Haggai 1:2 - Syin Chin Bible

² Vaanglianbel Topa in Haggai tungah a cina pan, “Hi mite in tu hun sia Biakinnpi sakkik natu hunpha hi ngawl hi, ci uh hi.”

Haggai 1:2 Iomraidhean Croise

2 Kumpite 12:7

Tua ahikom ama in Jehoiada le a dang thiampite samin, “Banghangin Biakinnpi puua ngawl nu ziam? Tu pan kipan sum na saan uhte noma keam nawn ngawl tu nu hi; Biakinnpi puua natu in aap tu nu hi,” ci in sawl hi.

Ezra 4:23

Hi Artaxerxes ii laithak sia Rehum, Shimshai le a pawlpuite tungah a kisim po ciang amate Jerusalem ah manlang takin pai in Jew te khuapi a sakkik sia zawthawk thu taw tawlngasak uh hi.

Nehemiah 4:10

Tuaciang amate in Judah mite ii a nei la khat sia sa uh hi: “Eite vanhngit pua in nasep ngimin ih tha kiam a; Uksuang tawng tua tu tam mama hi. Tuni in bangbang luphung ciang zo tu hi ziam?”

Paunakte 22:13

Pasal datham pa in inn veu ah om hi; pusuak leng tawpi in hong man thei tha tu hi ci hi.

Paunakte 29:25

Midangte ii nang hong ngaisutnate thin nopmawkin na nei tu sia lauhuai hi, ahizong Topa na muang le ngammuangin na om tu hi.

Thuhilsya 11:4

Vuite le khuahunte a phat dong ngakin na om le bangma hunin an na ciing ngei buatu a, bangma hunin an na la ngei buatu hi.

Thuhilsya 3:3

thalup tu hun le damsak tu hun, phelthap tu hun le sakto tu hun ciangtan hi.

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Haggai 1:1

Darius ii Persia kumpilian a sep zawk a kum niina kum, a tha luk tha, ni masabel ni in Topa in kamsaangpa Haggai tungtawnin thu son hi. Shealtiel tapa Judah ngamukmangpa Zerubbabel atu le Jehozadak ii tapa Thiampi Lianbel Joshua atu in thupuak ahi hi.

Haggai 1:3

Tua zawkciang Topa in kamsaangpa Haggai tungtawnin hi thu teng mite tungah pia hi:

Mi Simna 13:31

Ahizong Caleb taw a paikhawm pasalte in, “Hi ngawl hi, amate sim tu in ih thahat tham ngawl hi; eite sangin tualai ah a om mite thahat zaw hi,” ci uh hi.