Daniel 9:15 - Syin Chin Bible

¹⁵ Oh “Topa kote Pathian awng, na mite Egypt ngam pan nong paipuina taw in na vaangletna nong lak a, na vaangletna kiciamtee lai hi. Ka maw zo uh hi; khialna ka vawt zo uh hi.

Daniel 9:15 Iomraidhean Croise

1 Kumpite 8:51

Amate sia na mihingte hi a, tua meiphual lingh na Egypt pan na pusuasakte ahi hi.

2 Kumpite 21:15

Hi bangin ka vawt tu sia banghang ziam cile ka mite in kei tungah hong maw a, Egypt ngam pan a taanghpupite ii a pusua pan kipan tuni dong ma ka thin hong uuksak tawntung hi,” ci hi.

2 Khangtaanghthu 6:37

na mite ii thungetnate ngai in. Tua ngam pan amate kisiik kikin a mawna le a seksolna pualaak in thu hong ngen le, amate thungetnate na ngai in, Oh ka Topa awng.

Nehemiah 1:10

“Topa awng, hite in nangma mi, na naseamte ahi uh hi. Na vaangletna le na thahatna taw amate na suatak hi.

Nehemiah 1:6

Topa awng, hong en ta'n a, Israel mi na naseamte atu a sun a zanin ka thungetna hong ngai ta'n. Koma Israel mite mawna khialna teng hong pualaak khi hi. Ka taanghpupite le keima ka maw zo uh hi.

Nehemiah 9:10

Kumpipa, a uliante le a ngammite langpanin nalamdang laknate na vawt hi, banghang ziam cile amate in na mite a zawnsakna na he hi. Tuni dongin na nei minthanna sia tua hunlai pan na nga ahi hi.

Psalm Late 106:8

Ahihang ama in a kamciamsa bangin a vaangletna lian a lakna in amate hun hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:16

Hi bang ngeina poai vawtna sia nung thu hong phawksak kik tu in ih khut tungah ahibuale ih tal tungah tepteena a kikhit bang hi tu hi; tua in Egypt pan Topa in a vaangletna taw hong pusuapuina thu hong phawksak tu hi,’ ci in son tu nu hi,” ci hi.

Pusuana 13:3

Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 13:9

Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Pusuana 14:18

Amate ka zaw ciang Egypt te in keima Topa ka hina hong he tu uh hi,” ci hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 6:1

Tuasia ciang Topa in Moses tungah, “Tu in kumpipa tungah ka sep tu te na mu tu hi. Ka mite a paisak natu in ka seam nanak tu hi. A tatakin ci leang a leitang pan ka mite a hawlkeak tu in ka sawl nanak tu hi,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 9:16

Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi.

Isaiah 55:13

Tu laitakin lingte omna munah cypress kungte po tu hi; lingkungte luangin myrtle kungte poto tu hi. Tua in a tawntung a kho tu lim khat hi tu a, Keima Topa ii sep sate hong phawk kiksak khat hi tu hi,” ci hi.

Isaiah 64:4

Ama sungah lametna a nei mihingte atu in tuabang na a seam, nangma bang Pathian khat sia kuama in mu ngeingawl a, za zongh za ngeingawl uh hi.

Jeremiah 14:20

Topa awng, nang tungah kong maw zo uh hi; koma ii mawnate le ka taanghpupite ii mawnate kong pualaak uh hi.

Jeremiah 32:10

Thukimna lai vawtin letmat ka thu a, thu hong heak pui tu in tetti te sam in, sumteena taw sum ka tee hi.

Kaa late 3:42

“Topa awng, kote mawin, kong langpan zo uh a, nangma in nong maisak bua hi.

Ezekiel 5:6

Ahihang Jerusalem in ka thupiakte hong langpan a, a dang ngamte sangin a ngitlo zawkna hong lak a, kiim le paam ngamte sangin thuni ngawl zaw hi. Jerusalem in ka thupiakte nial a, ka thukhamte zui ngawl hi.

Daniel 9:5

“Kote khialna ka vawt zo uh a, ngilo in ka maw zo uh hi. Sep tu in nong thupiakte kong nial uh a, a maan nong lakna pan ka pial zo uh hi.

Luke 15:21

‘Pa awng, Pathian tung le nangma tungah hong khial zo khi hi. Na tapa ci tu in ka kilawm nawn bua hi,’ ci hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

2 Corinth te 1:10

Tuabang a kiitakhuai thithei natu panin, ama in hong ngum zo a, hong ngum lai tu hi; mai sang zongh ah ama in hong ngum kik lai tu hi, ci in lametna ama tungah ka nei zo uh hi,

Thuhil kikna 5:15

Egypt ah sila na hi na le keima Topa na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.