Daniel 9:25 - Syin Chin Bible

²⁵ Hi thu ciamtee in tel in: Jerusalem a kipua kik natu thupiakna a om hun pan kipan Pathian ii teal lampui pa hong thet dong kum sali mun salivei hun ngei tu hi. Jerusalem sia a lampite le a kidalna kulh khote taw kivawt kik tu a, kum sawmluk le kum nii ii a salivei kumte dong kho tu a, ahihang hi hun sia buaina hun hi tu hi.

Daniel 9:25 Iomraidhean Croise

2 Samuel 15:25

Tuasia ciang kumpipa in Zadok munah, “Thuciamna Thingkuang khuapi sungah heak pui kik ta'n. Topa in kei tungah hong lungkim ahile ni khat ni ciangin kei hong heak kiksak tu a, tuasia le a omna mun hong musak tu hi.

Ezra 4:24

Biakinnpi sakkik sia kitawlngasak a, Persia kumpilianpa Darius ii kumpi maan a kum nii kum dong bangma seam ngawlin omcip hi.

Ezra 7:1

Kum tam mama a ngei zawk, Artaxerxes sia Persia kumpilianpa a sua ciang Ezra kici mihing khat om hi. Ama in a taanghpupite Thiampi Lianbel Aaron dong a kat kik ciang a nuai a bang hi: Ezra sia Seriah ii tapa, Seriah sia Azariah ii tapa, Azariah sia Hilkiah ii tapa,

Ezra 7:8

Amate in a tha masabel tha, a ni khat ni in Babylon nusia in, Pathian ii huna taw in a tha nga tha, ni khat ni in Jerusalem theng uh hi.

Nehemiah 3:1

Khuapi ii luphung sia hi bangin kiciang kik hi. Thiampi Lianbel Eliashib le a thiampipuite in Tuu Kongpi vawt kik a, aapin, tuaciang kongpite a omna mun tek ah koi uh hi. Amate in luphung sia Zakhat Tausaang le Hananel Tausaang dongin aap uh hi.

Nehemiah 4:2

A lawmte le Samaria ngalkapte mai ah ama in, “Hi a huathuai Jew te in bang teng vawt kisa ziam? Khuapi puua kik nuam ziam? Sangaw biakpiaknate piakna taw ni khat sungin nasep zo thei tu in kingaisun ziam? Uksuang tawng kaanghmong teng taw inn sak natu suang vawt thei tu ki um ziam?” ci hi.

Nehemiah 4:8

Tua ahiciang, amate kipawlin Jerusalem simin buaisak sawm uh hi,

Nehemiah 6:15

Ni 52 a kisep zawkciang Elul tha ni 25 ni in luphung bup kiman thiang hi.

Psalm Late 71:10

Ka ngalte in kei hong thatlum nuam a; amate in kikumin kei hong thasawm uh hi.

Thuhilsya 3:3

thalup tu hun le damsak tu hun, phelthap tu hun le sakto tu hun ciangtan hi.

Isaiah 55:4

Keima in ama sia minamte lampui le a ukpa khatin ka koi a, ama tungtawnin mihonpite tungah ka vaangletna ka lak hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Daniel 8:11

Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi.

Daniel 8:25

Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi.

Daniel 9:23

Pathian tung hesuak ngen tu na kipat ciang ama in hong zo hi. Ama in nang hong it ahikom a deina thu son tu in kong pai hi. Tu in mukholna kong sonthiang laitak thudon in.

Micah 5:1

Jerusalem mite awng, na ngalkapte khawm vun! Eite hong uumci hi! Amate in Israel lampuipa sim uh hi!

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Matthew 13:23

Tuaciangin lei phana ah a taak thaiciite ahile a thu za in a telte ahi uh hi: amate in a zaa zakhat, pawlkhat in a zaa sawmluk, pawlkhat in a za sawmthum in a nga uh hi.”

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Mark 13:14

“ ‘A kiitakhuai mama thu’ sia a kilawm ngawlna munah hong piang, na mu tu uh hi.” (Hi lai a simte ii teptee tu thu hisia ii khiakna sia bang ziam ci in tel tavun!) “Tua hun ciangin Judea ngam a omte in mual tungah tai tahen.

John 1:41

Thakhatin a suapuipa Simon mu in hi thu ko hi. “Ko Messiah mu zo khu hi,” (Hi kammal sia Christ a cinopna hi) ci in ko hi.

John 4:25

Tua numei in, “Messiah hong pai tu a, ama hong pai ciangin, thu theampo hong son tu hi, ci in ka he hi,” ci hi.

Sawltakte 3:15

Tua hi a, nuntakna a pia pa, note in na thatlum uh hi. Ahitazong, Pathian in ama thina panin, phongto a, hi thu huvau ah, kote in tetti ka hi uh hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Sawltakte 8:30

Philip in del a, a phak ciangin, ama in kamsaangpa Isaiah thubu a sim sia za hi. “Na sisim teng na tel ziam?” ci in dongh hi.

Ephesus te 5:16

Hunpha na nga simin, a pha in zangh in, banghang ziam cile tu hun in ngitlo hun ahi hi.

Thupualaakna 1:5

a thumaan tetti hi a, thina pan kithosak kik masa leitung kumpite theampo a ukpa Jesus Christ kung pan thuthiamna le thinnopna sia note aa hi tahen. Ama in ei hong it a, ama chisan hangin eite, mawna pan hong suatak hi,

Thupualaakna 19:16

A puantual tung le a pheizang tungah, “kumpite ii Kumpipa, topate ii Topa,” ci in a min ki at hi.