Daniel 9:5 - Syin Chin Bible

⁵ “Kote khialna ka vawt zo uh a, ngilo in ka maw zo uh hi. Sep tu in nong thupiakte kong nial uh a, a maan nong lakna pan ka pial zo uh hi.

Daniel 9:5 Iomraidhean Croise

2 Kumpite 18:12

Samaria khua bo hi, banghang ziam cile Israel in Topa a Pathian ii thu ni ngawl hi, tua banah amate taw thuciam a vawt te zongh paltan uh a, Topa naseampa Moses ii thukham a piakte theampo zongh ni ngawl uh hi. Amate in za nuam ngawl a, ni nuam ngawl uh hi.

2 Kumpite 21:15

Hi bangin ka vawt tu sia banghang ziam cile ka mite in kei tungah hong maw a, Egypt ngam pan a taanghpupite ii a pusua pan kipan tuni dong ma ka thin hong uuksak tawntung hi,” ci hi.

Ezra 9:6

Keima in, “Pathian awng, na mai ah vandak in ka om tu ka maizum lei hi. Ka mawna uh sia ka lu sang in a saang zawin kiciang a; vantungte a dong tu za in saang hi.

Psalm Late 106:6

Ka taanghpupite ii maw bangma in ko zongh ka maw zo uh hi; kote in seksolin ka ngilo uh hi.

Psalm Late 119:102

Na lamlaknate ka ngaingon bua hi; banghang ziam cile nangma in ka syapa na hi hi.

Psalm Late 119:176

Ngam amh tuuno khat bangin ka vakthap hi; Tua ahikom hong pai in, na naseampa keima hong zong ta'n, banghang ziam cile na thukhamte ka ngaingon bua hi.

Psalm Late 18:21

Topa thukham ka zui zo a, ka Pathian kung panin ka pial bua hi.

Isaiah 53:6

Eite ih vekpi in a mangthang tuute taw ih kibang a, eima uukna san tek ah ih pai hi. Ahihang eite theampo ii thuak tu a kilawm daan thuakna sia ama ii tungah Topa in suan hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Isaiah 64:4

Ama sungah lametna a nei mihingte atu in tuabang na a seam, nangma bang Pathian khat sia kuama in mu ngeingawl a, za zongh za ngeingawl uh hi.

Jeremiah 14:20

Topa awng, nang tungah kong maw zo uh hi; koma ii mawnate le ka taanghpupite ii mawnate kong pualaak uh hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 3:25

Eite maizum in, lum in ih maimawlna in hong seal tahen. Eima le ih taanghpupite sia Topa ih Pathian tungah ih khial tawntung zo hi; ama ii thupiakte ih zui ngei bua hi,” ci nu hi.

Jeremiah 30:14

Na itte theampo in no hong mangil zo a; amate in no hong awlmaw nawn ngawl hi. Keima in note sia ngal khat bangin kong sim a, na mawnate tam a, na seksolna uh lian ahikom na daan thuak uh nasia mama hi.

Jeremiah 44:3

banghang ziam cile tua khua mite in a sia vawtin ka thin hong uksak uh hi. Amate ahizong noma na hi uh zong, na taanghpupite ahizong ii biak ngeingawl pathian dangte tungah amate in biakpiakna pia in a na seam uh hi.

Kaa late 1:18

“Ahihang Topa sia a maan hi a, keima in a thu ka nit ngawl hang hi zaw hi. Hong ngai tavun, mun theampo a om mite awng; a na ka thuak hong en tavun. Ka ngaknute le ka tangvalte sia ngalmat in kipaipui siat zo hi.

Kaa late 1:20

“Topa awng, na ka sak nate, ka thinbot vangui nate hong en ta'n! Ka mawnate hangin khuangai in ka thin tamhtham hi. Lampite ah kithalupna om a; innsuum sungsang ngawngawn ah thina theng hi.

Kaa late 3:42

“Topa awng, kote mawin, kong langpan zo uh a, nangma in nong maisak bua hi.

Ezekiel 5:6

Ahihang Jerusalem in ka thupiakte hong langpan a, a dang ngamte sangin a ngitlo zawkna hong lak a, kiim le paam ngamte sangin thuni ngawl zaw hi. Jerusalem in ka thupiakte nial a, ka thukhamte zui ngawl hi.

Ezekiel 6:9

tua munah amate saltaang in teang tu uh hi. Tua munah amate in kei hong phawk tu uh a, daan pia in maizum ka piak sia he tu uh hi, banghang ziam cile amate ii upna sel lungtang in kei hong taisan a, kei sangin milimte deizaw uh hi. Amate tatsiatna le a etthawk huai nate a vawt hu in amate le amate kiihuai kisa tu uh hi.

Daniel 9:11

Israel mite theampo in na thukhamte paltan in na son thute ngai nuam ngawl uh hi. Nang tungah kong maw uh hi, tua hu in na naseampa Moses ii thukham sungah a ki at haamsiatnate ko tungah nong tungsak hi.

Daniel 9:15

Oh “Topa kote Pathian awng, na mite Egypt ngam pan nong paipuina taw in na vaangletna nong lak a, na vaangletna kiciamtee lai hi. Ka maw zo uh hi; khialna ka vawt zo uh hi.

Daniel 9:9

Kote in nang hong langpan zo ka hita uh zongin nang in nong hesuak a, nong maisak hi.

Hosea 1:2

Topa in Hosea tungtawn a, Israel a paupui phitbel hunin Hosea tungah, “Pai in a, zi nei in; na zi in na vaang hong tang ngawl tu a, na tate ama bang lian ma hi tu hi. Tuasia bangma ka mite in kei hong nusia in, a thumaan ngawl te suak uh hi,” ci hi.

Malachi 3:7

Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.