Daniel 9:2 - Syin Chin Bible

² Ama kumpi sua a kum khat kumin keima in thubu thiangthote ka sim a Topa ii kamsaang Jeremiah tungah a son kum sawmsali sung Jerusalem a lalsa in om tu hi, a ci sia thu ka ngaisun hi.

Daniel 9:2 Iomraidhean Croise

2 Khangtaanghthu 36:21

Tuabangin kamsaang Jeremiah tungtawn a, Topa ii hi bang a sonkhol sa sia taangtung hi: “Sabbath tawlngakna a kitang ngawl teng lo kik natu in a ngam sia kum sawmsali sung ngamtongta hi tu hi.”

Ezra 1:1

Persia mi Cyrus in kumpilianpa a sep, a kum khat kumin Topa in kamsaang Jeremiah tungtawn a, a thusonte taangtungsak hi. Topa ii thotna taw a nuai a thupiakna teng Cyrus in ama ukna ngamsung theampo ah a nging takin a sim tu lai khat at in thaak hi:

Psalm Late 119:24

Na lamlaknate in kei thinnopna hong pia hi; tuate in ngaisutna hong piate ahi hi.

Isaiah 64:10

Na khuapi thiangthote sia sennealngam khat bang ahi hi; Jerusalem sia a kinusia a lalcip khat ahi hi,

Jeremiah 1:1

Hi thubu sia Benjamin ngam sungah a om Anathoth khua pan thiampite khat ahi, Hilkiah ii tapa Jeremiah ii thu sonte a kitepteena ahi hi.

Jeremiah 25:18

Amate sennealngam khat, a lauhuai, diipkuathuai mun a sua natu le, mihingte ii ama te min sia haamsiatna in a zak natu in — tu hun dong a kizak lai bangma Jerusalem le Judah ngam khuapite theampo, a kumpite uh le a lampuite uh taw tua hai sung panin kidawnsak hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 26:6

Thu na ni bua lalai uh le, Shiloh khua tungah ka vawt bangin hi Biakinnpi tungah ka vawt tu a, leitung minamte theampo in hi khuapi ii min sia kihaamsiatna in zangh tu uh hi,” hong ci hi.

Jeremiah 27:7

Minam theampo in ama ii na seam tu uh a, ama ngam a bo tu hun a thet mateng in minamte in ama ii tapa le a tupa ii na sepsak tu uh hi. Tua zawkciang ama minam in a thahat minamte le kumpi liante ii na sepsak tu uh hi.

Jeremiah 29:10

“Topa in, ‘Babylon ah na om zawk uh kum sawmsali a cin ciang no kong thin nopmawkna kong lak tu a, na khua na tui uh ah na cia kik natu uh in ka kamciam ka len tu hi.

Jeremiah 7:34

Tua ngam sia sennealngam suak tu hi. Judah ngam khuapite sung le Jerusalem khua lampite tungah thinnopna le lungdamna awte le mopoai lungdamna awte ka bosak tu hi.

Kaa late 1:1

Khatvei lai in mihing taw a kidim Jerusalem khuapi bangza in ngamkhing ziam! Leitung ii khatvei a zatak ngei sia tu in meingongnu khat taw kibang hi; khuapi teng po pan a tuanngenbel sia sila dinmun ah taak zo hi.

Ezekiel 29:11

Mihing ahizong, nganhing ahizong, tua ngam kaantan in pai ngawl tu hi. Kum sawmli sung tua ngam ah kuama teang ngawl tu hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 1:12

Tua zawkciang vantunglalang in, “Vaanglianbelpa Topa awng, Jerusalem tung le Judah ngam khuapite tungah kum sawmsali sung thin uuk zo ni hi. Amate na hesuak tu bang tanvei hai lai tu ziam?” ci hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Mark 13:14

“ ‘A kiitakhuai mama thu’ sia a kilawm ngawlna munah hong piang, na mu tu uh hi.” (Hi lai a simte ii teptee tu thu hisia ii khiakna sia bang ziam ci in tel tavun!) “Tua hun ciangin Judea ngam a omte in mual tungah tai tahen.

Sawltakte 8:34

Ulianpa in, Philip munah “Kamsaangpa pauna hisia akua a cinopna ziam hong son tan? Ama le ama kici nuam ziam maw midang khat ziam?” ci in dongh hi.

1 Timothy 4:13

Kong pai mateng in, na hun le na hanciamnate mihonpite tungah Laithiangtho simna, thuhilna le hilna in, na zangh in.

Thupualaakna 1:3

Hi thubu sungah a ki at laite a simte le maisang thu kisonkholna kammal a zuite in mihing lungdamte ahi hi! Banghang ziam cile hi thute hong tun tu hun hong nai zo hi.