Daniel 9:3 - Syin Chin Bible

³ An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Daniel 9:3 Iomraidhean Croise

2 Samuel 12:16

David in a ta dam natu Pathian tungah thu ngen hi. Ama in bangma ne nuam ngawl a, zan simin ama ii inndoi sungah pai in suat tungah lum hi.

Ezra 10:6

Tua zawkciang ama sia Biakinnpi mai pan pai in Eliashib ii tapa Jehohanan inn sungah tumin zan taam hi, tua munah saltaangte thumaan ngawlnate hangin khuangai in om hi. Ama in bang mama ne ngawl dawn ngawl hi.

Ezra 8:21

A kitotawm Ahava Tuiluam hui ah ka vekpi uh in antang in kote ii Pathian mai ah kiniamkhiak a, ka khualhawna uh ah hong lampui in, koma, ka tate uh le ka neisa theampo taw hong kep natu ama tungah hesuak ngen tu in ka sawl hi.

Ezra 9:5

Nitak sangaw biakpiak hun hong thet ciang khuangai in ka omna mun pan thoto in ka puan ek sil lai teng ma taw khupdin in ka khutte laamin Topa ka Pathian tungah thu ka ngen hi.

Nehemiah 9:1

Tua tha ni 24 ni in, a mawnate hangin khuangaina lakna in antang tu in Israel mite kikhawm uh hi. Amate sia ngamdangmite theampo taw kikhen zo uh hi. Amate in a khuangai lakna in khau-ip puan silhin a lu tungah leivui poai uh hi. Tua zawkciang dingin amate le a taanghpupite mawnate a pualaak tu kipan uh hi.

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Psalm Late 35:13

Ahihang amate a ciinat uh ciangin khau-ip puan silhin ka heena taw an ka tang a,

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Jeremiah 33:3

“Kei nong sam uh le kong zo tu hi; a thu na heak ngawl lai a lamdangte le thu tumdangte kong son tu hi.

Ezekiel 36:37

Vaanglianpipa Topa in, “Israel te in ka tungah hu ka ngensak kik tu a, tuasia ciang tuuhon bangin amate ka pungsak tu hi.

Daniel 6:10

Kumpipa thukham sia kumpipa in a minthu zo hi, ci thu Daniel in a heak ciang a inn ah cia hi. A inndawl tung inndoi khat sungah Jerusalem khua sang a maingat khelkite om hi. Tua munah, a vawt ngei tawntung bangma in, khelki kihongna te ah khupdin in ni khat sung thumvei veu Pathian tungah thungen hi.

Daniel 9:2

Ama kumpi sua a kum khat kumin keima in thubu thiangthote ka sim a Topa ii kamsaang Jeremiah tungah a son kum sawmsali sung Jerusalem a lalsa in om tu hi, a ci sia thu ka ngaisun hi.

Daniel 9:20

Keima mawna khialna le Israel ka mite ii mawna khialna pualaak in thu ka ngen tan a, Topa ka Pathian tungah a Biakinnpi thiangtho a ngeina bangin a pua kik natu tatsat ngawlin hesuak ka ngen hi.

Daniel 9:4

Topa ka Pathian tungah thungen in ka mite ii mawna khialnate ka pualaak hi. Keima in, “Topa Pathian awng, nang na lian a kong zakta uh hi. Na thuciamna tungah na thumaan a, nang hong it te le na thupiakna bang a seamte a tawntungin na it hi.

Joel 1:13

No, biaknatau ah naseam thiampite awng, khau-ip puan silhin kap vun! Biakinnpi sungah tumin, zankhuateak khuangai vun! Na Pathian na piak tu uh antang, ahibuale sapittui om ngawl hi.

Joel 2:12

Topa in “Ahihang tu mama zongh in, thintak taw kisiik kik in kei kungah an tanna, kaana le mauna taw hong heak kik tavun.

Jonah 3:5

Nineveh khua mite in Pathian ii thupiak um uh hi. Tua ahiciang amate in mi theampo a lianbel pan a nobel dong kisiik kikna lakna in, antan tu le khau-ip puan silh tu in khensat uh hi.

Matthew 17:21

Thungetna le an tanna in, hite pawl notkeak zo bek a, nadang in notkeak zo ngawl hi,” ci hi.

Sawltakte 10:30

Cornelius in, “Tu nung ni thum lai tubang hun nitak nai thum hun khawngin ka inn ah thu ka ngen hi. Thakhat thu in a tee vakil puan a silh pasal khat ka mai ah hong ding a,