Haggai 1:6 - Syin Chin Bible

⁶ Thaicii tam mama na tu uh a, ahizong an tawm bek na la uh hi. Anneak tawm tu na nei uh a, ahizong na khamkhop tu na nei bua uh hi. Sapittui neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Tuaciang naseam khat in a nuntak khom natu thalaw zo ngawl hi.

Haggai 1:6 Iomraidhean Croise

2 Samuel 21:1

David ii kumpi in a maan hunsungin kum thum sitset kialpi nasia khat tung hi. Tua hi a, David in Topa munah tuasia thu a dok ciang, Topa in, “Saul le a bangkua in mihing that mawna vawt hi; ama in Gibeon mite thatlum hi,” ci hi.

1 Kumpite 17:12

Ama in, “Anluum nei ngawl het khi hi ci in a nungta Topa na Pathian min taw ka kiciam ngam hi. Ka nei theampo sia kuang sungah anvui khut hum khat le thawl sungah olive thau tawmcik bek hi. Hi sungah kong pai sia thing tawm tom a ciapui in, ka nei sun teng ka tapa le keima neak tu in vawt tu khi hi. Tuasia koma an neak khakbel hi tu a, tua zawkciang pukthi tu khu hi,” ci hi.

Nehemiah 5:2

Pawlkhat in, “Ko innkuan liante in nuntak natu antang ka kisamh uh hi,” ci hi.

Job 20:22

A daupai bel laitakin thinngimna takngimna theampo in sukhuanin zawmcip tu hi.

Job 20:28

Ama ii nei le lamh theampo Pathian thin uukna tuipawm sungah kisiasak tu hi.

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Paunakte 11:24

Mihing pawlkhat sia a sum uh zangh vapeak a hau vaial hi. A dangte sia kidawm in zangh hi napi zawng vaial hi.

Isaiah 5:10

Sapitkung hectare sawm ciinna leitang in sapittui litre liat bekma piangsak tu hi. Anci litre za le sawm liat in vaimim litre sawm le liat bek piangsak tu hi,” a ci ka za zo hi.

Jeremiah 12:13

Ka mite in zungtaang ciing uh a, ahihang lopa bek kaikhawm uh hi; amate nasep hanciam mama ahi uh hang bangma nga ngawl uh hi. Ka thin a uuk mama hu in a ankungte sia hi,” ci hi.

Jeremiah 14:4

Nguazu ngawl ahikom leiko ngawp a, lothote lungmang mama in, a mai uh seal hi.

Jeremiah 44:18

Ahihang Vantung Kumpinu tungah sangaw biakpiakna nei nawn ngawl a, biakpiakna sapittui ka buak nawn ngawl uh hun pan kipan bangma ka nei nawn bua uh hi, ka mite sia ngal le kialpi taw in thi uh hi,” hong ci uh hi.

Hosea 4:10

Note in sangaw biakpiakna pan, na satel te ne tu na hi uh hang na ngil uh kial veve tu hi. Ta nei theina pathiante bia tu na hi uh hang ta na nei tuan buatu uh hi, banghang ziam cile note in pathian dangte nungzui tu in kei nong nung ngat zo uh hi,” ci hi.

Hosea 8:7

Amate in vuipi thaicii a poai ciang, vuipi suangval at tu hi! A min ngawl lo ante in bangma hun anluum piangsak thei ngeingawl hi. A piangsak hial zong, ngamdangmite in netum tu hi.

Thiampite 26:20

Hanciam in na nasepna theampo a luithawthong hi tu hi, banghang ziam cile na leitang pan an piang ngawl tu a, thingnote a nga nga ngawl tu hi.

Thiampite 26:26

Nupi sawm ii a nei anluum theampo a em natu sia anluum emna khat bek a kisap natu zaa dongin na anneak nga natu kong khaktan tu hi. Amate in hong hawmsak tu uh a, na neak zawk uh ciang ngawngawn in na ngilkial lai tu uh hi.

Haggai 1:10

Tua hu in nguazu ngawl a, bangma po thei ngawl hi.

Haggai 1:5

No tungah bang thupiang cisia mu ngawl nu ziam?

Haggai 1:7

Hisia a pian theina thu he ngawl nu ziam?

Haggai 1:9

“Anlaak tu tam mama na lamen uh a, ahizong tawm bek piang hi. Tuaciang an laakte na ciapui uh ciang kong muutkeaksak hi. Banghang tuabang vawt khi ziam? Banghang ziam cile note mi sim in ama inn vawtin a komlaak laitakin ka Biakinnpi a siacip sa in om hi.

Haggai 2:16

ansaal khat ah an kilogramme za nii mu tu in muangmaw a, na pai uh hang kilogramme za khat bek om hi. Bung khat sung pan sapittui litre zakhat duup tu in na pai uh hang sawmli bek om hi.

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Zechariah 5:4

Vaanglianbelpa Topa in tua haamsiatna ka tungsak tu a, tuasia in nguta pawpo ii inn le, kiciamna taw leilot thuson pawpo ii inn te sungah tum tu hi ci hi. Tua haamsiatna sia amate inn sungah teang tu a, tua innte a lalcipsa in kinusia tu hi,” hong ci hi.

Zechariah 8:10

Tua hun masia in kuama in mihing ahizong nganhing ahizong tha cial zo ngawl a, a ngalte kung pan kuama ngammuang ngawl hi. Mihingte khat le khat ka kilangpansak hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

Thuhil kikna 28:17

Topa in na lo ante le tuate sung pan na vawt uh ante haamsiat tu hi.