Haggai 1:11 - Syin Chin Bible

¹¹ Keima in leitang tung — a mualte, anciinna lote, sapithuante, olive ciinnate tung — lei pan a piang an namcin tung, mihingte le ngannote tung, na ciin sa theampo tungah nguatui kong hangsak hi,” ci hi.

Haggai 1:11 Iomraidhean Croise

1 Kumpite 17:1

Gilead ngam Tishbe panin Elijah a kici kamsaangpa in Ahab kumpipa munah, “A na ka sepsak Israel te ii a nungta Pathian, Topa min taw keima in nang tungah kong sonna pan keima ii kong son kik mateng kum nii ahibuale kum thum sung daaitui ahizong, nguatui ahizong hang tu hi,” ci hi.

2 Kumpite 8:1

Tu in Elisha in Shunem ah a teang, a tapa a nuntak kiksak nupinu munah, Topa in kum sali sung a ngei tu kialpi khat a ngam sungah a tunsak natu le ama sia leidang khat ah a innkuanpuite taw pai in a teen tu a kulna thu son hi.

Job 34:29

Pathian in bangma vawt ngawl tu in a khensat hial le zong kuama in ama mawsak thei ngawl hi. Ama in a mai seal le eite ih cimaw tu hi.

Jeremiah 14:2

“Judah kap in om a; a khuapite bo dedek hi, a mite khuangai in lei ah bok uh a, Jerusalem in huna ngenin au hi.

Kaa late 1:21

“Ka tau nate hong ngai ta'n; hong heeneam tu kuama om ngawl hi. Tuasiatna nong thuaksak manin ka ngalte lungdam uh hi. Nong kamciam ni hong thengsak ta'n a; keima thuak bangin ka ngalte thuaksak in.

Amos 5:8

Topa in siluk le zawlzawng aksite vawt hi. Ama in khuazing sia khuavak suaksak a, sun sia zan suaksak hi. Ama in tuipi tuite samin lei ah bunghkeak hi. Ama min in Topa ahi hi.

Amos 7:4

Vaanglianpipa Topa tung panin mukholna dang khat ka nei hi. Tua ii sungah ama in a mite meikuang taw daan pia tu in a kithoai ka mu hi. Mei in leinuai a tuipi lian sia kaanghtham a, tuaciang leitang mama kaanghtham tu kipan hi.

Amos 9:6

Topa in vantungte ah a inn sa a, leitung ii tungah van ii khuvum koi hi. Ama in tuipi tuite samin leitung ah buak hi. Ama min in Topa ahi hi!

Haggai 2:17

Na ciin sa na theampo lalsak tu in vuisa le ngialtang kong puak hi, ahizong na kisiik kik tuan bualai uh hi.

Haggai 2:19

Antang om nawn ngawl a, sapitkungte, theikungte, talee te le olive kungte nga ngawl lai ahitazong, tu pan kipan thupha kong pia tu hi,” ci hi.

Malachi 3:11

Lungnote in na lo ante a lalsak buatu a, na sapitkungte sapitnga taw kidimsak tu khi hi.

Malachi 3:9

No theampo tungah haamsiatna khat hong tung hi, banghang ziam cile minam buppi in kei nong theam uh hi.

Thuhil kikna 28:22

Topa in a kilaw thei natnate, citum le cisa natnate no tungah hong tungsak tu hi; ama in na lo ante a lalsak tu in nguatui kangsak a, vuisa vasak tu hi. Hi bang tuasiatnate na thi dong thuak tu nu hi.