Haggai 1:13 - Syin Chin Bible

¹³ Tuasia ciang Haggai in hi Topa thupuak sia mipite tungah son hi: “Note taw kei kong omkhawm tu hi, ci in kong kamciam hi,” ci hi.

Haggai 1:13 Iomraidhean Croise

1 Khangtaanghthu 28:20

David kumpipa in a tapa Solomon tungah, “Kimuang in na thin takkha in. Nasep kipan in a, bangma in khaktansak heak in. A na ka sep Topa Pathian sia nang taw hong omkhawm tu hi. Ama in nang hong nusia ngawl tu a, ama Biakinnpi nasep teng na man dong nang taw hong omkhawm tu hi.

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

2 Khangtaanghthu 20:17

Note in hi ngal do kul ngawl tu hi. Panmunte la po vun a, ngak vun; Topa ii zawna hong piak na mu tu uh hi. Judah mite le Jerusalem mite awng, haisaang heak vun a lau heak vun. Ngalsim tu in kuan vun, Topa in note hong ompui tu hi!” ci hi.

2 Khangtaanghthu 32:8

Ama in mihing thahatna nei ahihang eite in hong hu tu le ih ngalte hong simsak tu in Topa ih Pathian kinei hi,” ci hi. A kumpipa ii hi kammalte in mite hanthawn hi.

Psalm Late 46:11

Vaanglianbelpa Topa in ei taw hong omkhawm hi. Jacob ii Pathian sia ih bukna ahi hi.

Psalm Late 46:7

Topa, Vaanglianbelpa in ei taw omkhawm hi; Jacob ii Pathian sia ih bukna ahi hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Isaiah 42:19

Ka naseampa sang khuamu ngawl zaw khat po, kamtai in ka sawlpa sangin nangong zaw khat po a om ziam?

Isaiah 43:2

Tui thukte na kaantan ciang, nang taw kong omkhawm tu hi; ngim na thuaknate in hong zo zo ngawl tu hi. Meikuang na kaantan ciang, na kaangh buatu hi; na thuak haksatnate in nang hong nasak ngawl tu hi.

Isaiah 44:26

Ahihang ka naseampa in thuson kholna khat a nei ciang, ka ngealnate pualaak tu in, kamtai khat ka puak ciang tua ngealnate le sonkholnate ka taangtungsak hi. Jerusalem ah mite teang kik tu hi ci in Jerusalem tungah ka son a, Judah ngam khuapite kisa kik tu hi ci in Judah ngam khuapite ka son hi. Tua khuapite sia a siatcipnate sung pan tho to tu hi.

Jeremiah 15:20

Hi mite taw na kizopna ah taau ciitak taw a kivawt khua uumna dal taw kong kibang sak tu hi. Amate in nang hong sim uh hangin hong zo buatu hi. Nang hong dal tu le hong keamcing tu in nang taw kong omkhawm tu hi.

Jeremiah 20:11

Ahihang Topa awng, nangma in keima sangah nong pang a, na thahat in na vaanglian hi, Kei hong vawtsiate sia ngallel tu uh hi. Amate a min kipaansak tawntung tu uh hi, banghang ziam cile amate taangtun zo ngawl hi. Amate ii minpaanna sia kimangil ngeingawl tu hi.

Jeremiah 30:11

Note kungah kong pai tu a kong ngum tu hi. Kong thethaangna ngammite theampo ka susia tu a, ahihang no kong susia buatu hi. Daan thuak ngawlin no kong omsak buatu hi; ahihang daan kong piak ciang, a kilawm in kong pia tu hi. Keima, Topa in ka son zo hi,” ci hi.

Ezekiel 3:17

Ama in “A thithei mihing awng, Israel minam atu ngalvil khat in nang kong koi tu hi. Kidop natu nang tungah kong piak thute, amate tungah sonsawn tu ni hi.

Haggai 2:4

Ahizong tu in note khat zongh thinkiam heak vun. Na seam vun banghang ziam cile no taw keima kong omkhawm hi.

Malachi 2:7

Pathian a maan bang a heak takpi natu in hilna sia thiampite vaipuak ahi hi. Mite in amate kungah pai in ka deina a sin kul hi, banghang ziam cile amate sia Vaanglianbelpa Topa ii kamtaite ahi uh hi.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

Matthew 18:20

Banghang ziam cile ka min taw nii le thum kikhopna sungah amate taw ka omkhawm hi,” ci hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

2 Corinth te 5:20

Tua ahiciang hi sungah kote Pathian ma in kote tungtawnin note tungah hong thuum bangma in Christ atu in thuson ka hi uh hi. Christ ii taangin kong thuum uh hi: Pathian in a ngalte na hina uh pan, a lawmte hong suaksak tahen!

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

2 Timothy 4:22

Topa sia nangma ii thaa taw hong om tahen. Pathian ii thuthiamna sia note theampo taw hong om tahen.

Thukhente 2:1

Topa ii vantunglalang sia Gilgal pan Bochim ah pai a, Israel te munah, “Egypt ngam panin no kong lakhia a, na taanghpupite tungah ka kamciamsa leitang tungah kong then hi. ‘Nang taw ka thuciamna ka peal ngei buatu hi.