Daniel 9:12 - Syin Chin Bible

¹² Kote tung le kote hong ukte tungah kong vawt tu hi nong ci sa bangma in nong vawt hi. Leitung a om khuapi dang khat po sangin Jerusalem khuapi sia a nasia zaw in daan na pia a,

Daniel 9:12 Iomraidhean Croise

1 Kumpite 3:9

Tua ahikom na mite thutang khenna taw ka uk thei natu le a pha le a sia ka khentel thei natu in ciimna hong pia ta'n. Tua ahibuale bangbangin hi na mihonpite uk thei tu khi ziam?” ci hi

2 Kumpite 22:16

Topa ii thupiak hi teng kumpipa puakin sawl hi: “Keima in Jerusalem le a mite theampo kumpipa ii sim laibu sia sungah a ki at bangin daan ka pia tu hi.

Job 12:17

Ama in ngamukte ii ciimna laaksak a, ngam lampuite sia a mawmawte bangin ngamtasak hi.

Psalm Late 148:11

Ama pok vun, kumpipate le mihing theampo, kumpi tate le a dang ngamukte;

Psalm Late 2:10

Tu in no kumpi te awng, hi kidop natu thu hong ngai tavun. No leitung ukte awng, hi thu tel tavun.

Paunakte 8:16

Leitung ah ngam uk theampo in keima huna taw ngam uk hi, ngam uliante ahizong nam liante ahizong ka hu hi.

Isaiah 43:28

no hong ukte in ka inn thiangtho sia ninsak uh hi. Tua ahikom Israel tungah siatna kong thengsak hi; ka mite selnona ka thuaksak hi,” ci hi.

Isaiah 44:26

Ahihang ka naseampa in thuson kholna khat a nei ciang, ka ngealnate pualaak tu in, kamtai khat ka puak ciang tua ngealnate le sonkholnate ka taangtungsak hi. Jerusalem ah mite teang kik tu hi ci in Jerusalem tungah ka son a, Judah ngam khuapite kisa kik tu hi ci in Judah ngam khuapite ka son hi. Tua khuapite sia a siatcipnate sung pan tho to tu hi.

Jeremiah 30:7

A lauhuai mama ni khat hong theng tu a; nidang taw kitee thei ngawl tu hi — ka mite ii ngimna thuak hun hi tu a, ahihang amate suakta veve tu uh hi,” ci hi.

Jeremiah 32:23

Ahihang amate in hi ngam hong theng a, ngam a nei uh ciangin na thupiak ni ngawl a, na thuhilna bangin ngamta ngawl uh hi; vawt tu a na thupiakte bang mama vawt ngawl uh hi. Tuasia hu in hi suksiatna theampo amate tungah na thengsak hi.

Jeremiah 39:16

Ethiopia mi Ebedmelech tungah a son tu in Topa in kei hong sawl hi. “Ka vawt tu hi ka ci bangin hi khuapi tungah nopsakna ahi ngawl siatna ka tungsak tu hi. Hi bangin hong pian ciang a mu tu in tua munah na om tu hi.

Jeremiah 44:23

Topa ii hong thupiakte theampo ni ngawlin ama tungah na maw uh hang le milim pathian dangte tungah biakpiakna na piak uh hu in hi bang tuasiatna no tungah hong theng hi,” ka ci hi.

Kaa late 1:12

“Kei hong en ka ven!” ci in ama kaantan in a pai theampo tungah ko hi. “Kei nat bangin kuama in a na thuak ngeingawl hi. Topa in a thin uuk laitak hong thuaksak natna a hi hi.

Kaa late 2:13

Jerusalem awng, kong it Jerusalem awng, bang kong ci thei tu ziam? Bangbangin nang hong heeneam thei tu khi ziam? Kuama in hi bang peuma in thuak ngeingawl hi. Na tuasiatna sia tuipi bangin mong nei ngawl a; bangma muanmawk thei tu om ngawl hi.

Kaa late 2:17

Topa in hong tawnna teng a khak belin tungsak hi. Ama in hun saupi lai a eite kidop natu hong hil sa bangin hesuakna om ngawlin hong lalsak hi. Ama in ih ngalte ngalzosak a, ih ngallelna ah amate lungdamsak hi.

Kaa late 4:6

Ka mite sia thakhat thu in Pathian khut sa a thuak Sodom a teang mihingte sangin nasia zaw in daan kipia hi.

Ezekiel 13:6

Amate mukholna sia maan ngawl a, a thu sonkholte sia leilot thu hi. Amate in kei kam vaithak hi ci ahihang, keima in amate thataak ngawl khi hi. Tua hi napi in, amate in a kammalte taangtung tu in muangmaw uh hi!

Ezekiel 5:9

Ka ngaimawk nate theampo na vawt hu in, Jerusalem sia nidang a ka piak ngeingawl, mai sang zongh ah ka piak nawn ngawl tu daan ka pia tu hi.

Daniel 12:1

Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

Joel 2:2

Tua ni sia khuatuapin, a zing le meeivom kaai ni khat hi tu hi. Mualte tungah khuazing kizel bangin khaumaw ngalkaphonpi in maisang nawk hi. Hi bang peuma om ngeingawl a, om kik ngei nawn ngawl tu hi.

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Zechariah 1:6

Na taanghpupite tungah ka naseam kamsaangte tungtawnin thupiaknate le kidop natu thute ka pia hi, ahihang amate in tuate thusim ngawl a, a ngamtatna taw a kizui in ngimna thuak uh hi. Tuasia ciang amate kisiik kikin, keima, a Vaanglianbelpa Topa in amate taw a kiphu bang le ka sep tu tatak a ka khensat bangin daan ka piak hunlam hong tel uh hi,’ ” cisak hi.

Zechariah 1:8

Siphu san khat tungah a to khat ka mu hi. Ama sia myrtle thingkung pawlkhat kawm, kuam sung khat ah tawlnga a, ama nungsangah siphu dangte — a san, a pawl tiptep le a kaangte om hi.

Zechariah 7:12

a lungtangte suang bangin saksak uh hi. Khua ngeipi lai a kamsaangte tungtawn a ka hil thute ngai nuam ngawl ahikom, ka thin uuk mama hi.

Matthew 24:21

Banghang ziam cile tua hun ah ngimna sia leitung a kipat pan kipan, tuni dong a piang ngei ngimnate theampo sangin nasia zaw pek tu hi. Tuabang ngimna sia maisang zongh ah om kik ngei nawn ngawl tu hi.

Matthew 5:18

Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Mark 13:19

Banghang ziam cile tua hun a ngimnate sia Pathian ii leitung a bitphua pan tu hun dong leitung mihingte ii heak ngei sangin nasia zaw pek tu hi. Tuabang ngimna sia maisang zongh ah a om nawn buatu hi.

Luke 21:22

Banghang ziam cile tua hun “Daan piak hun” a kici Laithiangtho ii son sia a tun natu ahi hi.

Romete 15:8

Banghang ziam cile Pathian in thumaan a, amate ii pute pate tungah a kamciamte tungsak tu ahikom,