Daniel 9:18 - Syin Chin Bible

¹⁸ Oh Pathian awng, ko thuson hong ngai ta'n; ko hong en ta'n a, ka ngim thuakna uh le na min a pu khuapi ii thuaknate hong mu ta'n. Ko ii sepna a maan hang hi ngawlin, nangma ii hesuakna suangin thu kong ngen uh hi.

Daniel 9:18 Iomraidhean Croise

1 Kumpite 8:29

Hi Biakinnpi, nang hong kibiak natu in na tealsa hi mun sia a sun a zanin na cing in. Hi mun maingat in thu kong nget ciangin hong za ta'n.

2 Kumpite 19:16

Tu in Topa awng, ko tungah thu hong piangte en in. Nang a nungta Pathian hong selnona Sennacherib ii pau teng ngai in.

Psalm Late 116:1

Topa ka it hi, banghang ziam cile ama in ka aw hong za hi; ama in ka thungetnate hong ngai hi.

Psalm Late 25:6

Topa awng, taanghlai panin nong lak, na cikna le na itna kip sia na phawk ta'n.

Pusuana 3:7

Tua zawkciang Topa in, “Egypt ah ka mite bang zata vawtsiatna thuak cisia ka mu zo hi, sila ukte khut sung pan suakta nuam in a kaana aw zongh ka za zo hi. A ngim thuakna theampo ka he siat hi,

Isaiah 37:17

Tu in Topa awng, hong ngai ta'n a, kote tungah hong piang thute hong en ta'n. A nungta Pathian ahi nang tungah Sennacherib papau in hong nunauna thute theampo ngai in.

Isaiah 43:7

Amate sia keima mite hi a, keima hong minthangsak tu in ka bitphua ahi hi,” ci hi.

Isaiah 64:12

Topa awng, hi thute theampo phamaw sa tuan ngawl ni ziam? Nangma sia bangma lok ngawlin kote thuak laak tu za dongin ngim hong thuaksak tu ni ziam?

Isaiah 64:6

Eite theampo ih maw siat zo hi. Ih ngamtatna a phabelte ngawngawn a nincip hi siat hi. Ih mawnate hangin vui ii letkeak thingteekote taw ih kibang hi.

Jeremiah 14:7

Ka mite in kei hong oksan in, ‘Ka mawnate uh in ko maw hong suan ahitazong, Topa awng, nong kamciamsa bangma in kote hong hu ta'n. Kote in nang kung pan tamvei ma ka puapial zo uh a; nang tungah kong maw zo uh hi.

Jeremiah 14:9

Banghangin muanmawk khol ngawl patauna nei mihing khat bangin, kuama a hu zo ngawl ngalkap khat bangin om ni ziam? Topa awng, a tatakin, nang in ko taw nong omkhawm hi! Kote in na mite ka hi uh hi; hong nusia heak in’ a ci uh hi,” hong ci hi.

Jeremiah 15:16

Nangma in nong paupui a na kammal theampo kong ngai hi. Topa, Vaanglianbelpa, Pathian awng, keima in nangma aa ka hi a, tua ahikom na kammalte in ka thin hong nuamsak a hong lungdamsak hi.

Jeremiah 25:29

Keima khuapi sungah suksiat nasep ka kipan tu hi. Daan thuak ngawl tu in kingaisun uh ziam? Hi ngawl hi, amate sia daan kipia tu hi, banghang ziam cile leitung mite theampo tungah ngal ka thengsak tu hi. Keima, Vaanglianbelpa Topa in ka ci zo hi.

Jeremiah 36:7

Topa in a lauhuai thin uukna le a thinsona taw hi mihingte tawng zo ahikom amate in Topa tungah thu ngenin, a tatsiatnate panin kikheal thei tha tu uh hi.”

Jeremiah 37:20

Tu in Kumpipa awng, ka thu son nong ngai natu le kong nget sia nong vawtsak natu in hesuak kong ngen hi. Nong hesuakna in Jonathan ii inn thong sungah hong puak kik heak in. Nong puak kik ahile, tua munah thi takpi tu khi hi,” ka ci hi.

Ezekiel 36:22

“Tu in Keima, Vaanglianpipa Topa ii thupuak sia Israel mite tungah son in: ka vawt tu sia in no Israel te atu hi ngawl a, na thetna ngam theampo ah na daisak sa ka min thiangtho atu ahi hi.

Ezekiel 36:32

Israel awng, hi te theampo sia nang atu in a seam ka hi ngawl hunlam na heak tu ka dei hi. Na sep na vawtnate hu in na maizum in na maimawl tu ka dei hi. Keima, Vaanglianpipa Topa in ka pau zo hi.”

Daniel 9:7

Topa awng, nangma in a tawntungin a maan na seam a, ahizong ko ka hi uh le koma le koma ka mai ka kimawlsak tawntung uh hi. Judea ngam le Jerusalem khua sungah a teang kote theampo le a nai le a khualana ngam tuatuam ah na thethaang Israel te theampo atu in hi thu sia maan hi, banghang ziam cile amate in nang tungah hong thumaan ngawl hi.

Mi Simna 6:27

Tuaciang Topa in, “Amate in Israel mite tungah thupha piakna in ka min a lo le, keima in amate thupha ka pia tu hi,” ci hi.

1 Corinth te 1:2

Corinth khua ah a om Pathian ii pawlpi tung le Pathian ii mi thiangthote suak tu in a kisam sa, Jesus Christ taw kipumkhatna ah ama ii neisa a suak mi theampo, mun theampo ah amate le eite ii Topa ahi ih Topa Jesus Christ a bia mihing theampo tungah lai kong thaak hi: