Ezra 1:3 - Syin Chin Bible

³ Ama mi ahi note theampo taw Pathian hong omkhawm tahen. Note Jerusalem ah pai tavun a, Jerusalem ah a kibia Pathian, Israel te ii Pathian, Topa ii Biakinnpi sa kik vun.

Ezra 1:3 Iomraidhean Croise

1 Kumpite 18:39

Mipite in hisia a mu uh ciang amate le amate lei ah hong bok suk a, “Topa sia Pathian hi; Topa bekma Pathian hi!” ci in au uh hi

1 Kumpite 8:23

thu ngen hi, “Israel ii Topa Pathian awng, a tungsang vantung ah ahizong, a nuaisang lei tungah ahizong nang taw a kibang pathian om ngawl hi! Na mite taw na thuciamna na kholet a, amate in thin theampo taw na thu hong ni in a nuntak ciangin na itna na lak hi.

1 Khangtaanghthu 28:20

David kumpipa in a tapa Solomon tungah, “Kimuang in na thin takkha in. Nasep kipan in a, bangma in khaktansak heak in. A na ka sep Topa Pathian sia nang taw hong omkhawm tu hi. Ama in nang hong nusia ngawl tu a, ama Biakinnpi nasep teng na man dong nang taw hong omkhawm tu hi.

Ezra 1:4

Saltaang a mite a cia kik natu in hu tu a kul le, a innpaamte in amate hi bangin hu tu hi. Tua a innpaamte in ngunn le khamh, nguai an le vanh pua nganhingte sia, Jerusalem Pathian Biakinnpi sungah a piak tu biakpiaknate taw amate tungah pia khawm tu hi.”

Ezra 4:3

Zerubbabel, Joshua le a bee a phung lutangte in amate tungah, “Topa kote Pathian biakinn sak natu in nong hu tu ka kisamh bua uh hi. Persia kumpilianpa Cyrus ii hong thupiakna bangin koma teng ma in ka sa tu uh hi,” ci hi.

Ezra 5:13

Tua zawkciang Cyrus kumpilianpa in Babylon kumpilianpa ahi zawk a kum khat kumin Biakinnpi a kisak kik natu thupia hi.

Ezra 5:3

Thakhat thu phialma in Euphrates nitumna sang ngamukmangpa Tattenai, Shethar Bozenai le a seppui uliante Jerusalem ah pai in, “Hi Biakinnpi sak tu le a sungah vanh teng a nguan tu in akua in thu hong pia ziam?” ci in dongh uh hi.

Ezra 6:7

Biakinn sakna nawngkaisak heak vun. Judah ngamukmangpa le Jew lampuite in Pathian Biakinnpi sia a om na ngei ma ah sa kiksak vun.

Psalm Late 132:13

Topa in Zion sia teal zo hi; ama teenna tu in vawt nuam hi.

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Isaiah 37:16

“Cherubim tungah a to, Vaanglianbelpa Topa Israel ii Pathian awng, nangma bekma Pathian hi a, leitung kumpi ngam theampo na uk hi. Nangma in lei le van na bitphua hi.

Isaiah 44:28

Keima in Cyrus tungah, ‘Nangma in keima luangin a uk tu pa na hi hi; Keima dei bangin na seam tu hi: Jerusalem khua a kisak kik natu le Biakinnpi tawdapphate a kipha natu in thu na pia tu hi,’ ka ci hi,” a ci hi.

Isaiah 45:5

“Keima in Topa ka hi hi; pathian dang om ngawl hi. Na kitaangsap thahatna sia, nangma in kei hong he ngawl na hihang kong pia tu hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Daniel 2:47

Kumpipa in, “Na Pathian sia pathian theampo sung pan a lianbel, kumpite tungah Topa hi a, thu telhakte a pualaak pa ahi hi. Hi thu ka he hi, banghang ziam cile nangma in hi thu telhak sia na pualaak thei hang hi” ci hi.

Daniel 6:26

Ka kumpi ngamlian sung a om mihingte theampo in Daniel ii Pathian a kiitak natu le a zatak natu in thu ka pia hi. “Ama in a nungta Pathian hi a, a tawntungin uk tu hi. A ngam kisiasak ngeingawl tu a, a vaangletna bo ngeingawl tu hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

Thuhil kikna 32:31

A ngalte in amate ii pathiante thazawm a, a thahat Israel te ii Pathian taw a kiban ngawlna thu he uh hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.