Daniel 9:7 - Syin Chin Bible

⁷ Topa awng, nangma in a tawntungin a maan na seam a, ahizong ko ka hi uh le koma le koma ka mai ka kimawlsak tawntung uh hi. Judea ngam le Jerusalem khua sungah a teang kote theampo le a nai le a khualana ngam tuatuam ah na thethaang Israel te theampo atu in hi thu sia maan hi, banghang ziam cile amate in nang tungah hong thumaan ngawl hi.

Daniel 9:7 Iomraidhean Croise

Ezra 9:13

Ka mawnate le ka khialnate hangin hiza daan ka thuak zawk uh ciang zong in nangma, kote Pathian in kote thuak tu a kilawm za sangin a tawm zaw nong thuaksak a, nong nuntaksak lai sia he khu hi.

Ezra 9:15

Israel ii Topa Pathian awng, nang thutang ni hi, ahihang kote nong nungtasak hi. Ka mawnate na tungah kong pualaak uh hi; na mai ah kong pai natu thu a om bua hi,” ka ci hi.

Nehemiah 9:33

Kote daan nong piak sia nong piak tu ma hi a; kote maw kale ung zongh nang na thumaan hi.

Psalm Late 119:137

Topa awng, nangma in thumaan thutang na hi a, na thukhamte maan hi;

Psalm Late 44:15

Kei sia a tawntungin minsiat ka thuak hi; maizumna in hong khunel hi,

Psalm Late 51:14

Pathian awng, ka nuntakna hong khoaikhe ta'n a, hong hun ta'n, tuaciang thutang na hina lungdam takin ka thangsak tu hi.

Psalm Late 51:4

Nangma tung tatak ah hong maw zo khi hi, sia na sakte ka vawt zo hi. Tua ahiciangin, thu nong khenna sia maan hi; kei nong mawsak sia khial ngawl ni hi.

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 45:16

Milim a vawtte a vekpi in kimaizumsak tu hi; amate a vekpi in a mai uh kimawlsak tu hi.

Jeremiah 12:1

“Topa awng, nang taw ka thu ih kinial ciang, nang na maan zaw tu hi. Ahihang nang tungah thukhaikimna thu huvau kong dongh tu hi. Banghangin mi seksolte nuamsa ziam? Banghangin thu maan ngawl mite a tup uh taangtung ziam?

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 24:9

Amate tungah tuabang tuasiatna ka thengsak tu a, leitung minamte theampo patau tu uh hi. Mite in amate sia ciammuina lelin nei a, nunau selno in, amate ka thethaangna mun theampo ah a min uh sia kihaamsiatna in zangh tu uh hi.

Jeremiah 3:25

Eite maizum in, lum in ih maimawlna in hong seal tahen. Eima le ih taanghpupite sia Topa ih Pathian tungah ih khial tawntung zo hi; ama ii thupiakte ih zui ngei bua hi,” ci nu hi.

Jeremiah 32:32

banghang ziam cile Judah mite le Jerusalem khua mite in a kumpite le a lampuite, a thiampite le a kamsaangte uh taw a sia a vawt uh hang ahi hi.

Jeremiah 33:16

Judah mite le Jerusalem mite sia kisuatak tu a, ngam muangin teang tu uh hi. Tua khuapi sia ‘Topa, Eite Ngupna’ kici tu hi.

Jeremiah 4:17

mihingte lo hung bangin Jerusalem kiim uum tu uh hi, banghang ziam cile a mite in Topa a langpan hang ahi hi. Topa in ci zo hi.

Jeremiah 7:19

Ahihang amate ii thin a natsak sia, keima tatak ka hi ziam? Hi ngawl hi, amate le amate kivawtin a na hi a, maizum kipia ahi uh hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Ezekiel 36:31

Na ngitlonate le khialna na vawtte na phawk tu a, na mawna le na khialna te uh hu in, noma le noma na kinunau tu uh hi.

Ezekiel 5:10

Tua hu in Jerusalem a om nute pate in tate ii sa ne tu uh a, tate in nute pate ii sa ne tu uh hi. No daan kong pia tu a, a nungta lai sun zongh mun theampo ah kong thethaang tu hi.

Ezekiel 6:12

A khualana ah a omte a ciina in thi tu uh hi; a naina a omte sia ngal sungah kithatlum tu hi. A thimong teng sia ngilkial in thi tu uh hi. Amate in ka thin uukna ii thahatna theampo phawk tu uh hi.

Daniel 9:14

Topa kote Pathian awng, nangma in kote daan hong pia tu in na kithoai a, nong pia takpi hi, banghang ziam cile nangma in a maan bang na seam tawntung a, koma in nang kong nadon bua uh hi.

Daniel 9:18

Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Daniel 9:8

Kote kumpite, hong ukte le taanghpupite in a maizumhuai in ngamta uh a, Topa nang tungah hong maw zo uh hi.

Amos 9:9

“Keima in thu ka pia tu a, ciang sungah an a kisak bangin Israel mite ka lok tu hi. A mannung ngawl theampo ka hep natu in minam tuatuamte sung pan amate ka lok tu hi.

Romete 6:21

Maizum huai na saknate na vawt uh ciangin, bang meetna na nga uh ziam? Tuate taw a kizom thu in thina ahi hi!

Thuhil kikna 32:4

“Topa sia note hong dal a hatbelpa hi a, A sepzia theampo kicing in maan hi; Na Pathian thumaan in thutak a; Ama in a maan le a pha in seam hi.

Thuhil kikna 4:27

Minam dangte sungah Topa in hong thethaang tu a, no tawm bek na suakta tu uh hi.