Daniel 8:4 - Syin Chin Bible

⁴ Tua tuutal in a kiite taw, nitumna sang, saksang le thangsang a sik kawkoai sia ka en hi. Nganhing dangin khaktan zo ngawl a, a thahatna pan suakta zo ngawl uh hi. Ama sia a uk bang po ngamta in kisathei hi.

Daniel 8:4 Iomraidhean Croise

1 Kumpite 22:11

Amate sung pan khat, Chenaanah ii tapa Zedekiah in thik kiite vawt a, Ahab munah, “Hisia Topa ii pauna hi: ‘Hite taw Syria te na sim tu a, na zocip tu hi,’ ” ci hi.

Job 10:7

Maw ngawl ka hi hunlam le, na khut sung pan kei hong hun thei kuama om ngawl ci sia na he hi.

Psalm Late 44:5

tuaciangin nangma vaangletna taw ngalte ka zo uh hi.

Psalm Late 50:22

“No, kei hong ngaingonte awng, hi thu ngai vun, tua ahibuale kong susia tu hi, tuaciang no hong hun tu kuama a om buatu hi.

Psalm Late 7:2

tua ahibuale hong hun thei tu a om ngawlna munah tawpi bangin kei hong kai tu a, tua munah amate in kei hong baltham tu hi.

Ezekiel 34:21

Note in tuu a ciinate na kii uh taw na sii uh a, tuuhon sung pan na niil keak uh hi.

Daniel 11:16

A nalh tu om nawn ngawlin Syria ngalkap pa in a uuk bang pawpo in amate vawt tu hi. Ama in Kamciamsa Ngam sungah ding tu a, tua ngam sia a khutnuai ah koi tu hi.

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 5:19

Ama sia lian mama ahikom ngam theampo, minam theampo le paunam theampo pan mihingte in ama kiita in liing uh hi. Mihing khat pawpo a thatlum nuam le thatlum a, a nungtasak nuam le nungtasak hi. Ama in a upat nop pawpo upat a, a maimawlsak nop pawpo maimawlsak hi.

Daniel 5:30

Tua zan mama in Babylon kumpipa Belshazzar sia kithatlum a,

Daniel 7:5

A niina nganhing sia a nung peangte taw a ding vompui khat taw kibang hi. Tuasia in a hate taw telngu thum pu a, awnging khat in ama tungah, “Sa na neak zawk zaza ne tan lai in!” ci hi.

Daniel 8:7

Keima in tuutal a sik ka en hi. Tuasia a thin uuk mama ahikom, tua tuutal si ngawpin, a kiite nii taltansak hi. Tuutal in a nan zawk natu thangui thatang nei ngawl hi. Tuasia lei denna in kinei a, kituanhcil in, a hun zo tu kuama om ngawl hi.

Micah 5:8

Minamte sungah a taanglai mite sia duisung ahibuale, ngamsa tatna mun ah, an zong tawpi savai khat bang hi tu hi: ama in tuuhon sungah tum a, tuute manin a bek a bekin laai a — tuaciang suatak natu lametna om ngawl hi.

Thuhil kikna 33:17

Joseph in khuital khat ii thahatna nei a, Ngam khuital kiite nei hi. Ama kiite sia Manasseh mi a tul a tul le Ephraim mi tulsawmte ahi hi. Tuate taw minamte sii a, leimong dongah nawk hi,” ci hi.