Haggai 1:12 - Syin Chin Bible

¹² Tua zawkciang Zerubbabel, Joshua le Babylon ngam saltanna pan hong cia kik theampo in Topa a Pathian sawl bangin vawt uh hi. Amate lau ahiciang, Topa ii kamtaipa, kamsaang Haggai thu ni uh hi.

Haggai 1:12 Iomraidhean Croise

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Ezra 10:18

Hi sia in ngamdang zinei pasalte tepteena hi: Joshua le a suapuite ii bee le phung pan Jehozadak ii tapate: Maaseiah, Eliezer, Jarib le Gedaliah te ahi hi.

Ezra 5:2

Shealtiel ii tapa Zerubbabel le Jehozadak ii tapa Joshua te in a thusonte a zaak uh ciang Jerusalem Biakinnpi sakkik kipan a, kamsaangte nii in hu uh hi.

Psalm Late 112:1

Topa pok vun! Topa zakta a, a thupiakte zui tu nuam a sa sia in mihing lungdam ahi hi.

Paunakte 1:7

Heakna na nei natu in Topa thasiana na nei phot kul hi. Mihing mawmawte in ciimna awlmawk ngawlin kan nuam ngawl hi.

Thuhilsya 12:13

Hite theampo zawkciang son tu thu khat bek om lai hi: Pathian thasia in a, a thupiakte ni in, banghang ziam cile hite theampo sia mihing a kibitphuana thu ahi hi.

Isaiah 1:19

Keima thu bek nong ni uh le lei pan a piang a pha nate na ne tu uh hi.

Isaiah 50:10

Topa zakta in, a naseampa thu a ni note theampo awng, na paina uh lampi zing tatak tha tu hi, ahihang Topa muangin, na Pathian uh suang vun.

Haggai 1:1

Darius ii Persia kumpilian a sep zawk a kum niina kum, a tha luk tha, ni masabel ni in Topa in kamsaangpa Haggai tungtawnin thu son hi. Shealtiel tapa Judah ngamukmangpa Zerubbabel atu le Jehozadak ii tapa Thiampi Lianbel Joshua atu in thupuak ahi hi.

Haggai 1:14

Topa in Biakinnpi sak tu vai mi theampo thawn hi: Judah ngamuk mangpa Zerubbabel; Thiampi Lianbel Joshua, le saltanna pan hong ciakik mite theampo ahi hi. Amate ii Vaanglianbel Topa, a Pathian Biakinnpi ah a nasep kipat ni sia,

Haggai 2:2

Ama in Haggai tungah Shealtiel tapa Judah ngamuk mangpa Zerubbabel, Thiampi Lianbel Joshua le mite tungah hi bang in sonsak hi,

Sawltakte 9:31

Tuabangin Judea ngam Samaria ngam le Galilee ngam bup ah pawlpite in ngammuang takin om theina hun khat nga hi. Pawlpi sia Topa min thasiana taw a nuntak bangma in Thaa Thiangtho huna tungtawnin, thakho in pawlpi mi khangto hi.

Thuhil kikna 31:12

A kuama po in hisia za thei a, Topa na Pathian a zatak vawt thei natu le ama ii thuhilte thumaan takin a zui thei natu in pa, numei, patang te le noma khuate ah a teang ngamdangmite a vekpi in sam khawm vun.

Thuhil kikna 31:13

Topa na Pathian ii Thukham a za ngeingawl na suan na paalte in hi bangin za tu uh hi. Tuasia ciang Jordan ngun ngalkhat na laak tu ngam sungah a teen laiteng ama thu a nit thei natu in amate in sin tu uh hi,” ci hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;