naseam khat in a nuntak khom natu thalaw zo ngawl hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

Thuhil kikna 28:38

“Thaici tam mama na ciing tu hi, ahizong tawm bek na la tu uh hi, banghang ziam cile na lo ante sia khaumawte in ne tu hi.

Thupualaakna 2:4

Ahihang note kong mawsakna khat sia hi thu ahi hi. A masa a nong it uh bangin, tu in kei nong it nawn bua uh hi.

Thupualaakna 3:19

Ka it te a vekpi in, teihin daan ka pia hi. Tua ahikom na thin takpi taw in, na mawnate pan kisiik kik in.