Daniel 9:19 - Syin Chin Bible

¹⁹ Topa awng, hong za ta'n. Topa awng, hong maisak ta'n. Topa awng, hong ngai ta'n a, hong seam ta'n! Mihing theampo in Pathian na hi hunlam hong heak natu in haisaang heak in! Hi khuapi le hi mihingte sia nangma aa ahi hi,” ka ci hi.

Daniel 9:19 Iomraidhean Croise

2 Khangtaanghthu 6:21

Kei ii thungetnate le na Israel mite ii hi mun maingat in a thungetnate hong za ta'n. Vantung na inn sung panin hong za ta'n a, ko hong maisak ta'n.

2 Khangtaanghthu 6:39

tuasia ciang amate ii thungetnate na ngai in. Vantung na inn sung panin amate thungetna na za in a, tuaciang amate hesuakin, na mite ii a mawna a khialna te theampo na maisak in.

Isaiah 43:7

Amate sia keima mite hi a, keima hong minthangsak tu in ka bitphua ahi hi,” ci hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 14:9

Banghangin muanmawk khol ngawl patauna nei mihing khat bangin, kuama a hu zo ngawl ngalkap khat bangin om ni ziam? Topa awng, a tatakin, nang in ko taw nong omkhawm hi! Kote in na mite ka hi uh hi; hong nusia heak in’ a ci uh hi,” hong ci hi.

Jeremiah 25:29

Keima khuapi sungah suksiat nasep ka kipan tu hi. Daan thuak ngawl tu in kingaisun uh ziam? Hi ngawl hi, amate sia daan kipia tu hi, banghang ziam cile leitung mite theampo tungah ngal ka thengsak tu hi. Keima, Vaanglianbelpa Topa in ka ci zo hi.

Ezekiel 20:14

Ahihang Egypt ngam pan Israel mite ka pusuapui hong mu minamte sungah ka mindai tu ahikom tuabangin ka ngamta bua hi.

Ezekiel 20:22

Ahihang Egypt ngam pan Israel mite ka pusuapui hong mu minamte mai ah ka mindai tu ahikom tuabangin ka ngamta bua hi.

Ezekiel 20:9

Ahihang tua bangin ka ngamta bua hi, banghang ziam cile amate teenna mite zaakna ah Egypt ngam pan hong pusuapui tu khi hi ci in Israel te tungah thangsak zo ka hikom tuabangin ngamta leng keima min dai tu hi.

Ezekiel 36:22

“Tu in Keima, Vaanglianpipa Topa ii thupuak sia Israel mite tungah son in: ka vawt tu sia in no Israel te atu hi ngawl a, na thetna ngam theampo ah na daisak sa ka min thiangtho atu ahi hi.

Ezekiel 39:25

Vaanglianpipa Topa in, “Ahihang tu in Jacob suan le paal Israel mite ka hesuak tu a, ka nuamsasak kik tu hi. Ka min thiangtho ka sungsia tu hi.

Daniel 9:18

Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Amos 7:2

Ka mukholna sungah khaumawte in ngam sungah a hing theampo netum a, tuasia ciang keima in, “Vaanglianpipa Topa awng, na mite mawna maisak in! Bangbangin amate nungta zo tu ziam? Amate tawm mama a, thazawm uh hi!” ka ci hi.

Mi Simna 14:19

Tuaciang tu in Topa awng, a kikheal ngawl a lian, na itna taw kizui in Egypt ngam pan na pusuapui a kipan a mawna na maisak bangin, hi mite mawna na maisak natu in thu kong ngen hi,” ci hi.

Mi Simna 6:27

Tuaciang Topa in, “Amate in Israel mite tungah thupha piakna in ka min a lo le, keima in amate thupha ka pia tu hi,” ci hi.

Luke 11:8

hong cile bangbang hi tu ziam? A ngualtamh khat na hikomin hong tho kik a, anluum hong piak ngawl hang maizum ngawlin ngen kenkon po lete ama in, tho in na kitaangsap theampo hong pia tu hi.

Sawltakte 15:17

Tuaciangin midang theampo le, keima neisa tu in ka sapsa Gentile mi theampo in kei hong zuan tu hi ci in,

Ephesus te 1:12

Tua ahikom Christ sungah lametna a nei phit eite in, Pathian ii minthanna pok tawng!

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.