Daniel 9:26 - Syin Chin Bible

²⁶ Tua hun a bo ciang Pathian tealsa lampuipa sia thuak tuak ngawl bulin kithat tu hi. Tua khuapi le Biakinnpi sia ngal sim tu in hong kuan a thahat ngamukpa khat ii ngalkaphonpi in susia tu hi. A tawpna sia tuiliim bangin hong pai tu a, Pathian ii vawtkhol ahi ngal kisimna le suksiatna hong paipui tu hi.

Daniel 9:26 Iomraidhean Croise

2 Samuel 21:5

Amate in, “Saul in ko sia hong maaimot nuam hi, tuaciang Israel ngamsung koima ah khat zongh a nungta in hong koi nuam ngawl hi.

Psalm Late 22:15

Ka longtawl sia leivui bangin ko a, ka leei sia ka vadang ah kibelto hi. Leivui sungah a thi tu in nong nusia zo hi.

Isaiah 28:2

Topa in amate sim tu in a kinging a vaanglian, a thahat khat nei a, tua pa sia hui le ngial bang, ngua a biing a bealin sun bang, tuipawm hawktai bang, tuiliim bangin hong pai in tua ngam zothal tu hi.

Isaiah 28:22

Keima ii kidop natu kong thupiak sia nuisan heak vun! Na nuisan uh le, na suatak natu uh haksa vaial zaw tu hi. Ngam buppi lalcipsak natu in Vaanglianbelpa Topa ii thukhensat nate ka za zo hi.

Isaiah 53:8

Ama sia kimanin thina thuak tu in thu kikhen a, kipaipui hi, ama tung a piang tu thu sia kuama in awlmawk ngawl hi. Ih mite ii mawna khialnate hu in ama sia thina thuak hi.

Isaiah 8:7

Topa ahi Keima in, Judah ngam sim tu in Assyria kumpipa le a ngalkapte theampo ka paipui tu hi. Euphrates nguntui pawmin, ngun vaalbote theampo a khup siat bangin amate kuan tu uh hi.

Jeremiah 46:7

Nile ngun bangin khang a, ngunvaal leet a, a pawm bang ahi sia akua ziam?

Jeremiah 51:42

Tuipi sia Babylon khua tungah kinil zo a, tuihual te hawk in khum zo hi.

Daniel 11:10

“Syria kumpipa ii tapate ngalsim tu in kinging tu a, ngalkap tam mama khawm tu hi. Kumpipa tapate sung pan khat in tui liim bangin ngalte ii kulh sim tu hi.

Daniel 11:17

“Syria kumpipa in a ngalkap buppi zanghin ngalsimin kuan tu ngeal hi. Tuasia zawkciang a ngal pa ii kumpi ngam a suksiat natu in ama in a ngalpa taw kipawlna khat vawtin a tanu taw kiteangsak tu hi; ahihang ama ngealna taangtung ngawl tu hi.

Daniel 11:22

Ama a nalh pawpo, Pathian ii Thiampi Lianbel ahi keak zong kinil keakin, kibosak tu hi.

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Hosea 1:9

Topa in Hosea mun ah, “A min ‘Ka mi hi ngawl’ (Lo-Ammi ) ci in phuak in, banghang ziam cile Israel mite sia ka mi hi ngawl a, tuaciang kei sia amate ii Pathian ka hi bua hi,” ci hi.

Amos 8:8

Tua ahikom zinliing tu a, ngam sungah a om theampo ngim nga tu hi. Ngam bup liinglawng tu a, Nile ngun bangin khang tuak, kiam tuakin om tu hi.

Amos 9:5

Vaanglianpipa Topa Vaanglianbelpa in leitung tham a, leitung liing hi; tua munah a teang theampo khuangai uh hi. Leitung buppi Nile ngun bangin khang tuak, kiam tuak hi.

Nahum 1:8

Tuipawm lian khat bangin a ngalte sucip a; ama a nalhte thina thuaksak hi.

Matthew 22:2

“Vantung ngam thu sia hi bang ahi hi. Khatvei lai in kumpipa khat in a tapa atu mopoai anneakna khat vawt tu in kipan hi.

Matthew 22:7

Kumpipa thin uuk mama ahikom a ngalkapte paisak a, mihing that te thatlum in a khuapi halthapsak hi.

Matthew 23:38

Tua ahikom Biakinn sia kitaisan tu a, a hawm in om tu hi.

Matthew 24:2

Jesus in, “Hi hi, en tek vun. A tatakin kong ci ciang, hi sungah suangte khat zongh a omna ngei san ah om nawn ngawl tu hi; a vekpi kilawn keak siat tu hi,” ci hi.

Mark 13:2

Jesus in, “Hi innpuite mu hi ngawl ni ziam? Suangtum khat zongh ama omna ngei munah a om buatu hi; a kilawnthal ngawl khat zongh a om buatu hi,” ci in zo hi.

Mark 13:7

Tuaciangin ngal kisimna awnging a naina ah ahizong, a khualana ah ngal kidona thu ahizong, na zaak uh ciangin patau heak vun. Tuate sia a pian tu ma hi a, ahihang a tawp natu hi ngawl lai hi.

Mark 9:12

A zo kikna pan, “Na theampo puua khol tu in Elijah hong pai masa takpi hi. Ahitazong, Mihing Tapa in nasia takin thuak tu a, ama kinial tu hi, banghangin Laithiangtho in ci ziam?

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

Luke 21:6

“Hite theampo na mu uh hi — suangtum khat zongh ama omna munah a om nawn ngawl hun khat hong theng tu hi; suangtum khat sim kilawn suk tu hi,” ci hi.

Luke 24:26

Messiah in hite a thuak phot tu kul a, tua zawkciangin vaangletna sungah tum tu hi ngawl ziam?” ci hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

John 14:30

No taw hun sauzaw thuson thei nawn ngawl tu khi hi, banghang ziam cile hi leitung a ukpa hong pai hi. Ama in kei tungah bangma vaang hong nei bua hi,

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.

1 Peter 2:21

Pathian in no hong sapna sia hi thu hang ahi hi, banghang ziam cile Christ ama mama in, no atu in thuak a, ama khuani na zui thei natu in ettee tu hong nusiat hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,