Daniel 9:21 - Syin Chin Bible

²¹ Thu ka nget laitakin, a masa ka mukhol lai a ka mu sa Gabriel sia ka omna munah hong leangsuk hi. Tua hun sia nitak sang biakpiak tu hun ahi hi.

Daniel 9:21 Iomraidhean Croise

1 Kumpite 18:29

Sun ni kaai dongin amate au lialua in om top lai uh hi; ahihang zona hong pai ngawl a, aw khat zongh kiza ngawl hi.

1 Kumpite 18:36

Nikai sang sangaw biakpiakna hun tak ciang Elijah in biaknatau neak in thungen hi. “Oh Topa, Abraham, Isaac le Jacob te ii Pathian awng, tu in nang Israel ii Pathian hi a, tuaciang kei sia na naseampa ka hina taw nong sawl bangin hi bang teng ngamta ka hina thu sia hong lak ta'n.

Psalm Late 103:20

Ama thupiakte zui a, ama ci bang a ni, no, a thahat vantunglalangte awng Topa pok vun.

Psalm Late 104:4

Vui sia kamtaite bangin na zangh a, khualeng sia na naseamte bangin na zangh hi.

Psalm Late 141:2

Kong thungetna a namtui biakpiakna in hong saang ta'n a, ka khutte kong lapto sia nitak sangaw biakpiakna khat bangin hong saang ta'n.

Pusuana 29:39

Zingsang in khat, nitakin khat biakpiakna in pia in.

Isaiah 6:2

Ama kiimkot ah a ding, meikuang bang ahi Seraphim vantung mite khat simin tha luk tek nei hi. Tha nii taw a mai tek uh, tha nii taw a pumpi tek uh tuam a, a tha dangte nii tek taw leang uh hi.

Ezekiel 1:11

Nganhing khat sim a thate nii tek kilaamto a, a hui pan a dang khat ii thadawnte taw kisisak hi, tuaciang amate ii a tha dangte nii tek sia a pum tung tek ah zep uh hi.

Ezekiel 1:14

Tua cherub te sia khualeng manlangza in nung le mai ah a manlangin tai uh hi.

Ezekiel 14:14

Noah, Daniel, Job, mihing thumte tua munah a teang hial zong, a phatna in amate nuntakna bekma ngum tu hi,” ci hi. Vaanglianpipa Topa in son zo hi.

Daniel 10:10

Tuasia ciang khut khat in hong len in, ka khut le ka khup taw kikhuangkho in hong phongto a; ka liing vadil lai hi.

Daniel 10:16

Tuaciang mihing taw a kibang tua vantunglalang in a khut hong thaak a, ka muk hong thamsak hi. Keima in ama tungah, “Syapa awng, hi mukholna in ka tha hong zawmsak mama a, ka ciliing a thai thei bua hi.

Daniel 10:18

Ama in khatvei ma hong len kik lai a, tuasia ciang ka tha hatzaw ka sa hi.

Daniel 8:16

Ulai ngun ngal pan bia puina aw khat ka za a, “Gabriel awng, ama ii mu sia ii a khiakna ama tungah son in,” ci hi.

Daniel 8:18

Ama ii thu a son laitak khua phawk ngawlin lei ah ka puk hi. Ahihang ama in hong phong to a hong dingsak kikin,

Matthew 27:46

Nai thum saat tu bang ciangin Jesus in aw nging tatak taw, “Eli, Eli, lema sabachthani?” ci in au hi. A khiakna sia “Ka Pathian, Ka Pathian awng! Banghang hong nusia ni ziam?” a cina hi.

Luke 1:19

Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.

Luke 1:26

Elizabeth naungil a om zawk tha luk a cin ciangin vantunglalang Gabriel sia Galilee ngam Nazareth a kici khua khat ah Pathian in paisak hi.

Sawltakte 10:3

Ni khat nitak nai thum bang hun mahiat in, ama in mang mu a, hi sitset in a muna ah Pathian vantunglalang khat in, “Cornelius awng!” ci hi.

Sawltakte 10:9

A zing ciangin, amate Joppa khua nai a thet laitak Peter in thungen tu in sun hun laitakinnkhum tungah kaato hi.

Sawltakte 12:7

Thakhat thu in Topa vantunglalang khat tua munah ding a, thonginn doituam sung khuavak taang khat hong om hi. Vantunglalang in, Peter liangko panin lokin phong a, “Manlang in! Tho in!” ci hi. Thakhat thu in, thikkhaute Peter khut panin kizuk hi.

Sawltakte 3:1

Ni khat Peter le John sia thunget hun, nitak nai thum in Biakinn ah pai uh hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

Hebrew te 1:7

Ahihang Pathian in vantunglalangte huvau ahile, “Pathian in a vantunglalangte vui suaksak a, a naseamte sia meikuang suaksak hi,” ci hi.

Thupualaakna 9:17

Ka mukholna sungah siphute le a tung tote ka mu hi; amate in awmdalna sia meikuang bangin a san, sapphire suangmanpha bangin vancii, kaan bangin a eng silh uh hi. A siphute ii lutang sia tawpi lutang taw kibang a, a kam sung pan meikuang, meikhu le kaante hong pusuak hi.